ممكن مساعدة بالرأى لشراء أوبل انسيجنيا

**ayman shamseya** · 12-03-2015 08:43 PM

من فضلكم أنا جديد فى المنتدى وعايز رأى حضراتكم فى عربية أوبل انسيجنيا p2 معروضة على ب 255 ألف عداد 12 ألف ده كويس ولا غالى وحد يقولى أخبط فيها لكام خصوصا ان التاجر ممكن ياخد منى عربيتى الصنى 2012 ويقسطلى الباقى هادفع 100 مثلا والباقى 10 كل شهر أشكركم جميعا

**medosalah** · 12-03-2015 09:14 PM

لو هتقدر تصون العربيه في التوكيل وتحطلها انضف زيت وتمون بنزين 95 فقط وتقدر تدفع تمن فانوس امامي او خلفي لا قدر الله لو اتكتر وتستحمل قطع غيارها وتوكيل منصور ... يبقي اتكل علي الله ونزل معاه ل 220

لو انت من النوع اللي بيقول عادي ممكن احطلها بنزين 92 وهتزعل لو غيرت فانوس تمنه في التوكيل 3500 او 4000 علي ما اتذكر ومتعود تجيب تيل الفرامل في النيسان ب 100 او ب 150 جنيه مش (600 زي انسجنيا) وسعات تعمل شغل بره التوكيل علشان مش مستاهلها ... يبقي خليك في النيسان او غير لحاجه كوري زي السيراتو

من الاخر النسجنيا عربيه بريستيج وتحفه في كل شيء بس توكيلها سيء جدا وعايزه واحد مستبيع شويه لانها من فئه الباسات وا بي ام

**haithamelhagar** · 13-03-2015 12:26 AM

العربية معايا بقالها سنة و اربع شهور ..عداد ١٥ الف كم .. ممتازة في كل شئ ..من موتور جبار ١٧٠ حصان ل عفشة محترمة جدا جدا رغم ان الجنط ١٨ كماليات ممتازة حتي من اول فئة ..متعة في القيادة .. عالية عن الارض .. عمري م حطيت فياه بنزين ٩٥ علي طول ٩٢ ..كتالوجها بيقول ٩١ ل ٩٨... عيوبها استهلاك البنزين العالي لانها مغرية جدا في الجري وممكن تلاقي نفسك علي ١٨٠ من غير م تحس... والصيانة الغالية .. طبعا الكوتش ال ١٨ غالي والتيل ب ٩٠٠ مش ٦٠٠ وبتاخد حوالي ٦ لتر زيت ... حضرتك محددتش السعر ده لاي فئة .. طبعا لو توب لاين يبقي سعر كويس جدا

**ayman shamseya** · 13-03-2015 01:02 AM

السعر للفئة الثانية موديل 2014 عداد 12000 كم هل ده كويس ولا غالى حبتين؟ وكم السعر المعقول؟ شكرا للرد جزاكم الله عنى خير الجزاء

**احمد فهمى** · 13-03-2015 08:36 AM

المشاركة الأصلية كتبت بواسطة ayman shamseya

السعر للفئة الثانية موديل 2014 عداد 12000 كم هل ده كويس ولا غالى حبتين؟ وكم السعر المعقول؟ شكرا للرد جزاكم الله عنى خير الجزاء

السعر غالي ونصيحه اشتري يابانى او كوري كبير بالسعر ده وزيرو يعنى اعلي فئه قشقاي مثلآ او ماذدا 3 وهتكون اول مالك وهتعيش حياه بعيده عن الاعطال

**mariachi** · 13-03-2015 11:35 AM

هى ركوبتها تحفه و حضرتك هتحس بفرق رهيب بعد النيسان بس لازم تعمل حسابك إنها بتصرف زى أى عربيه ألمانى و هى بتمشى 92 عادى بس لازم بنزينه نضيفه. لو هتقسط السعر مش هتنزل عن 250 باهيألى لو كاش تنزل ل 240

**kareeeem** · 13-03-2015 12:05 PM

العربية فوق الممتازة انا معايا توب لاين من شهر 6 /2014 بنزين 92 عادى جدا المهم تحافظ على مواعيد الصيانة

**احمد فهمى** · 13-03-2015 11:02 PM

المشاركة الأصلية كتبت بواسطة kareeeem

العربية فوق الممتازة انا معايا توب لاين من شهر 6 /2014 بنزين 92 عادى جدا المهم تحافظ على مواعيد الصيانة

ممكن اعرف ايه الصيانات اللي حضرتك عملتها فى ال8 شهور دول وازاي ماشيه عادي ب92؟

الموضوع: ممكن مساعدة بالرأى لشراء أوبل انسيجنيا

LinkBack

أدوات الموضوع

عرض

-

-

-

المواضيع المتشابهه

مساعدة لشراء نوبيرا

فتيس الكروز عملها ومحتاجين مساعده بالرأى

أوبل انسيجنيا توب لاين - 508 هاي لاين - فولفو s60 أقل فئة !!!

Opel Insignia VS Mercedes B180 مقارنة صعبة: أوبل انسيجنيا ولا مرسيدس B180

أوبل انسيجنيا opc...الي من يكون ان الاوبل لا تقارن بالشركات الكبري.....

الكلمات الدلالية لهذا الموضوع

المفضلات

المفضلات

ضوابط المشاركة