-
تسعير 127 فيورا - مستعجل
سوبر فيورا 1987 رقم كارتيرة فابريكا دواخل 4 فرد كاوتش جديدة وبطارية جديدة صالون مجددة بالكامل تنجيد وفرش و سقف و ارضيات و معزول عزل حرارى . موتور 900 سى سى 5 غيار . رخصة سارية . تحتاج فقط طقم شمبر ووش فانوس خلفى ولاتحتاج اى مصروفات اخرى (تدور و تمشى ) . سيارة بيتى و ليس بها اى توكيلات .اللون ازرق بترولى . زميلى عرضها على 12 هل كده كويس ولا ايه ؟؟.انا بصيت على كونتاكت و دوبيزل الاسعار رافعة عن كده كتير . وتوكيلها يتكلف كام و هل التوكيل على البائع و لا الشارى ؟؟ وهل فيه مشكلة من البيع بتوكيل على اى من الطرفيين ؟؟
واسف على وضعه فى العام لكنه الاكثر مشاهدة و انا محتاج رد سريع
خالص تحياتى
-
انا مش على دراية اوى بالاسعار....بس سعرها هيبقى على حسب حالة الدواخل
يعنى فابريكا ....المقصود منها لم ترش نهائى و لا اترشت بس من غير حوادث
و الكارتيرت تحديداً.....
ع العموم لو مش محتاجة حاجة غير طقم الشمبر و بقية العربية ممتازة زى ما بتقول...الدواخل مش مرشوشة (باستثاء الكرتيرات عشان بيجى فيها بارومة) ....اعتقد ممكن تزيد عن السعر ده شوية
بالنسبة للتوكيل فرسومه فى حدود 15 جنيه.....فمش فارقة مين اللى هيدفع
لو هتسجل غالباً هتتكلف فى حدود 200 ....ع حساب مين ؟حسب الاتفاق
الافضل للبائع التسجيل علشان ميبقاش مسئول عنها فى حاجة.....و لا يدفع ضريبة ترفيه
بس رأيى الشخصى مش هتفرق كتير .....ممكن يعمل توكيل بس ما يكتبش فيه التجديد و الترخيص
و كده كده هيمضى المشترى ع اقرار باستلام العربية....و ضريبة الترفيه مش مبلغ كبير( تلت الضريبة تقريباً)
و لو عايز يريح دماغه و جت له بيعة كويسة و هتبوظ ع التسجيل ....يبقى يسجل على حسابه و ينهى الموضوع و بناقص فلوس التسجيل
-
-
ممكن 2 او 3 ....يعنى لو الدواخل ما فيهاش اى دهان ....و بقية العربية حالتها كويسة ( عفشة و كاوتش ..الخ) ممكن توصل ل15 عادى...و بالاخص لو الماتور مش تعبان اوى ...يعنى مش بتدخن جامد او بتعرق زيت ع البوجيهات
ملحوظة: انا مش خبير فى العربيات و اسعارها ...ده تقدير شخصى ..غير ان الفيصل فى الاخر هو حالة العربية بالظبط
-
العربية دواخلها سليمة ورقم الكارتيرة كمان
يبقي سعر كويس فرأي
يعني ماتور مش ضعيف واساسيات سليمة توكل علي الله بالسعر 12 كويس
لسه صديق شاري نفس الحالة تقريبا واسوء ب15 تقريبا وكنت معترض
لكن علي كلام حضرتك انها سليمة وهفترض انها مش راشة دواخل يبقي 12 كويس فرأي الشخصي
والله اعلم ..
-
يعنى حقها 14 ~ 15 . انا مش بشريها انا بساعد زميلى فى تسعيرها و بيعها
-
انت بتقول محتاجة شمبر والله اعلم لما تفتح الماتور حيبقي الوضع اية
اعتقد والله اعلم 11000 السعر المناسب
-
-
التسجيل على المشترى
صاحبك يعرض على 14 و مينزلش عن 12 بشرط التسجيل
ده رأيى الشخصى
Content Relevant URLs by
vBSEO 3.6.0 PL2