ارجو من ملاك هيونداى ix35 اول فئة الجنط ال16 الافاده فى الاتى:
1- ثبات العربيه كويس و لا بتعوم بالجنط ال16 و لحد كام ثباتها كويس
2-سعر العربيه استلام فورى بكام
3-ايه الحاجه اللى مضايقاك فيها و ايه عيوبها
ارجو الرد بسرعه
عرض للطباعة
ارجو من ملاك هيونداى ix35 اول فئة الجنط ال16 الافاده فى الاتى:
1- ثبات العربيه كويس و لا بتعوم بالجنط ال16 و لحد كام ثباتها كويس
2-سعر العربيه استلام فورى بكام
3-ايه الحاجه اللى مضايقاك فيها و ايه عيوبها
ارجو الرد بسرعه
جربتها بالجنط ال 17 .. الصراحة بعد المية بتبدأ تحس بالخفة ... بس الشهادة لله انا عمري ماشوفت موتور 1600 ستوك بالتسارع الغريب ده غير طبعاً بعض المواتير المعروفة
يعنى ثباتها على ١٢٠كان عامل ايه ؟؟
و انت رايك فيها ايه يعنى سعرها كويس ولا كتير عليها
لا معجبتنيش في الثبات خالص .. انا معايا جين 2 وفي فرق رهيب طبعاً وده بسبب انها مثلاً عالية وانعم وكدة
وبصراحة شايف سعرها مبالغ فيه اوي يعني ايه ادفع 230 الف مثلا في هيونداي .... ممكن ادفعهم في سوبارو او قشقاي بس القشقاي لازم بنزين 95
" ..وصلت لــ انا النهارده سقت الفئة التانية " مش عارف الجنوط و اللا 100 تقريبا ..الثبات مفلرقش كتير عن أي عربية هيونداي " مش أد كده " ..لكن المفاجأة ليا شخصيا هو التسارع و الخفة ..العربية انطلاقها خفيف جدا تسارعها رائع علي عكس ما تخيلت ..افضل من الالنترا ..
اولا هى مش افض من الانترا فى التسارع خالص لان انا ماعيا النترا وصاحبى معاه الix35 وفيه فرق لصالح الالنترا كبير طبعا
ثانيا بالنسبة للثبات انا عايز اى واحد يكون جرب هو اللى يقول رأيه ياريت مش اى فتى وخلاص
انا ركبت القشقاى القديمة وركبت الاسبورتاج وركبت الix وكلهم هاى لاين وكلهم وبتحدي ثبات واااحد
كلهم محتاجين تركيز عالى اثناء السفر وكلهم عفشتهم خفيفة ولكن مع تقنيات الفرامل abs , abd , esp الموضوع مقبول جدا وبيكون فى آمان مع السرعات نوعا ما
بس اللى انت ركبتهم هاى لاين يعنى فيهم esp و انا اللى بتكلم عنها اول فئة و مفيهاش esp
و حضرتك بتقول كلهم محتاجين تركيز عالى اثناء السفر معنى كدا ان ثباتهم مش حلو صح ولا ايه ؟
و من رايك ثبات الهيونداى ix35و لا الالنترا
و ثباتهم على 120 عامل ايه
انا شكلى هريح دماغى و اجيب سكودا a7 انتو ايه رايكم
هل تعلم :
ان الـ ix 35 كانت القاسم المشترك فى كل مواضيعك السابقة
هذا برهاني
تحياتي
ix35 عربية خفيفة ومش هقول جدا عشان مش عاوز ادخل فى نقاش وجدال مع حد ودا عن تجربة فى موديل 2013 والتى يمتلكها اخى
الخامات المستخدمة فى الصالون من جوة رديئة جدا من الاخر العربية بلاستيك
ورق الالمونيوم الى بيقولو علية صاج
من سواقتى ليها شايف انها مش مريحة ممكن مع غيرى تكون افضل
المميزات
ارتفاع عالى عن الارض
تكيف كويس جدا
واسعه من الداخل
فا انت لو هتدفع 230 او 240 الف جنية نصيحة هات سكودا افضلك مليون مرة من غبور وعربياتة
على فكرة انا عملت صيانة 20000 كم بتكلفة 900 جنية يعنى العربيات الكورى مش موفرة ولا حاجتها رخيصة يعنى عندك مثلا
فانوس الشبورة الامامى من حوالى 9 شهور كان بيتكلم فى 550 جنية من عند غبور شوف انهاردة تمنة كام
فا غالى بغالى اركب المانى او اوربى او يابانى وهيكون افضل من الكورى مليون مرة ودا عن تجربة لان هيفرق معاك حاجات كتير بالنسبة للمبلغ الى انت حاطة زى
وسائل الامان: من حيث الايرباجز والتعليق والفرامل
الثبات :لو فى الاسكودا هيكون افضل مليون مرة من 10 عربيات هيونداى على بعض
جودة الخامات المستخدمة سواء فى الصالون او العربية عموما فا هى طبعا هتكون افضل من بلاستيك هيونداى لصالح (سكودا)
جودة السيارة بتفرق من حيث التقفيل والتصنيع وبعد مرور كام سنة على العربية ومع الاستخدام هتفرق طبعا
مع العلم انا لست من محبى سكودا وبالاخص a7 بس انا شايفها حاليا هى من السيارات المناسبة فى بلدنا رغم انها المفروض تكون عربية رخيصة من فولكس بس وكيلها مخليها اغلى من فولكس
السلام عليكم
دا تقرير من توب جير والكلام كلو كويس مش شايفين غير الموتور ضعيف مش اكتر
Car review: Hyundai ix35 Driven - road test - BBC Top Gear
ودا تقرير ال يورو نكاب بتاع الكراش تست واعتقد دول كلامهم بيمشي علي كل الدنيا
Euro NCAP | Hyundai ix35
بالنسبة للسحب و الشد
ربنا اكرمني بالـ hd لمده 4 سنوات مانيوال
و الـ md استخدام شهرين(عربية اخويا)
و الـ IX 35 لمده 5 شهور و اسبوع
الخلاصة الـ hd الاقوي في السحب و الشد على الاطلاق(مع صوت الزئير الكتوم الممتع) علي كل السرعات تحس انها عايزة لجام
الـ md في المرتبة الثانية فعلا و تقترب منها الـIX 35 بفرق ملحوظ للـ MD
الـ IX 35 الاكثر متعة فعلا سحبتها ممتعة جدا (مع صوت انين) لكنها الثالثة في ترتيب التسارع
تحياتي