باندينو جابت فتيس بعد 11000 كيلو

**fadysaeed** · 16-03-2015 11:43 PM

اسف لعدم الرد
المشكلة اتطورت مع الوكيل
سأوافيكم بالتفاصيل قريبا

**octavia** · 17-03-2015 03:13 PM

بسم الله الرحمن الرحيم
اخى الكريم أحب اقول لك انا من بورسعيد ودى اول مشاركة لى فى المنتدى الرائع المميز جداً.
مش بس فى الناس المحترمين إللى المشاركين فية ولكن القائمين عليه
اما بالنسبه للفتيس لابد أن الميكاني يقول لك نوع الفيس البديل
اللى هيركب على العربية بتاعتك إنما فى الحرفين عندنا لسة العربيات الصينى عموماً مشفتش ليها مديح
وشكرا

**kaza** · 17-03-2015 03:57 PM

معلش انا مش فاهم الفتيس باظ من الاستخدام العادي ولا حضرتك خدت مطب وكسرت كرتير زيت الفتيس لان لو الموضوع التاني يبقي الاصلاح علي حسابك ولازم تعملة في اسرع وقت لان الزيت هيتسرب والفتيس يتحرق غير سرعة اكسدة الزيت وعمرة هتكون اقل

**تامر.محمد** · 17-03-2015 04:03 PM

نفس السؤال
هل الفتيس باظ لوحده ولا اتخبط ؟
و لو باظ لوحده , يعني ايه ما بتعملش صيانات و العربية اصلا ما كانش فيه غير صيانة واحدة , ال10تلاف و عملتها ؟

**Colin Chapman** · 19-06-2016 11:13 PM

المشاركة الأصلية كتبت بواسطة fadysaeed

اشتريت جيلي باندينو اتوماتيك 2013 ب 70 الف زيروا منذ سبع شهور (7-2014) وكنت مبسوط بيها معادا انها واطية جدا
لحد ما روحت عملت صيانة ال10 الاف ف التوكيل وبعدها بعشر ايام ظهر مشكلة في الفتيس انه بيعلق ومش بينقل الغيار اتوماتيك الا لو جبت علي n ورجعت d تاني
المهم التوكيل رفض يغيرلي الفتيس عشان مش كنت بعمل الصيانة الدورية
الفتيس كل يوم حالتة اسوء ودلوقتي العربية بتبطل لو وقفت خالص وانا علي d أو r كأني سايق مانيوال

الميكانيكي نصحني اجيب فتيس من بورسعيد

ارجوكوا ياجماعة محدش يعرف الاقي الفتيس باندينوا اتوماتيك 2013 فين وسعرة كام
لو سمحتوا ياجماعة اسألكم النصيحة