الى (محمد ممدوح - مصطفى - طارق)

**gergeslotfy** · 12-03-2015 11:12 PM

العربية فجاة بعد الغسيل وحصل اللى حصل بقيت توطى مع الفرمله والعادم بتاع الشكمان متبرجل
غيرت البوجيهات والاسلاك باصلى وجديد
مشكلة انها توطى اتحلت لكن للاسف تقطيع العادم زى ماهو
فلتر الهواء جديد
نظفت البوابة والحاسات ب wd40
اختبرت البوبينة بوحدة تانيه نفس المشكلة
فجأة لقيت العربية بتعلى لوحدها
عملت ايديال ليرن لكن برضوا العربيه بتعلى لوحدها وهى مموره الاربى ام يرفع فوق 15 والمشكلة زى ماهى
رحت عملت تنظيف للرشاشات على جهاز الالترا سونيك وعملت سكان
ال scan مفيش اى اخطاء
والرشاشات كويسه وطبقا للراجل بيقول مكانتش محتاجه تنظيف
الكهربائى بيقول انها ممكن تكون بوابه وقالى اغيرها بوحده جديدة بالحساسات الايديال وال تى بى اس
معلش طولت بس انا محتاج رأيكم فى الموضوع ده
ملحوظه غريبة : لما كان الكهربائى بيخبط على البوابة او حساس الايديال او المانيفولد بالمفك كانت العربيه بتوطى والاربى ام بينزل تحت على 8.5 وبعدين يرجع تانى يرفع ل 15
بعدها على طول قالى ده بوابة بالحساسات رغم ان السكان مش بيقراء اى اعطال

**مصطفى-حسن** · 13-03-2015 01:46 AM

كأجراء اولى بدون اى مصاريف بص على كل الخراطيم والفتحات اللى فى البوابة واتاكد ان مفيش فتحة فى البوابة متسابة مفتوحة فبتدخل هوا والعربية بتعلا

واتاكد ان كل الخراطيم اللى داخلة على البوابة ان مفيش خرطوم فيها مقطوع

وبعد كدة بدل حساس الايدل مع اى واحد صاحبك

واتاكد ان البكرة بتاعة الاكسراتير مش معلقة

واتاكد ان الواير بتاع الاكسراتير مرتاح ومش معلق

لو كل دة مجابش نتيجة يبقى حساس الشكمان