الموضوع: طريقة تجديد فوانيس سيارتك مهما كانت حالتها سيئة بتكلفة 10ج ..بالشرح والفيديو

السلام عليكم ورحمة الله
الموضوع دة بخصوص فوانيس السيارة الامامية
لان فوانيس السيارة فى عربيات كتير بييجى عليها وقت وتبقى مخربشة او صفرا او باهتة سواء كان الفانوس اصلى او صينى

كل ما فيها ان الفانوس الاصلى بياخد وقت اطول من الصينى عشان يوصل للحالة السيئة

والحقيقة فية فيديوهات على اليوتيوب بتشرح تلميع الفانوس لكن احيانا مكانش حد بيتطرق ان يفتح الفانوس من جوة ويلمعة

لانى اكتشفت من واقع التجربة ان تلميع الفانوس من برة دة نص الفكرة

لكن تلميع الفانوس من برة ومن جوة دة اللى بيديك النتيجة الممتازة لان العاكس بتاع الفانوس مع مرور الوقت بيلم تراب وبيتطفى

دى صورة فانوس قبل ما المعة واجددة



ودى صورة نفس الفانوس بعد التلميع والتجديد من برة ومن جوة



ودة فيديو HD من شغل ايدى مدتة 10 دقايق بشرح فية ازاى تلمع الفانوس بنفسك من برة ومن جوة
كل اللى هتحتاجة فرخ سنفرة 600 ب 1ج
فرخ سنفرة 1200 ب 1ج
علبة بولش ب 8ج
وكلهم من عند بتوع الحدايد والبويات

[youtube]https://www.youtube.com/watch?v=M2hWui6gBjk[/youtube]