حصريا لنايل موتورز الموديلات الجديدة لمعرض اوتوماك من داخل الوكيل

**minagold** · 10-03-2015 10:15 PM

انهاردة كنت فى التوكيل و كان فى تجهيزات لموديلات جديدة هتنزل لاول مرة فى معرض اوتو ماك الصراحه كان فى حاجات كتير بس اللى شد تركيزى و نسانى اى حاجة تانى هى الوحش الكوبرا

طبعا مش محتاجة كلام كتير العربية على الطبيعة حاجة تانية و اتكلمت مع المهندس احمد المسئول عن وضع مواصفات العربيات و الفئات اللى بيستوردها التوكيل و هو راجل قمة فى الذوق و الاحترام و المعلومة الجديدة انه قالى مستعد يستورد اى فئه للموديلات الموجودة و المواصفات اللى بيحتاجها العميل و الاسعار مش عالية زى اسعار الموجودة و على حسب الاضافات بيتحدد السعر بس الكلام مطمئن من حد محترم و توكيل متوقعلة النجاح
اسيبكو شوية مع الوحش الكوبرا

نيجى بقى للجنط اللى معمول مخصوص لمصر و شوارعها و هو 19

بالنسبة للمواصفات هى 2000 سى سى و تربو 280 حصان و مانيوال جميع الكماليات ماعددا فتحة سقف و السعر زى الفل ب 540,000 ايوة معدية النص مليون و البركة فى الجمارك

موديل تانى جديد و هو Leon ST
و دة بيمتاز بحجم شنطة اكبر و التجهيزات مش مختلفة كتير اللى كان موجود فئتين بس اللى هي الهاى لاين نازلة فول بانوراما و زينون ليد و كل التجهيزات لليون الهاى لاين

طبعا الشنطة بحر بس العربية طويلة جدا على الطبيعه و دى بعض الصور

نيجى لموديل جديد و دى عربية ڤان اسمها Alhambra I-Tech بس عربية جميلة جدا نازلة سبعة راكب و جميع الكماليات و شيفتات فى التارة و دى انا ملحقتش اصورها بس دى صورها من النت و هى نازله فئه واحدة هاى لاين

يتبع

**minagold** · 10-03-2015 10:24 PM

نيجى لموديل جديد و هو سيات ابيزا black Edition

ودى نفس تجهيزات الهاى لاين زيادة جنوط اسبور 16 لونها اسود و مرايات بالون الاسود و الاهم هو الفوانيس الليد و الزينون

موديل تانى و هو فئه جديدة للتوليدو و هى نازلة بنفس فوانيس الليون الهاى لاين اللييد زينون و زجاج ملون و فوانيس خلفية ليد و شكلها الصراحة فرق جامد و افخم بكتير

اتمنى يكون الموضوع مفيد و بالتوفيق للجميع

**minagold** · 10-03-2015 10:48 PM

دى صور الليون ST

**samsam_91** · 10-03-2015 11:25 PM

احلى خبر سمعته انهاردة والله ان الكوبرا اخيرا هتنزل مصر ! بس السعر مبالغ فيه حبتين كتير اوي يعني اخرها كان ممكن يبقى في حدود 350 ل 400 :(

شكرا على الاخبار الجامدة دي و صراحة المعرض محتاج زيارة و خصوصا بعد الاخبار دي :d

**SYD** · 11-03-2015 10:16 AM

شكراً لمجهودك

تحياتي

**noor eldin** · 11-03-2015 09:14 PM

احب اصلح معلومه صغيره ان الليون بالشنطه الكبيره اسمها ليون اكسبيرينس experience و تقدر تتأكد من الموقع و النت.. و الليون ال اس تي st هي اللي اسمها سيات ستايل بلس style plus اللي معايا..

**minagold** · 11-03-2015 10:25 PM

المشاركة الأصلية كتبت بواسطة noor eldin

احب اصلح معلومه صغيره ان الليون بالشنطه الكبيره اسمها ليون اكسبيرينس experience و تقدر تتأكد من الموقع و النت.. و الليون ال اس تي st هي اللي اسمها سيات ستايل بلس style plus اللي معايا..

اول حاجة اهلا بحضرتك

بالنسبة للاسم الليون فى اربع موديلات
الليون 5D العادية
الليون SC و دى الكوبية
الليون ST و دى اللى بالشنطة الكبيرة
الليون experience و دى عربية جيب دفع رباعى و بشنطة كبيرة

و كل موديل من الاربعة بينزل منه تجهيزات رياضية نوعين
ال Cupra
و ال FR

اما ال style refrence و style و style plus di الفئات لكل موديل و لكل اسم تجهيزات و كماليات مختلفة
تحياتى لحضرتك

**minagold** · 11-03-2015 10:30 PM

المشاركة الأصلية كتبت بواسطة samsam_91

احلى خبر سمعته انهاردة والله ان الكوبرا اخيرا هتنزل مصر ! بس السعر مبالغ فيه حبتين كتير اوي يعني اخرها كان ممكن يبقى في حدود 350 ل 400 :(

شكرا على الاخبار الجامدة دي و صراحة المعرض محتاج زيارة و خصوصا بعد الاخبار دي :d

اهلا بيك يا باشا و الكوبرا فعلا ملهاش حل و السعر منها لله الجمارك بس فى امل كمان عشر سنين و لاحاجة لو حصل و شالو الجمارك اللى اكيد مش هيحصل ممكن نركب العربيات دى ساعتها

**minagold** · 11-03-2015 10:33 PM

المشاركة الأصلية كتبت بواسطة syd

شكراً لمجهودك

تحياتي

اهلا بحضرتك و شكرا لذوقك يا باشا

الموضوع: حصريا لنايل موتورز الموديلات الجديدة لمعرض اوتوماك من داخل الوكيل

LinkBack

أدوات الموضوع

عرض

-

المواضيع المتشابهه

حصريا لنايل موتورز : تقرير بالصور عن الالنترا 2014 من داخل التوكيل

- حصرى لنايل موتورز - اول تقرير 20 صورة من داخل معرض اوتوماك فورميولا 2014

حصريا لنايل موتورز : تقرير بالصور عن الالنترا 2014 من داخل التوكيل

حصريا لنايل موتورز فقط.. تغطيه شامله لمعرض قطر الدولي للسيارات...كل الصور

حصريا لنايل موتورز :تغطية مصورة لمعرض الكويت الدولي للسيارات 2010

الكلمات الدلالية لهذا الموضوع

المفضلات

المفضلات

ضوابط المشاركة