بسم الله الرحمن الرحيم

من يومين كنت بدور علشان اشترى شارك 2015 الكلام دا كان يوم الاحد 8/3/2015
نزلت عند القرش مفيش اى عربيات اول فئة خليجى باسبويلر او من غيرة ولا حتى اول فئة وكيل
نزلت عند الليثى نفس الكلام بس قالى ان الفئة الاولى خليجى موجودة فاضية من غير اسبويلر ولا ضمان ب 136000 طبعا سمعت الكلام ونفضتلة ومشيت نزلت لسمير ريان نفس الكلام مفيش اول فئة لا خليجى ولا وكيل وبيقول الاسعار هتزيد المهم بعدها ب 5 دقايق مدير المعرض قالى هتجيلى بكرة يعنى يوم الاتنين 9-3-2015 فعلا نزلت تانى يوم لقيت الفئة الاولى باسبويلر وحجات زيادة هقولوكم عليها

الفئة الاولى خليجى ا
1- اسبويلر
2- مخدعين للكنبة الخلفية
2 - كنسول خلفى مزود بحامل اكواب
4- كنبة قابلى للطى
5- كنسول امامى
6- فوانيس شبورة Fog Light
7- باكتات على العجل
8- ودى مهمة اوى وعجبانى فرش العربية اللى لونها فرانى من جوة الفرش اسود مش بيج زى اللى قبلها
9- ضمان رواس 3 سنين فيه ومفيش خليجى من غير ضمان

فى الاول قالى ب 137500 وبعد فصال ومماطلة وتعب قلب نزلتها ل 135500
هل السعر دا كويس بالنسبة للميزات الجديدة بالنسبة لزيادة سعر العربية فى اخر شهر
الفكرة ان لحد انهاردة مفيش اى عربيات عند القرش او الليثى انا تقريبا بكلمهم يوميا ومفيش جديد