الموضوع: طلب تسعير سيفيك 2009 و مشوره رجاله الهوند

السلام عليكم يا احلى رجاله

عشان ماطولش عليكم انا جايلى سفر قريب ان شاء الله تعالى و بصراحه محتار ابيع الهوندا و لا لا ؟ عشان كده قلت اخد رايكم و برده اعرف هى تعمل كام تقريبا فى الوقت الحالى
انا فعلا محتار ابيع و استغل الفلوس بتاعتها فى حياتى و سفري خاصه انى هاكون بره مصر و محدش هنا هيركبها مثلا او هيسوقها فتبقى واقفه فى جراج او عند حد من قرايبي و لا اسيبها و اهى تبقى موجوده وقت اما اكون انا هنا فى اجازه مثلا او لو قدر الله و محصلش نصيب فى السفر لاى سبب و رجعت على طول
حقيق مش عارف و محتار بس برده هى تعمل مبلغ محترم يخليني اقدر اشتري بيه عربيه فى الخليج لو استمريت هناك و الدنيا مشيت شوروا عليا الله يخليكم يا رجاله
و بفكر برده انى ابيع دلوقتى و لو حصل اى شيء مستقبليا ابقى اشترى تاني او اغير بقى لحاجه تانيه و الله المستعان

السؤال التانى بقى لو انا فكرت ابيع هتعمل تقريبا رنج كام ؟

هى vti 2009 كاملة طبعا
لون نبيتي
100000 كيلو او اقل شويه بسيطه
كل الصيانات توكيل
ملفها كامل باسمي فى التوكيل و رخصه باسمي و مستمره لسنتين و نص تنتهى 2017
مرشتش اى حاجه عدا الاكصدامين فقط فقط
فيها شويه خرابيش بصراحه منهم لله بقى عيال المسامير بس مش باينه اوي
مش محتاجه مصروف خالص الحمد لله مظبطها كلها و لسه مغير كاوتش من شهرين

تعمل بقى رينج كام تقريبا

افيدونى افادكم الله