لمبة الحرارة تنور لما العربيه تسخن ..ولما العربيه تبرد ..اللمبه هتنور إيه ؟؟!!!

**Abo_Mazen** · 13-03-2015 08:54 PM

واحد قريبي معاه سوزوكي ألتو 2015..وطبعا العربيه دي مفيهاش مؤشر حرارة ..لكن فيها لمبة حرارة ..عشان الحرارة لما تعلى اللمبة تنور أحمر ..وكنا بنتكلم عن ثرموستات الكوع ..الموضوع اللي عملي أكلان في دماغي وعلى وشك إنه ما ينيمنيش الليل ..المهم ..كنت بقول لقريبي إن ممكن الثرموستات تقفش وهي قافله ووقتها العربيه هتسخن ولمبة الحرارة هتنور ..وممكن تقفش وهي فاتحه ..ووقتها العربيه هتبرد وهي ماشيه ..فقالي ولمبة الحرارة ..هتنور إيه ؟؟ ..قلتله مش عارف ..بس متهيألي فيه مؤشرات هتعرف من خلالها ..زي مثلا زيادة إستهلاك البنزين ..قالي ما هو ممكن ما أخدش بالي قوي .وخصوصا إني مش بتاع سفر

بس هو فعلا سؤال للي معندهمش مؤشر حرارة في العربيه وعندهم لمبة ..لما العربيه تبرد وهي ماشيه ..أنا أعرف إزاي إن في مشكلة في الثرموستات وإنه معلق وهو فاتح

**borio1704** · 14-03-2015 08:55 AM

أعتقد إن لمبة الحرارة بتنور أزرق لما يكون الموتور بارد أزيد من اللازم.. وتنور أحمر لما الحرارة تعلى أكتر من اللازم.

في الحالة دي .. اللي هيحصل إن لمبة الحرارة هتفضل منورة أزرق مدة طويلة شوية

بس لو صاحب العربية مش واخد باله.. ممكن فعلا ما يعرفش إن الثرموستات معلق مفتوح.

...

**Abo_Mazen** · 14-03-2015 11:11 AM

المشاركة الأصلية كتبت بواسطة borio1704

أعتقد إن لمبة الحرارة بتنور أزرق لما يكون الموتور بارد أزيد من اللازم.. وتنور أحمر لما الحرارة تعلى أكتر من اللازم.

في الحالة دي .. اللي هيحصل إن لمبة الحرارة هتفضل منورة أزرق مدة طويلة شوية

بس لو صاحب العربية مش واخد باله.. ممكن فعلا ما يعرفش إن الثرموستات معلق مفتوح.

...

معلش حضرتك بتقول تعتقد إنها هتنور أزرق ..ولا هي بتنور أزرق فعلا؟؟؟..لإن أنا عايز أعرف فعلا

**Abo_Mazen** · 14-03-2015 11:12 AM

المشاركة الأصلية كتبت بواسطة mecha

اسوأ مبين حرارة اتعمل اللمبة دي .ضيعت مواتير كتير .تصميم اوروبي.خلي صاحبك يستبدلها بعداد افضل

يا باشا حضرتك ما هو ده المستقبل في بيان حرارة العربيه ..أنا ملاحظ إن عربيات كتيره حديثه نازله بالموضه دي

**borio1704** · 14-03-2015 11:38 AM

المشاركة الأصلية كتبت بواسطة m_m_sh_a

معلش حضرتك بتقول تعتقد إنها هتنور أزرق ..ولا هي بتنور أزرق فعلا؟؟؟..لإن أنا عايز أعرف فعلا

بقول "أعتقد".. لإن مش كل العربيات فيها حتة اللمبة الزرقا دي

أنا شفتها في كيا بيكانتو 2006.. كانت لمبة الحرارة بتنور أزرق أول ما تشغلها.. وتفضل كده حوالي 20-30 ثانية.. وبعد كده بتطفي.

...

**borio1704** · 14-03-2015 12:07 PM

المشاركة الأصلية كتبت بواسطة m_m_sh_a

للأسف ..في العربيه الألتو 2015 اللمبه مش بتنور غير أحمر أول ما تفتح الكونتاكت ..وأول العربيه ما تدور خلاص اللمبه تطفي.. مع إن المفروض إن هي بتنور بنور مغاير للون الأحمر طول ما العربيه بارده

هو الكتالوج جايب سيرة عن حاجة زي كده؟؟ قصدي على موضوع اللون المغاير.

احتمال تكون أوبشن على فكرة.. واحتمال تاني لو هي موجودة فعلا تكون اللمبة محروقة أو فيوزها ضارب.

...

**Abo_Mazen** · 14-03-2015 06:11 PM

المشاركة الأصلية كتبت بواسطة borio1704

هو الكتالوج جايب سيرة عن حاجة زي كده؟؟ قصدي على موضوع اللون المغاير.

احتمال تكون أوبشن على فكرة.. واحتمال تاني لو هي موجودة فعلا تكون اللمبة محروقة أو فيوزها ضارب.

...

الكتالوج إتكلم عن إرتفاع درجة الحرارة وإن اللمبه هتنور بالضوء الأحمر ..مفيش أي حاجه عن لون غير الأحمر للمبه دي ..وبعدين العربيه زيرو ..معتقدش تكون إتحرقت في خلال شهرين والراجل من يوم ما إشتراها وهي كده ..عموما هو بيقولي إن الأكسنت أر بي هي كمان كده ..

-

-

الموضوع: لمبة الحرارة تنور لما العربيه تسخن ..ولما العربيه تبرد ..اللمبه هتنور إيه ؟؟!!!

LinkBack

أدوات الموضوع

عرض

-

-

-

المواضيع المتشابهه

كيا كارينز تسخن وهي واقفه ولما امشي بيها الحرارة تنزل !!! ارجو المساعده من اهل الخبرة

درجة الحرارة بتاعت العربيه بتعلى وبعدين العربيه تبطل ارميلها تشتغل عادى

لمبة البطارية بتنور وتطفى ولما تنور بتفصل الزجاج

رجه فى العربيه وهيا واقفه ولما بجيب ال d ارجو المساعده

بسمع صوت ولما العربيه بتسخن بيروح

الكلمات الدلالية لهذا الموضوع

المفضلات

المفضلات

ضوابط المشاركة