الموضوع: بعد ما حاسبته العربيه لسه بايظه اديله فلوس تانى ولا لا ؟

السلام عليكم

من حوالى 3 اسابيع يا جماعه روحت للميكانيكى غيرلى طقم دبرياج كامل أسطوانه + ديسك + ماستر دبرياج فوق + ماستر دبرياج تجت وأخد مصنعيه 300 جنيه المبلغ اللى دفعته كله كان معدى ال 2000 جنيه اكتر كمان المهم خدت العربيه جربتها معاه وركنتها وبعدها طلع بيها مشوار واحد بليل والسكه رايقه مستخدمتش الدبرياج كتير من يومين بقى كان عندى مشوار شغل الصبح وقولت اروح بيها ودى كانت تانى مره اطلع بيها من ساعة ما اخدتها من عند الميكانيكى خدت العريبه ومشيت بيها شويه وبعدين لقيت الدبرياج كل شويه يفصل ويقع ويبقى خفيف اوى ومش شغال كلمته راح خدها من الجراج وشغال فيها بقاله يومين اهوه
هوه قايلى معلش اباشا عندى دى انا طبعا مش هحاسبه على قطع الغيار ولا حاجه بس هل اديله مصنعيه او اكراميه ؟ ولا اخد عربيتى وامشى على طول ؟
حاجه تانيه دلوقتى عربيتى الفقر دى كل ما نغير ماستر دبرياج فوق لازم الكهرباء بتفصل " الانوار و الكلاكس والاشارات والانتظار " لان الماستر قريب من السلوك اللى تحخت الدركسيون وبالتالى بيوديها لكهرباءئ يظبطها والكهربائى بياخد 60 جنيه او 80 ياترى المره دى برده حساب الكهربائى ده بره عنى ؟ ولا ادفعه انا ؟
ياريت تفيدونى

شكرا يا جماعه عالرد والاهتمام
بصوا انا قررت انى هديله 30 جنيه كده فى ايده مش مصنعيه لكن نعتبرها تقدير ليه عشان راح خد العربيه من الجراج واشتغل فيها برده وركبلى ماستر دبرياج تانى غير الاولانى
بس لو كان فيه شغل كهرباء مش عارف بقى حاسس انى مينفعش ادفع كهرباء تانى !! يعنى هوه الميكانيكى شغله طلع مش مظبوط وعمله من جديد يتحمل هوه الكهرباء بقى !
لو كان فيها كهرباء هدفع الكهرباء بس مش هسيب حاجه للميكانيكى لو مكانش فيها كهرباء هسيب للميكانيكى 30 جنيه