رأيكم ضرورى بخصوص تنشيع المياه من الكوعة وظبط الثرموستات

**mohammad isdf** · 12-03-2015 08:28 AM

السلام عليكم ورحمة الله وبركاته

ازيكم شباب عاملين ايه يا رب تكونوا بكل خير

بعد ما عملنا الموضوع ودوخنا السبع دوخات بسبب الثرموستات

روحت لبتاع قطع الغيار واكتشف ان عصام وان الميكانيكى التانى

كانو بيركبوا الجوان غلط

وبالتالى كانو بيشيلوه وبالتالى الترموستات أداءها فيه مشكله

الجوان المفروض يركب تحت الترموستات ناحية الشجرة وليس فوق الترموستات ناحية الكوعة

علشان متهربش مياه حوالين الترموستات والمياه توصل للريدياتير بدرى

السؤال

عندى مشكلة وهى ان فيه بردوا تنشيع مياه من حوالين المسمار الأسفل وكمان اللى زاد ان من مخارج بعض الخراطيم اللى ماسكه فى الشجرة فى تنقيط

ومش كده وبس فى يومين كان الندى الصبح فيهم عالى فكان فى تنقيط مياه من جدار الموتور من ورا سير الكتينة تنقيط لدرجة انه عمل بقعة على الأرض .. فشكيت فى طرمبة المياه ولكن مبيحصلش كده خالص بعد الساعة 7 الصبح حتى ولو راكن العربية ودلوقتى مبقتش تعمل كده

طبعا المياه بتنقص

طبعا الشجرة بالكوعة صينى وعندى كوعة أصلية

طبعا الترومستات أنا لمست فوايدها جدا ومش حابب اشيلها

السؤال الآن

أعمل إيه

أشترك شجرة بكوعة استيراد ؟

أفكها بنفسى وأركب الجوان واقفل بسيليكون ؟

اروح لميكانيكى يعملى الكلام ده ؟

ولا أعمل ايه ؟

**mohamedbook** · 12-03-2015 08:34 AM

غير الشجة كلها وهتها استيراد وياريت تشيل ثرموستات الكوعة عشان الصيف جي ومتضمنش هتبوظ امتة

**amdd** · 12-03-2015 09:38 AM

ايوه هو ليه بقى ترموستات الكوعة بيتشال
الإجابة للمتخصصين وكمان المجربين وكمان الفتايين

**mohammad isdf** · 12-03-2015 10:09 AM

المشاركة الأصلية كتبت بواسطة amdd

ايوه هو ليه بقى ترموستات الكوعة بيتشال
الإجابة للمتخصصين وكمان المجربين وكمان الفتايين

عشان الميكانيكية فى مصر بيفتوا لانهم مش على علم دول بالتجربة

بحجة ان مصر حر وان الترموستات معمولة عشان الدول الساقعة

والرد بسيط

1- الترموستات معمولة عشان تثبت درجة حرارة الموتور عند درجة معينة لينتج أفضل أداء ليه ويحافظ على مكوناته

2- مصر فى الشتا على الأقل مبقتش حر بتوصل فى أماكن فى مصر لدرجات منخفضة جدا

3- ثرموستات الكوعة مفيدة للتكييف لأنها بتحبس المياه السخنة جوه الموتور وده بيخلى السربنتينه بتاعة التكييف متتأثرش بحرارة الريدياتير المرتفعة دائماً

4- فوائد أخرى

والحجة التانية انها بتعلق وممكن تضيع الموتور

والرد بسيط

عندهم حق ولكن مع الصيانة الدورية ومراعاة العربية ووضع المياه الحمرا المعتمده .. مش هيحصل مشاكل ان شاء الله

**hossamalsadik** · 13-03-2015 10:49 AM

قلتلك قبل كده روح لميكانيكى فولكس يعملك الموضوع ده بفبركته عندك الزعيم او سيد عبده
انا عشان مش شايف الكوعه الى جبتها مش قادر افيدك هل هينفع تتعالج بالسيلكون وتمشى ولا لا

**ehab_mansour** · 17-03-2015 12:02 PM

تروح لحد بيفهم او تعملها بنفسك سيان .... المهم تعمل الصح
انت عارف رأيي في موضوع ثرموستات الكوعه = جزء اساسي من المحرك ولا يجب خلعه نهائي إلا لظروف طارئة او بتخلص علي موتور عربيتك
انا مغير ثرموستات كوعه مرتين في عربيتي و بشتري الصيني اللي في السوق و الحمد لله شغال زي الفل دون مشاكل

انا و انت ساكنين في مناطق مفتوحة و طرق سريعه و نزول درجة حرارة ليلا و صباحا عن المعتاد فلازم و لابد من وجود ثرموستات الكوعه

**El-Hamamsy** · 21-03-2015 01:59 PM

ممكن حد يفيدنا نشتريها منين اصلي علشان هى لسه بايظة اﻻسبوع اللى فات لإبيزا 2000 ، و الميكانيكي فكها و رماها وقالي كبر دماغك منهاو أنا مش مقتنع بكلامة الصراحة

**mohammad isdf** · 22-03-2015 08:19 AM

المشاركة الأصلية كتبت بواسطة el-hamamsy

ممكن حد يفيدنا نشتريها منين اصلي علشان هى لسه بايظة اﻻسبوع اللى فات لإبيزا 2000 ، و الميكانيكي فكها و رماها وقالي كبر دماغك منهاو أنا مش مقتنع بكلامة الصراحة

رأيى تشتريها استيراد وريح دماغك
أحسن مليون مرة من أى واحده جديده

-

-

الموضوع: رأيكم ضرورى بخصوص تنشيع المياه من الكوعة وظبط الثرموستات

LinkBack

أدوات الموضوع

عرض

رأيكم ضرورى بخصوص تنشيع المياه من الكوعة وظبط الثرموستات - انشر الموضوع فى :

-

-

-

-

-

-

المواضيع المتشابهه

سؤال بخصوص دورة التبريد وثرموستات الكوعة

تنشيع زيت

سؤال بخصوص الثرموستات والحرارة

تنشيع مية

بخصوص الثرموستات

الكلمات الدلالية لهذا الموضوع

المفضلات

المفضلات

ضوابط المشاركة