نويت بإذن الله أسمكر وارش العربية وعاوزة نصايحكم

السلام عليكم ورحمة الله
عربيتي ياجماعة متبهدلة وشكلها يسد النفس هي حالة الدهان العامة مش سيئة اوي بس في حتت كتير مجرحة ومقشرة وبدأ لون الصاج يبان ويغمق للأسف وشكل العربية بقي وحش فعايزة أجددها السؤال
1. ايه اللي بيتعمل بعد السمكرة والمفروض السمكري ميحطش معجون كتير مش كده
2. اسم أو نوع الدهان ايه الكويس حتي لوغالي مش مهم
3. أكتر حاجة مخوفاني ومخلياني كل مافكر فيها ابقي عاوزة ألغي الموضوع هي ان الابواب ( الزراير والسماعات وكده) والفرش بتاع الشنطة والحاجات دي هاترجع زي ماكانت وﻻ ﻷ ﻷن العربية متفكش منهاحاجة قبل كده

اسفة علي الرغي ده بس كنت عاوزة نصايحكم وشكرا

انتى مقولتش نوع العربية اية ثانيا ممكن صور للعربية ولو عايزة تشدى احنا معاكى وهتسلتمى بس

عاوزة سمكري نضيف عشان يفك و يركب الحاجات دي بنضافة.

متشكرة جدا لحضراتكم هي العربية اوبترا وانا اتفقت فعلا مع سمكري وهو شكله كده شاطر
ومنتظرة نصائح باقي الأخوة الأعضاء
والرد علي السؤالين 1و 2 من فضلكم وشكرا لكم

يا جماعة محدش يعرف نوع دهان كويس يقوللي اسمه ايه ؟

سكينز كويس وتقريبا اغلى حاجه
العربيه هاتتسمكر وتتمعجن وتترش بويه ميتالك وبعدين تترش ورنيش بس تكون فى فرن

ألف شكر أستاذ jaguar
انا فعلا عملت شوية بحث كده علي انواع البويات علي النت لقيت كله بيقول ال سكينز الالماني أحسن حاجة فربنا يسهل ان شاء الله وأجيب سكينز
بس هو لازم بتاع الرش هو اللي يشتريه ولا أنا اللي بشتريه علشان درجة اللون والمعجون بيكون برضه سكينز ؟

عادة الصنايعي هو اللي بيجيب البوهيه .. بس بصفة عامة .. 80% من الصنايعية ممكن يجيبوا نوع تاني بجودة أقل أو ياخدوا فلوس أكتر من اللي بيشاروا بيها.

نصيحة برضه .. لو بتفكري تبيعي قريب .. في خلال سنة مثلا .. يبقى بيعيها كده عشان العربية لما بتترش بترخص كتييير.

فى عابدين
عربيتك مش هتتكلف اكتر من 2000ج .... وانسى الاسكينز دا خالص

[QUOTE=kar!m;3875908174]عادة الصنايعي هو اللي بيجيب البوهيه .. بس بصفة عامة .. 80% من الصنايعية ممكن يجيبوا نوع تاني بجودة أقل أو ياخدوا فلوس أكتر من اللي بيشاروا بيها.

نصيحة برضه .. لو بتفكري تبيعي قريب .. في خلال سنة مثلا .. يبقى بيعيها كده عشان العربية لما بتترش بترخص كتييير.

شكرا لنصيحة حضرتك انا كده هاخليه يجيبلي العلب بتاعة الدهان الفاضية وميرميهمش علشان أتأكد انه جاب النوع اللي انا عاوزاه ههههه
وبالنسبة للبيع انا مش بفكر ابيع خالص دلوقتي انا بس عاوزة أجددها لنفسي يعني لأن شكلها بقي يكسف بصراحة

اقتباس:

---

المشاركة الأصلية كتبت بواسطة mona_881

بس هو لازم بتاع الرش هو اللي يشتريه ولا أنا اللي بشتريه علشان درجة اللون والمعجون بيكون برضه سكينز ؟

---

كود اللون بيبقى مكتوب تحت الكبوت فى صدر العربيه علشان تبقى نفس الدرجه واللى بيشترى المفروض يبص عليه
والمعجون اللى فى الاول مش شرط سكينز

اقتباس:

---

المشاركة الأصلية كتبت بواسطة carrier

فى عابدين
عربيتك مش هتتكلف اكتر من 2000ج .... وانسى الاسكينز دا خالص

---

هو السمكري قاللي حوالي 2800 الي 3000 شامل كل حاجة
بس هو ال سكينز مش كويس ولا ايه ؟وحضرتك تنصحني بأيه تاني غيره ؟ شكرا

اقتباس:

---

المشاركة الأصلية كتبت بواسطة j a g u a r

كود اللون بيبقى مكتوب تحت الكبوت فى صدر العربيه علشان تبقى نفس الدرجه واللى بيشترى المفروض يبص عليه
والمعجون اللى فى الاول مش شرط سكينز

---

هو فعلا السمكري قاللي كده برضه وبتاع الدهان هو اللي هيشتري الدهان وربنا يستر وميشتريش حاجة رخيصة ويقوللي عليها غالية هو وضميره بقي
ألف شكر لاهتمام حضرتك

اقتباس:

---

المشاركة الأصلية كتبت بواسطة mona_881

هو فعلا السمكري قاللي كده برضه وبتاع الدهان هو اللي هيشتري الدهان وربنا يستر وميشتريش حاجة رخيصة ويقوللي عليها غالية هو وضميره بقي
ألف شكر لاهتمام حضرتك

---

سيادتك انتى هتدفعى فلوس تمام ... يبقى هو وضميره لا مكان لها هنا فانتى غير مكرهه او مجبره ...

الاسكينز هيكلف حضرتك لوحده مبلغ مستفز جدا وله صنايعية مخصوص وغاليين جدا

لو حضرتك قريبة من عابدين او من م.نصر عربيتك هتطلع 10/10 ومش اكتر من 2000ج شرط السمكرة عندك تكون ملمومة يعنى شغل يوم مش اكتر والا هتزيد ل 2200-2300ج

وبالتوفيق دايما

اقتباس:

---

المشاركة الأصلية كتبت بواسطة carrier

سيادتك انتى هتدفعى فلوس تمام ... يبقى هو وضميره لا مكان لها هنا فانتى غير مكرهه او مجبره ...

الاسكينز هيكلف حضرتك لوحده مبلغ مستفز جدا وله صنايعية مخصوص وغاليين جدا

لو حضرتك قريبة من عابدين او من م.نصر عربيتك هتطلع 10/10 ومش اكتر من 2000ج شرط السمكرة عندك تكون ملمومة يعنى شغل يوم مش اكتر والا هتزيد ل 2200-2300ج

وبالتوفيق دايما

---

أنا عارفة ان السكينز غالي بس أهم حاجة عندي ان النتيجة في النهاية تبقي حلوة فمش عاوزة استرخص في الدهان يعني
والسمكري اللي انا اتفقت معاه قريب من البيت علشان اقدر اتابع معاه العربية وهاحاول أفاصل معاه شوية
علي العموم متشكرة جدا لاهتمام حضرتك

اقتباس:

---

المشاركة الأصلية كتبت بواسطة mona_881

السلام عليكم ورحمة الله
عربيتي ياجماعة متبهدلة وشكلها يسد النفس هي حالة الدهان العامة مش سيئة اوي بس في حتت كتير مجرحة ومقشرة وبدأ لون الصاج يبان ويغمق للأسف وشكل العربية بقي وحش فعايزة أجددها السؤال
1. ايه اللي بيتعمل بعد السمكرة والمفروض السمكري ميحطش معجون كتير مش كده
2. اسم أو نوع الدهان ايه الكويس حتي لوغالي مش مهم
3. أكتر حاجة مخوفاني ومخلياني كل مافكر فيها ابقي عاوزة ألغي الموضوع هي ان الابواب ( الزراير والسماعات وكده) والفرش بتاع الشنطة والحاجات دي هاترجع زي ماكانت وﻻ ﻷ ﻷن العربية متفكش منهاحاجة قبل كده

اسفة علي الرغي ده بس كنت عاوزة نصايحكم وشكرا

---

السلام عليكم اناعندي مركز صيانة السيارات الحديث واجهزة تشخيص اعطال مثل المحرك والفرامل air bag والفتيس a\t وجهاز تنظيف الرشاشات وجهاز قيس قدرة وكفاءة المحرك وجهاز منظار علي المحرك من الداخل وجهاز قياس ضغط طلمبة البنزين واجهزة برمجة الكنترول وعمل سوفت للكنترول واعطال كهرباء المحرك وايضا يوجد جهاز فحص الدهان الخارجي والدخالي م| محمد عز الدين 01000775079