لو جبت طابعة كومبيوتر هتبقى مكلفة ؟ الحبر
عرض للطباعة
لو جبت طابعة كومبيوتر هتبقى مكلفة ؟ الحبر
الطابعة الليزر بتبدأ من 500 جنيه تقريبا والحبارة بتقعد معاك لحد ألف ورقة تقريبا وممكن أكتر وبتملاها ب50 جنيه لكن طبعا دي أبيض وأسود بس مش ألوان الألوان مكلفة شوية ومش ليزر
أكيد في أسعار أقل من 500 بس أنا قلتلك على أسعار الحاجة المحترمة اللي مش هتتعبك
يعني لما تشتري متجيبش غير HP أو Canon غير كده منصحكش علشان معظم الماركات التانية زي باناسونيك وسامسونج مثلا ممكن أوي الحبارة تخلص ومتعرفش تملاها تاني وتضطر تشتري حبارة بتمن الطابعة كلها تقريبا علشان الشيباية بتاعة الحبارة ممكن متعرفش تلاقيها عند معظم الناس اللي بتملى حبارات والكلام ده عن تجربة شخصية مع طابعة باناسونيك 4×1 اشتريتها بتمن ممتاز من كارفور ب950 جنيه تقريبا ولما الحبارة فضيت اتبهدلت على ما عرفت املاها مع اني روحت لشركات كبيرة زي أبو الخير وفي الآخر بالصدفة البحتة لقيت محل صغير في الدور التالت في سوق العصر قالي هملاهالك وفعلا ملاها بس بكام ؟ ب175 جنيه حسب ما أذكر !! ونصحني زي ما بقولك كده أجيب يا hp يا canon دول أكتر ماركتين كل الناس بتفهم فيهم وهتعرف تصلحهم أو تملى الحبارات ب50 أو ب40 جنيه كمان مش هتضطر تغير الحبارة غير بعد كذا مرة أما الماركات التانية هتشتري حبارة علطول وممكن تدوخ على ما تلاقيها أصلا كمان
لسه شارى امبارح hp1515 (الوان)طابعة+ماكينة تصوير+ سكانر و سعرها 380جنيه
المشكلة في الالوان… .
الاسود الليزر بتتملي ب 50 جنيه
لكن او عايز اجيب واحدة الوان ليزر هينفع تتملي ولا هتبقي هبل في سعر الحبر ?
اول مرة اعرف اني ممكن املى الحبارة,
انا على طول بشتري حبارة جديدة كل ما الحبر عندي يخلص, سعرها حوالي 200-300 جنيه..
ده فين اماكن ملي الحبارات دي ؟ انا عندي طابعة Brother ليزر..
الحبارات بتتملي طبعا ب50 جنيه من عند أي محل متخصص في الحبارات والبرنترات وأشهرهم حسب علمي أبو الخير موجود في مول السخاوي في روكسي بس زي ما قلت مش كل الأنواع ينفع تتملي لكن الاتش بي والكانون أساسي بيتملوا عادي جدا وأعتقد ممكن الحبارة تتملي 3 مرات وبعدين تتغير