الموضوع: شكر لأعضاء المنتدى من م/ شريف منصور - الهرم

السلام عليكم المهندس المحترم شريف،
أنا ذهبت عملت صيانة 5000 لسيارتى الأفيو يوم الإربعاء 17/12 وسألت على حضرتك وعرفت أنك كنت مريض ولم تحضر هذا اليوم (ألف سلامه)
قابلنى مهندس محمد صغير فى السن ومهذب جداً ثم حضر المهندس هانى عازر وهو رجل ذوق الحقيقه ولكنى كنت اشتكى من ضبط الزوايا لأن العربيه فيها حدفه يمين وقال لى مفيش زوايا وأشتكيت ان فى تعليقه فى المارش عند الرجوع للخلف وأقنعنى ان مفيش حاجه وأنا اللى مش عارف استخدمه وعملت الصيانة الدورية فقط من تغيير زيت وفلتر...فقط ، على العموم انا محتاج اضبط زوايا العجل مع انى ضبط هوا الكاوتش مره واحد قال لى على 30 والثانى قالى على 35 فأيهما الصح فى الكتاوج مكتوب 210 بيكسل مش عارف تعنى كام.
أسف على التطويل.

ممكن اعرف لية تركيب جنوط اسبور بنفس المقاسات القياسية للأوبترا ممنوع وبيخرج العربية برة الضمان و مجبرين على شراء الجنط من الوكيل وشكلة مش حلو واندونيسى بـ1800جم ليييية دة غير السماعات اللى بتركب فى ظهر العربية على الرف الخلفى و الكاسيت طب انا واحد عايز يرفع من كماليات عربيتة اية اللى ممنوع

انت زعلان مننا ولا اه يا هندسه

المشاركة الأصلية كتبت بواسطة hazem76kd

السلام عليكم المهندس المحترم شريف،
أنا ذهبت عملت صيانة 5000 لسيارتى الأفيو يوم الإربعاء 17/12 وسألت على حضرتك وعرفت أنك كنت مريض ولم تحضر هذا اليوم (ألف سلامه)
قابلنى مهندس محمد صغير فى السن ومهذب جداً ثم حضر المهندس هانى عازر وهو رجل ذوق الحقيقه ولكنى كنت اشتكى من ضبط الزوايا لأن العربيه فيها حدفه يمين وقال لى مفيش زوايا وأشتكيت ان فى تعليقه فى المارش عند الرجوع للخلف وأقنعنى ان مفيش حاجه وأنا اللى مش عارف استخدمه وعملت الصيانة الدورية فقط من تغيير زيت وفلتر...فقط ، على العموم انا محتاج اضبط زوايا العجل مع انى ضبط هوا الكاوتش مره واحد قال لى على 30 والثانى قالى على 35 فأيهما الصح فى الكتاوج مكتوب 210 بيكسل مش عارف تعنى كام.
أسف على التطويل.

طبعا انا اسف انى مكنتش موجود ولاكن كنت فعلا تعبان ومقدرتش انزل يومها الكاوتش عموما الهواء على 30 تمام قوى فى الشتاء اة 28 فى الصيف

المشاركة الأصلية كتبت بواسطة hazem76kd

انت زعلان مننا ولا اه يا هندسه

ابدا والله بس ضروف العمل والسفر بالنسبة ليا بتخلينى ادخل يوم الخميس والجمعة فقط بس لو فى اى استفسار ضرورى او حتى موش ضرورى رقم الموبيل موجود والميل بتاع الشركة موجود وانا بفتحة كل يوم اما المنتدى للاسف اخر الاسبوع فقط بس ان شاء الله مؤقتا

المشاركة الأصلية كتبت بواسطة mhashem

ممكن اعرف لية تركيب جنوط اسبور بنفس المقاسات القياسية للأوبترا ممنوع وبيخرج العربية برة الضمان و مجبرين على شراء الجنط من الوكيل وشكلة مش حلو واندونيسى بـ1800جم ليييية دة غير السماعات اللى بتركب فى ظهر العربية على الرف الخلفى و الكاسيت طب انا واحد عايز يرفع من كماليات عربيتة اية اللى ممنوع

ياباشا مين قال كدة الجنوط ممكن حضرتك تشتريها من برة عادى جدا بس الرجاء الالتزام بالمقاسات المكتوبة على درج التابلوة وركبها من غيير قلق تمام اما بالنسبة الى السماعات ركب كما تشاء ولاكن وكمان الكاسيت بس حاول متخليش الراجل يخرب فى الضفيرة علشان بس ميعملش مشاكل فيها انما السيارة فى الضمان ولا قدر الله لو فى حاجة حصلت بسبب الكاسيت او السماعات بيخرج الجزء البايظ من الضمان فقط اما الباقى فى الضمان عادى خالص

المشاركة الأصلية كتبت بواسطة ahmed643

مهندسنا المحترم بعد السلام وتقديم واجب الاحترام لحضرتكم على تعاونكم معنا

انا معايا اوبترا 2009 من تلات شهور ومن الشهر التانى بدات سمع صوت تزييق فى الدركسيون بيظهر الصبح دايما فى السكون وطبعا الكل مخوفنا من موضوع علبه الدريكسيون والى بيخاف من العفريت بيطلعلو وانا كنت خفت وتقريبا طلعلى

مع العلم انى بعمل الصيانه فى ابو غالى الصحراوى ممكن يعملو الى المفروض يتعمل ولا عشان اغيرها لاوم اججى لحضرتك فى الهرم مع العلم انى من الشرقيه والصحراوى اقربلى وطبعا معرفش القاهره عشان اجى لمعاليك فى الهرم

ياريت حضرتك تقولى ايه الى ممكن يعملوه ليا

باشا حضرتك احجز يوم للصيانة وموضوع الصوت ونشوف موضوع الصوت دة اية واى حاجة جاهزين ان شائ الله انا عارف المشوار بعيد بس دة الحل الامثل وانا فى انتظارك ان شاء االة

المشاركة الأصلية كتبت بواسطة احمد عز

انا عندى مشكله يا استاذ شريف عندى صوت تزييق واضج فى المساعدين تقريبا كل ما اركب العربيه او انزل منها اسمع الصوت ده ياترى الصوت ده من ايه؟

باشا هى عربية حضرتك افيو ولا اوبترا والصوت دة من الامام ولا من الخلف وبيظهر مع المطبات ولا لا وانا منطظر رد حضرتك على الحاجات دة