حبيبي يا ابوحميد
اهلا بيك في بيتك الأولاني
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
السلام عليكم
وحشنى جدا ده بالنسبه للناس القدام اللى عارفنى
وبالنسبه للناس الجداد اقتبس مقوله للفنان القدير اللمبى شايف خلق جديده فى السجن احب اقولكو احنا ازدادنا شرف بيكو والله
فى السريع احب اوضح انى ركبت ابيزا 94 وكنت مسقطلها مكنه بمعرفتى 1.4 8 صباب بكود apq وشغلت الايموبلايزر وركبتها فتره وبعد كده بعتها واشتريت هوندا اكورد 90 حبيبه قلبى وللنصيب بعتها ونقدر نقول انى فهمت 80% من الابيزا ككهربا وميكانيكا اكتر من الهوندا ومعرفتى بالهوندا توقف عند الكهربا والتكييف بس المقدمه دى للناس اللى مش عارفانى
انا نويت اجيب عربيه ليون 2001 وهى بالظبط التوليدو والعربيه عجبانى بس خبرتى فيها زيرو انا تعاملت مع الكوردبا 2001 فتره كويسه لانها مع اخويا وظبتطله فيها حاجات كتير
اللى انا اعرفه عن الليون او التوليدو
1- سعر اعاده البيع ووقت البيع وحش جدا
2- العزل ممتاز والعفشه ناشفه شويه صغيره
3- التكييف معقول مقارنه بالاوربى
4- العربيه عاليه عن الارض
5- العربيه ضيقه سنه من جوه وشنطه بحجم معقول مقارنه بالنوبيرا
6- الثبات ممتاز والمناوره تحفه
7- العربيه مشتركه مع الاوكتافيا والبورا والجولف 4 والاودى a3 فى حاجات كتير جدا
اللى عايز اعرفه
1- اسعار قطع الغيار المستهلكه بصفه دوريه من تيل فرامل وسيور وزيوت وبلى كاتينه وفلاتر
2- المكنه ال1600 ال16 صباب هل هى افضل مكنه للاستخدام ولا فى افضل
3- اسعار اكسسوارات الجسم الخارجى ظروفها ايه افتكر ان الهوندا الاكصدام الامامى كان ب1200 جنيه وهى موديل 90
4- استهلاك البنزين لفئه ال1600
5- العربيه فى السفر والمسافات الطويله
6- العيوب الدائمه اللى فى العرييه ومهما حاولت مبتتصلحشى زى مشكله الفرامل فى الدايو كده
وببعت تحيه خاصه لحبايبى محمد سيد وايهاب منصور وكريم واحمد مبارك وصلاح وايهاب wind of change وحسام الصديق وكل حبايبى بتوع سيات
https://t.me/pump_upp
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
حبيبي يا ابوحميد
اهلا بيك في بيتك الأولاني
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
حبيبى احمد بك
واهلا بعودتك لعائلة السيات
انا برضو بدأت بسيات 94 وكانت كسر زيرو وانتقلت لهوندا وعدت لسيات 2000مره تانيه بعد سنوات المركاتين محترمين فعالا وبوجه عام لا أحب الخروج عن الصناعه الالمانيه او اليابانية فى السيارات
العربيه ده مع ابو صلاح ان شاء الله يخش ويفيدك بتفاصلها عدا الاسعار لانه خارج مصر
تحياتى
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
حبيبى يابو السيد
انت لو رحت قسم هوندا هتلاقى مليش مشاركات خالص
اعتبرنى ممشيتشى اصلا ومليش بيت تانى
حسام باشا تسلم على النصايح يا كبير
انتو تقدروا تقولولى مبروك لانى خلصت فى العربيه وعمال استكشف واحده واحده والى الان الدنيا الى حد ما تمام
نقول شهر ولا حاجه ويبقى معاكو تقرير ابن جنيه عن الليون
ومنتظرين ابو صلاح لان فعلا بستمتع بكلامه واتعلمت منه حاجات كتير خصوصا انه بيحب الكهربا زى حالاتى وان كان عصبى حبتين بس ابيض القلب :)
https://t.me/pump_upp
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
و عليكم السلام
ازيك يا أحمد بيه نتمني من الله ان تكون بخير حال
العربية دي تحفه و ممتازه و للامانه كنت بفكر فيها وقت شراء عربيتي اللي معايا و لكن ملقتش قدامي تنوع منها لأنها قليلة قوي في السوق و لكنها مميزة قوي ... انا بعشق الليون في كل موديلاتها الصراحة
أسئلتك دي كلها صعب تلاقي حد من مصر يرد عليها كلها لقلة الانتشار لكن العربية عموما كقاعدة عجلات و محركات و تعليق و كهرباء و نصف قدماني متوفرة و مشتركة مع عربيات كتير فمتقلقش خالص من توافر اي حاجه منها مشكلتك فقط في النصف الخلفي هتلاقيه غالي شويه لكن مش قوي
العربية دي ميزتها انك تقدر تنزل عليها محركات كتيييييييير اوتو و مانيوال و من افضل محركاتها المحرك ال1800 ال20 فالف فيه منه مانوال و اوتو و عادي و تربو و كل ما تتمناه
اعتقد ان المحرك ال1600 اللي فيها كويس قوي عاليها و هيعجبك
ربنا يوفقك لما فيه الخير يا صديقي العزيز
م / إيهاب منصور
SEAT CORDOBA 2002 1.0 16V AVZ
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
حبايب قلبي و الله وحشتوني
انا داخل صدفة و الله ومفتقدكوا جدا
العصبية !! ههههههههه موضوع عصبيتي و الله ما باديا يا شباب انما هو طبع ، و الطبع يغلب التطبع .. انما الحمد الله ان عصيبتي بتكون في الخير ديما ، و لو ان يعني العصبية ناتجه عن اخطأء الاخرين في التصرف .. لكن ارجع و اقول مش كل الناس زي بعض و كل واحد عجباه دماغه
نرجع بقا لليون حبيبة قلبي ... العربية دي يا كوتش وكلالي دماغي
الموجود في مصر و الغالب على ما اعتقد 1.6 انما 1.8 مش موجوده تقريبا
ارجوك لو هتجيب العربية دي .. تجبها على ابوها و مش ملعوب فيها ولا متسقط لها قبل كدا ..
لما تيجي تصيين تجيب قطع غياراها الاصلية و بس ، و السبب ان هتروح زهوتها و قوتها في القطع المضروبه و الغير الاصلية و عن تجربة .. بفضل الله من ساعة ما اشترتها كل قطعها اصلية 100% بشتريها من التوكيل او من على Ebay في حاله فرق السعر المبالغ . و سهل جدا تروح لتاجر يجبلك واحده من بره استيراد اللي بيسموها خرده ، و سعرها بيكون في الارض تجيلك عربية كاملة تاخد منها قطع زي ما تحب . (دي مجرد فكرة) لان انا عارف ان قطع غيار العربية دي نادرة الى حد ما في مصر
الثبات : طبعا عايز اقولك انا باخد ملفات قاسية جدا على 160 و اكتر و بفضل الله ثبات ما بعده ثبات ، العربية قاعدة على الارض و تقيلة
التقفيل : راااااائع .
انا كمان عربيتي 1.8 ال 20v كامل المواصفات ، فيها TCS تقدر تتحكم في تشغيله و ده كان بينزل في العربيات اللي فيها تربو بس من نفس الموديل ، مع انه النظام ده موجود من ظمان في عربيات تانية و لكن نادر وجوده في مجموعة فولكس القديم الا عربيات اللي موجوده في اوربا طبعا ... انا نفسي اجيب اختها بس 380 حصان .. بس للأسف بتيجي بدون اضافات هي بس المكينة اللي اقوى .. انما الكماليات بتيجي مش كامله في العربية 380
الكماليات : اللي موجود في مصر على حد علمي ( ازاز كهربا - مريات كهربا بالكامل folding - و تكييف تاتش) و شوف واحده توليدو 2003 كانت فيها فتحة و دي نادرة جدا طبعا عندك في مصر .
العفشة : ممتاذة جدا و ناعمة بس على المساعدين و القطع الاصلي فقط .
خد بالك ان حتى 1.6 جراية و ثابته الفرق في قوة الموتور و سيبك من الكماليات علشان ما تتعبش ، لان لو حكينا على الكماليات بصراحة مش هنخلص . و هقولك على الموجود عندي ، ( تكييف تاتش/كراسي كهرباء بالكامل/مريات كهرباء بالكامل folding/ مراية الصالون تغييم اوتوماتيكي/ ايرباك امام و على المقاعد بالكامل امامي و خلفي / cd changer وده جاي فيها من المصنع / مثبت سرعة / فتحة سقف / جنوط 16 اصلية / فوجات امامي و خلفي / مساحات اوتوماتك و للأسف من ساعة ما غيرت الازاز و الوظيفة اتلغت / TCS / ABS /ECP / side light )
العربية دي بس فيها مشكلة واحده من وجهة نظري و اللي هي الطلعة بتعتها شوية متأخرة و ده نظرا لثقلها ، انما غير كدا مع مثيلتها .. عايز اقولك انا فرمت جيتا 2000 سي سي زي صباح الخير .. جولف 5 حطيت عليه عادي جدا ...
هوريك فوديوهات ليها لو حابب يعني .. هخليك تشوف الليون بتعمل ايه في Audi و عربيات تانية كتير ، عربية واحدة في فيديو واحد بس مجننة عربيات بالهبل .. انت نفسك مش هتصدق ان دي بتعمل كدا في العربيات دي
العربية دي التعديلات بتخلي شكلها فشيخ اكتر ماهي
و كمان فيها مزيه حلوة اوي مهما يعدي عليها الزمن لو انت محافظ على شكلها و صاينها كل الناس تفضل تسألك دي موديل كام .. ما بيبانش انها عربية قديمة ابدا .. و حصلت معايا كتير جدا .. الناس بتستغرب ان الموديل ده 2004 .. كله بيفتكرها موديل 2008 - 2009 .. و دي الناس اللي ما تعرفش السيات
الكلام في الليون 1999- 2006 اللي هي mk1 او 1M1 كتير جدا , و مايخلصش بس للاسف مش هقدر اطول عن كدا لضيق الوقت .. لو حابب تتكلم باستفاضة ممكن على التليفون يا باشا انا تحت امرك ووسائل اتصال ما اكثرها . تبعتلي رقمك في رسالة ع الخاص و انا هضيفك و اكلمك باذن الله .. و اقولك على مشاكلها و كل اللي عايز تعرفه باستفاضة باذن الله تعالى
لو قصادك واحده نضيفة اوووووي بدون اي لعب .. اشتري و انت مغمض و ربنا يكفيك شرها
اسف على الاطالة
تحياتي
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
حبيبى يا بشمهندس يا بتاع السيات كلها
والله هى العربيه مكنتشى على البال كل علاقتى بيها انى بحب شكلها الهجومى وزى ما عمونا صلاح بيقول انها من جوه وبره تحس انها موديل علاى على الرغم ان اللى معايا موديل 2001 وكانت كل ما تعدى اختها الكبيره توليدو قدامى افضل ابص عليها وانا عارف انها حلم بعيد بس ربك كريم ومتنساش اخويا الاكبر منى معاه كوردبا 2001 واللى اكبر مننا معاه ميجان 2006 فالعيله ليها دماغ فى العربيات مش بتركب والسلام بالنسبه للوش انا بشوفه كتير ولفضل الله عليا العربيه من ورا تمام جدا ومش ناقصها حاجه ربنا يقدرنا نحافظ عليها واعتبرنى رجعت للزن تانى ومش هسيبك فى حالك :)
اولا والله ليك وحشه وانا فعلا بستفيد منك ومن معلوماتك يمكن فى صمت فى اغلب الاحيان وعجبانى دماغك فى الكهربا
وزى ما وضحت فوق انى مكنشى فى دماغى ليون انا كنت عايز اجيب عربيه والسلام اروح وارجع بيها من شغلى وكان معايا نوبيرا 1 وكانت مقضيانى يشاء ربك ويوفق فى العربيه الليون دى اللى بالمناسبه انا اول ما اتفرجت عليها بصيت على الكهربا بس بدون مبالغه لان عارف الالمانى لما بيزعل كهربا بيعمل ايه المهم جبت صاحبى اطمن من تحت وعلى المكنه واخويا وصل الفاج عليها وكشف على الايرورز ولقى شريط ايرباج وحساس اى بى اس وكان صاحب العربيه قايلى عليهم واشكر امانته على كل كلمه صدق فيها معايا
المهم يابو صلاح العربيه دى 2001 مكنه اس ار 1600 8 صباب من المفترض تكون 102 حصان على عزم تقريبا 5400 جنوط 16 كامله تكييف تاتش وفيها سنسور بارك ووحده رفع وكمبيوتر رحلات كل ده ستوك ولله الحمد شغال بس محتاج لمسه منى بسيطه بالنسبه للمكنه صاحبى طمنى من ناحيتها نقول 75 فى الميه وصوتها هادئ جدا الحمد لله وناعمه فى السحب ومريحه فى الغيارات وثبات ممتاز الا انها محتاجه ترصيص عشان فى غربله على سرعات معينه وفى الفرامل وده برضه كلام بسيط
انا مبجريش قوى للامانه ودايما بمد رجليا على قد لحافى يعنى اركب زيستافا امشى على 40 اركب نوبيرا يبقى اخرى 140 ممكن بالميجان 160 بس مبحرقشى على الغيارات غير نادرا او لتفادى كارثه وطبعا براعى الطريق جدا جدا قبل ما اجرى بس اقدر اقول ان العربيه دى غيرت اخلاقى شويه من يومين وجمدت قلبى على الجرى شويه بس مسيرى هتلم مش هفضل كده
كلامك طمنى قوى من ناحيه العربيه وخلانى حاسس بان ليا ضهر يقف ورايا وقت الازمات وشجعنى انى الاجع للمنتدى فى كل حاجه وطبعا هاخد رقم تليفونك عشان الاستشارات
مبدئيا العربيه جايالى ببطاريه 45 امبير ضعيفه جدا وممكن تنام من الانتظار دعبست وعرفت ان المكنه ال1.6 يلزمها 70 امبير ونزلت اشتريت بعد ما اطمنت على الدينامو والعربيه بقت تمام الحمد لله بس فى مشكله حصلت معايا
وهى ان العربيه سحبها بقى وحش وسامع صوت زنه من الموتور مكنتشى موجوده والعربيه بتجمعه كانى بدوس بنزين واسيب ورا بعض تقطيعه كده لكن على الاربى ام العالى صوت زنه بس لكن السحب نقول كويس
اخويا من المفترض يعملى ادوبتيشن للبوابه لانها اتفصل منها البطاريه فتره وده رست البوابه بس برضه احب اسمع ارائكم
وحاجه تانيه كنت بفكر اجيب مفتاح ريموت للعربيه وابرمجه اعرف منين ان العربيه مجهزه ريموت مع انى لما بفتح العربيه بالمفتاح الاشاره بتفلاش مره
اخويا برضه المفروض هيشترى وصله تانيه عشان يعرف يجيب البين كود بتاع العربيه عشان يقدر يكود مفاتيح براحته على عربيته الكوردبا هل الكلام ده ينطبق على الليون برضه
وبالنسبه للعصبيه كل ما هنالك انى بزعل لما اشوفك واخد موضوع على اعصابك وهو ميستاهلشى اصلا انك تعمل مشاركه عليه وببقى عايز اقولك انت اكبر من الكلام ده بس ارجع واقول انت ابيض القلب :)
https://t.me/pump_upp
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
الله يبارك لك على ابيض القلب دي .. من غير ما اشكر في نفسي بس انا فعلا قلبي مش اسود .. الله المستعان
بالنسبة لضبط البوابة ده موضوع مافيش منه مشكله بس ضبط البوابة له اسبابه .. بمعنى تعمل ضبط عموما في حالة أنك مسقط مكنه مثلا أو مغير كنترول أو مركب بوابه جديده .. لكن عموما عايز تعمل لها ضبط مافيش أي مشكلة خالص هتوصل vas و تعمل ضبط عام للكل و الكنترول بعد كدا هيظبط الدنيا لواحده
بالنسبة لموضوع وحدة الرفع .. هي مافيهاش وحدة رفع بالمعنى المقصود .. لكن شركة بوش عاملت اختراعات في كل جزء كهربي في العربية دي و هو حاجه اسمها motoronic وده فعلا قمة التكنولوجي بمعنى أنها خلت كل جز ء كهربي نقدر ندخله values معينة نتحكم فيه على حدى ... زي موضوع موتور الإزار ده ..موتور الإزار نفسه جواه مايكروبروسيسور و ميموني بيتبرمج و تقدر تسجل عليه امر تخليه يقفل مثلا بعد الضغط على الريموت مره مطولة تقدر تقفل الإزاز عن بعد ، و ده على سبيل المثال التوضيح .. لتطبيق الموضوع ده عملي بنوصل كيبل VCDS و نفتح البرنامج بتاعه و نبتدئ نعرف مفتاح و اتنين و عشره و نعرف ال IMMOBILIZER و حجات كتيرة ممكن نعملها بالبرنامج لا تحصى
عايز أقول في نهاية الحديث .. ان مهندس إيهاب كان له دور كبير أني اسلك الطريق ده و أداني الدافع و الادوات
عايز أقولك نصيحة .. لو عايز تتعلم كل يوم حاجه جديده .. أوعى في يوم و انت بتتعلم تسال سؤال انت عارف اجابته
ما تضيعش وقت في حاجه انت عارفها .. ابدا في الجديد ديما .. النصيحة دي علشان انت بتحب الكهربا
بس خليك شاطر و أوعى تتكهرب ههههههه
أسف للإطالة .. خالص تحياتي
SEAT SERVICES
[shfaf2]http://nileup.com/up/uploads/nilemotors_13794850301.jpg[/shfaf2]
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
يعني انت اشتريت خلاص ؟؟؟
طب مش تفرجنا ياعم الحج ولا ايه ... طب ده ينفع ؟؟؟؟ هي دي الاصول !!! هههههههههههههه
قلي العربية لونها ايه ؟ و ايه مميز فيها لأني كنت بلعب مع واحد معاه زيها قريبا لكن مش فاكر امتا ... بس كان ممتع الصراحة ..... انا كمان بطلت اجري بس بحب اناغش الناس علي خفيف كده
ابقي تعالي نشوفك !!! انت مبتجيش ليه ؟
م / إيهاب منصور
SEAT CORDOBA 2002 1.0 16V AVZ
رقم العضوية : 73157
تاريخ التسجيل : 16Jun2010
المشاركات : 911
النوع : ذكر
الاقامة : ismailia
السيارة: Kia Sportage GT
السيارة[2]: LEON cupra 1.8-20v
دراجة بخارية: no
الحالة :
المفضلات