صلح عربيتك بـ”البطاطس”

دايماً العربيات مهما كانت جديدة لازم بيحصل ليها أعطال ممكن تكون الأعطال دي بسيطة يعني مش محتاجة لمتخصص فيقوم صاحب العربية بأصلاحها لكن ممكن تكون الاعطال دي كبيرة فتحتاخ متخصص يتعامل معاها ، لكن العجيب بقى هو أنك تستخدم حاجة عجيبة عشان تصلح العربية زي البطاطس.
”ماريو باباديميتريو”الميكانيكي البريطاني اللي عنده 50 سنة وبيشتغل في شركة لتصليح العربيات على الطريق حصل على جائزة أحسن ابتكار بعد ما صلح عربية قديمة باستخدام البطاطس ، فراح ”ماريو باباديميتريو” لمزرعة ببلدة “بوترز بار” في مقاطعة “هيرتفوردشاير” البريطانية ولما وصل للمزرعة اكتشف إن سبب عطل العربية هو مكثف كهربائي لكنه للأسف مكانش معاه مكثف احتياطي للعربية دي لأنها قديمة فحاول أنه يصنع واحد لكن فشل عشان كده قعد يلف ويمشي حولين المزرعة لقى خضار ففكر أنه يعمل مكثف من البطاطس لأنها مادة عازلة وقام ثبت أسلاك على البطاطس ووصلها بموزع الشرارة وفعلاً اشتغلت العربية على طول.

صلح عربيتك بـ"البطاطس" | 3agiba.com