بتدفع بقشيش كام لما بتدخل البنزينة ؟؟؟

**egyptiandiver** · 14-03-2015 06:42 AM

1 or 2 pounds

**Elawany13** · 14-03-2015 01:23 PM

حتى قبل زيادة اسعار البنزين كنت بعمل كده لتر بنزين 80 كان بـ 90 قرش وكانوا بيحسبوه بـ 1 جنيه
كنت بحسبه بالسعر الرسمى 90 قرش واديلهم جنيه بقشيش
ولو مش عاجبه باخده وبديله حسابه بالضبط ودائما معايا فكه علشان استهبالهم
ولو الإزاز اتسمح بديله 1 جنيه كمان
ياعنى 2 جنيه

**Ahmed Tarek 00** · 14-03-2015 02:22 PM

المشاركة الأصلية كتبت بواسطة bassemali

الكلام الموجود غلط لاني اعرف واحد صاحب بنزينه ومرتب العامل من 500 ل 700 جنيه ده غير البقشيش وانا عموما بسيب 2 جنيه ع التفويله ...

ممكن كلامك يكون صح .. الله أعلم

**miam0502788391** · 14-03-2015 04:10 PM

2 جنيه على التفويله من باب التشجيع خصوصا لو انا زبون فى البنزينة والناس عارفانى
لكن انا فعلا بكره استغلال كسر اللتر لما يحسبه لتر وكمان يقوم يحسب البقشيش يعنى بيحاسبنى على بنزين انا مشترتوش

**A_H_M_A_D** · 15-03-2015 01:08 PM

المشاركة الأصلية كتبت بواسطة أبو آسر

بس في حركة غبية بتضايقني لما أقوله فول التانك مثلا وألاقيه ييجي عند كسر الجنيه ويقف ويحاسبني على الجنيه كله
يعني بيفول لحد ما العداد يعد 70 جنيه مثلا ألاقيه يشغل المسدس لحد ما يوصل 70 و30 قرش مثلا أو 70 ونص وييجي يقولي 71 جنيه ! هنا بقى بديله جنيه بس بدل 2 جنيه عقابا ليه على قلة ضميره لأنه بيحاسبني على حاجة مش من حقه وحاجة أنا مأخدتهاش فبحرمه من الجنيه كله لأنه واخد كسر الجنيه مقدما

المشاركة الأصلية كتبت بواسطة miam0502788391

لكن انا فعلا بكره استغلال كسر اللتر لما يحسبه لتر وكمان يقوم يحسب البقشيش يعنى بيحاسبنى على بنزين انا مشترتوش

معظم البنزينات بيعملوا الحركة الزبالة دي , في الاول لقيت البنزينة اللي جنبي في مصر والسودان لازم يقف عند 80 قرش , بعد كده لقيت ناس تانيه كتير بيعملوها و قليل قوي اللي بيقف عند الجنيه بالظبط

بصراحة كنت بتفرس من الحركة دي و مرة كنت هاتخانق مع العامل للسبب ده , بس بعد كده بقيت اكبر دماغي و اعتبر الفرق ده ضمن البقشيش و مابدفعش اكتر من جنيه زياده فوق القيمة

**memoo305** · 16-03-2015 09:10 AM

الكلام الأ 34 نهجيص لأن التامينات مش هتامن على اجر 100ج وتخصم منه 70!!!!
عامل المحطة مش بياخد اقل من 700 ج دخل ثابت في الشهر بدون بقشيش
العامل إلي شغال في بنزينة كاحيانة بيخادلة 50:60 ج بقشيش في اليوم يعني لو اشتغل 25 يوم عمل في الشهر بيعدي 1200 بقشيش . يعني حاولي 2000ج دخل شهري
وده إلي بيخليهم مايفبلوش وظيفة عامل انتاج في مصنع ب 1000 أو 1200ج ودي سهل جدا ان يشتغل فيها .....ي

**john55** · 16-03-2015 10:02 AM

متفاوته من عامل لاخر من جنيه الي 2 جنيه في بنزينه وطنيه بياخد العسكري جنيه يعني اقوله فول ب50 جنيه يحط ب 49 جنيه

**ayman20100** · 16-03-2015 01:59 PM

بدون تريقة
بياخدوا 4 جنيه او 3 على الاقل غير انه بيحسب كسر الجنيه جنيه :)

طبعاً جربت مرة ارخم واخدت حقي او دفعت فكة بس لقيت الموضوع كل مرة فيه حرقة دم عشان 2 جنيه اقل
والموضوع بقى مبالغ فيه فعلاً وينرفز بس عشان بحط من نفس البنزينة على طول ومتردد عليها ما حبيتش يبقى الموضوع فيه حرقة دم كل ما اروحله بقيت المح للموضوع بتهريج وافهمه انه واخد كتير