ما اهمية عمل تأمين؟

**Tamer Elkateb** · 13-03-2015 02:00 AM

انا بصراحة مش شايف لزمة لموضوع التأمين ده. احنا طول عمرنا فى مصر عايشين من غيره. هو طبعا مهم برة علشان المسئولية المدنية ( third part liability) بس ده مش موجود فى مصر. انا شايف ان ميزته الرئيسية فى حالة سرقة العربية بس ده يخليه ملوش لزمة لو العربية فيها ايموبيليزر!!

**Ahmed Tarek 00** · 14-03-2015 11:55 PM

ولا ليه اى لزمة

**Mohammed Nasr** · 18-03-2015 02:00 PM

التأمين شئ اساسى فى العالم كله بس عندنا هنا فى مصر مبنحسش بيه غير لما تحصل المصيبة
يعني مثلا لما تكون جايب عربية ب100 الف و هم اللى معاك كلهم و لاقدر الله تعمل حادثة بسيطة ممكن تكلفك مبلغ كبيير ممكن يوصل لنصف ثمن العربية او يحصل هلاك كلى
هنا بقي بنعرف قيمة لو كنا دفعنا نسبة صغيرة من تمن العربية فى الاول مقابل راحة البال لو حصل اى حاجه لا قدر الله
و التأمين بيغطى
السرقة - الهلاك الكلى للسياره - بالاضافة للخبطات اللى موجودة فى كل العربيات دلوقتى

**Tamer Elkateb** · 19-03-2015 11:39 AM

المشاركة الأصلية كتبت بواسطة Mohammed Nasr

التأمين شئ اساسى فى العالم كله بس عندنا هنا فى مصر مبنحسش بيه غير لما تحصل المصيبة
يعني مثلا لما تكون جايب عربية ب100 الف و هم اللى معاك كلهم و لاقدر الله تعمل حادثة بسيطة ممكن تكلفك مبلغ كبيير ممكن يوصل لنصف ثمن العربية او يحصل هلاك كلى
هنا بقي بنعرف قيمة لو كنا دفعنا نسبة صغيرة من تمن العربية فى الاول مقابل راحة البال لو حصل اى حاجه لا قدر الله
و التأمين بيغطى
السرقة - الهلاك الكلى للسياره - بالاضافة للخبطات اللى موجودة فى كل العربيات دلوقتى

كل اللى فوق صحيح لكن ده احتمالية حدوثه قد ايه؟ لو الواحد قعد يفكر فى كل الاحتمالات اللى ممكن تحصل له مش هينزل من بيته اساسا. ده غير ان الواحد لو عمل (Claim) لشركة التأمين وخد منهم فلوس اللى بيدفعه لهم (Premium) بعد كده هيتضاعف.