يعنى اية عقد ازرق للشقة ؟ واوازى اضمن انى المشترى الوحيد لشقة

**الفجر** · 11-03-2015 01:47 PM

ممكن حد يفهمنى يعنى اية عقد ازرق للشقة وهل في عقد احمر والوان ؟؟

وهل ممكن شقة بعقد ازرق وغير مسجلة في الشهر العقارى ؟؟

واواى اضمن انى المشترى الوحيد للشقة؟

**الفجر** · 11-03-2015 07:16 PM

ولا اجابة؟؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!

**hugan** · 11-03-2015 08:57 PM

متابع معاك

**Yousef Fadl** · 11-03-2015 11:55 PM

يقصد بالعقد الازرق هو مصطلح متعارف عليه من العامه ويقصد به ان العقد مسجل بالشهر العقارى ولكن الحقيقه انه العقد يكون مسجل عندما يختم بخاتم ناقل للتكليف

**الفجر** · 12-03-2015 05:45 AM

المشاركة الأصلية كتبت بواسطة yousef fadl

يقصد بالعقد الازرق هو مصطلح متعارف عليه من العامه ويقصد به ان العقد مسجل بالشهر العقارى ولكن الحقيقه انه العقد يكون مسجل عندما يختم بخاتم ناقل للتكليف

حد فاههم حاجة ؟

**medo_31** · 12-03-2015 09:10 AM

المقصود بالعقد الازرق انك تكون سجلت الشقة يعني اما بترفع قضية اسمها صحة ونفاذ العقد على البائع وبعدها بتكمل اجراءات في الشهر العقاري اللي هي اسمها نقل التكليف - يعني الشقة بتبقى باسمك في الشهر العقاري - وبتاخد الكلام ده في عقد ازرق .. وميزة التسجيل ده انه البائع لو باع الشقةمرة تانية سواءقبلك او بعدك الشقة بتكون من حقك قانوناً لأن ليك اسبقية التسجيل .. لكن عامة الناس بتفضل دلوقتي قضية صحة التوقيع والعملية ماشية ..

**new_man** · 12-03-2015 12:13 PM

لو انت المشترى الرابع للشقه مثلا والشقه مسجله بأسم اول واحد فقط عقد ازرق يعنى شهر عقارى
فلازم العقد يمر على كل فرد تملك الشقه قبلك وليس من الاول ليك مباشرتا
يعنى انت لو جيت تعملها مش هينفع يعنى لازم الاتنين اللى قبلك يكونوا عملوها او تجبهم يعملوها
اما لو انت اول مالك فالموضوع عادى

**GMakram** · 12-03-2015 03:15 PM

العقد الازرق مالوش علاقه بالشهر العقاري... ده المقصود به العقد الاصلي اللي بيبقي بين الشركه المالكه صاحبه العماره اللي بنيتها والمالك الاول للشقه وبيتسلم بعد كدا لكل مشتري بعده وبيكون مختوم بختم النسر من الحي التابع له العماره وده بيعتبر اقوي سند ملكيه للشقه....العقد ده بتأخده من المالك وانت بتشتري منه وبيعملك توكيل في الشهر العقاري بعد كده علشان تقدر تنقل ملكيه الشقه لك فى الشركه مع العلم ان مصاريف نقل الملكيه فى الشركه بتبقي غاليه ممكن توصل لكذا الف علشان كدا الناس بتستسهل وبتعمل توكيل....ويستحسن يعني متعملش توكيل وتاخد المالك وتطلع على الشركه يعملك تنازل بنقل الملكيه علشان ممكن لو عملك توكيل في الشهر العقاري ورحت به الشركه تنقل ملكيه يكون ناقص حاجه ويدوخوك

**Bassem Youssef** · 12-03-2015 08:54 PM

عقد ازرق يعني الشقه مسجله بالشهر العقاري و مش عليها فلوس لأي جهه

الموضوع: يعنى اية عقد ازرق للشقة ؟ واوازى اضمن انى المشترى الوحيد لشقة

LinkBack

أدوات الموضوع

عرض

-

-

المواضيع المتشابهه

طريقة تركيب المولد الكهربائى للشقة

محتااااااااااااج موتور مياه للشقة

طلب تسعير للشقة دية؟

عربيتى ازرق ميتالك وعاوز اخليها ازرق مط بالكربون هيبقى مخالف ولا ايه

تسعير اوبترا (انا المشترى )

الكلمات الدلالية لهذا الموضوع

المفضلات

المفضلات

ضوابط المشاركة