الموضوع: بتدفع بقشيش كام لما بتدخل البنزينة ؟؟؟

متهالي موضوع ٣٤ جنيه كلام مش سليم اطلاقا هما بيتعينوا علي مرتبات مش عالية وده طبيعي في البلد دي بس بيتامن عليهم وده لازم للثابتين ومنهم ناس بتستمر في الشغل سنين وفاتحة بيوتها كويس كمان ومؤهلات بيستمروا سنين عشان الدخل بيبقي احسن من الوظيفة مع البقشيش وشغل مريح بعيد عن تعب المصانع عشان كده المصانع بتطلب عمالة باستمرار وهناك بيبقي مخنوق ومحكوم بوقت وشغل بتسلم ولازم يتعمل لكن المحطة شغل ترفيه وهو ورزقه وفي زبون سخي وزبون بيراضيه وعربيات شركات فربنا بيكرمه وسرقة ولعب كتير كمان مابين العمالة والمحطة فمحدش يصدق اي كلام يتقال غير ان مهنة البلطجي اقصد السايس وعامل المحطة غير انها شغلانة مريحةورزقها علي الله ومش محتاج غير الحساب لازم يبقي فيه وقفة كبيرة ضد بلطجية الشوارع اولا وسرقة المحطات ثانيا احنا بقينا بنسيب حقنا لفئة اسف تعتبر فئة حقيرة ويكفي تشوف شكل الحشاشين والمدمنين وانت تعرف فلوسك بتروح فين رغم الفلوس الكتير اللي بتروحلهم لان العملية بقيا بتغري ناس كتيركل واحد ياخد الشارع لنفسه انا مش بقيت بدفع في الشارع نهائي غيرلو حسيت انه سايس من بتوع زمان بيفهم شغله وقديم مش بلطجي تلاقي كل المنطقة عارفاه ومش بيطلب منك حاجة مش البلطجية اللي بيحدد مبلغ وعايزه زي وسط البلد ومدينةنصر حاليا ولازم يبقي معروف ان محطة البنزين هي اللي مش بتكسب في البنزين غيرمبالغ بسيطةجدا تكفي مصاريف الكهربا والطلمبات لكن بتتعوض من الخدمات الاخري زي الغسيل والصيانة او غش البنزين وده معروف من اول مبيرخص المحطة هو بياخد اسم شركةبترول عشان يعمل خدمات تنفعه لكن الوقود مفيهوش مكسب لصاحب المحطة بس المرتبات اكيد اتحسنت لان ملزم يامن عليه واكيد لازم حد ادني للمرتب وياريت تاني نعمل وقفة كبيرة ضد البلطجية او السايس الجديد لازم يبقي متعين من الحي او المحافظة مش اي بلطجي وخلاص وبقشيش المحطة دي حاجة تخصك انت محدش يفرض عليك حاجة وكمان موضوع العامل بتاعة نضاف الازاز اللي بيفرض نفسه علي العربية والمساحات موجودة كلهم بيدور علي الحاجة السهلة اللي قيها فلوس ويبعدوا عن المصانع والشغل اللي بجد هيافةوقلة ادب انا منعت اي حد يقرب من العربية نهائي

والله المشكلة مش فى الجنيه او الاتنين اللى بتدفعهم بمزاجك او تقديرا منك لعامل البنزينة..المشكلة الاكبر فى السايسسسسس ..او البلطجى بمعنى اصح ..فيه مناطق دلوقتى الركنة فيها بلطجة ب 5 جنيه او اكتر

انا كنت شغال في بنزينة موبيل الطيران عام 2007 والكلام بتاع ان مفيش مرتب سليم 100 في 100 اللى بياخد مرتب واحد اديلة اكتر من 10 الى 15 سنة في البنزينة ومتامن علية ومرتبة 120 جنية اللى هو في الغالب بيبقى ريس الوردية واتثنين ثلاث عمال كمان في البنزينة كلها عشان صاحبها ميدفعش فلوس تامينات كتير وكنا بنقسم البقشيش اخر الوردية .
اسمع كمان ان في اصحاب بنزيمات بياخدو من البقشيش واسمه اجار ارضية وبيتاخد من بقشيش العمال طبعا .
البزينات اللى تبع الحكومه هي اللى فيها مرتب والله اعلم بحاهلم

فى العاده بقول لعامل البنزينه يمون ب 48 و اديله 50 او ب 98 و اديله 100
و اهو ناس بتسترزق و بتشتغل و ببقى مسامح
لكن احسن من اللى ماسكين فوط فى كل حته و عاملين تسعيره بصراحه باديهم برضه بس مش ببقى مسامح قوى

بصراحة فى الاول كنت اسيب 2 جنية وسعات اكتر على اساس انى اعرف ان مفيش مرتب ليهم لكن دلوقتى بقت غصب عنك وكمان بجشع وكل مره يحصل مشكلة معاهم انو عايز 5 جنية اى كان عدد لترات حتى لو 10 لتر ملوش فيها طب ازى وكمان تلقى على العداد نص لتر محسبك عليه يعنى واخد فوق 6 جنية من الاخر شغل نصب وربنا مش هيبارك فيه وقليل منهم لى عنده ضمير

مره دخلت بنزينة موبيل ومكنش معايا فكه كتير فأديته جنيه
فتخليت كده ومش متأكد 100% انه رمى الجنيه في حاجه
طبعا مهما كان البني ادم ده لو بيشحت ميرميش الفلوس كده
ومن يومها مدخلتش البنزينه تاني
وعامة بدفع جنيه او اتنين لاني سمعت فعلا ان في ناس معتمده فقط على البقشيش