خلينا ناخد الموضوع واحدة واحدة..
أولا.. أنا أتفق مع أستاذ Mecha تماما في إن التكنولوجيا في أوروبا لسه متأخرة قوي على صعيد الاعتمادية...
فالمفروض إني ما أقبلش بعربية متقدمة تكنولوجيا ولكن متأخرة على مستوى الفعالية والكفاءة.. لإني مش هعرف أستفيد منها أصلا.
هو ده اللي العربيات الياباني بيقدموه للعالم (والكوري على الطريق) .. عربية تقدر تعتمد عليها وتوديك لمكانك وانت مستريح جسديا وعصبيا وماديا.
المشكلة الأساسية اللي أنا شايفها في الأوروبي إنهم بينزلوا التكنولوجيا قبل ما يتأكدوا تماما إنها مش هتعمل مشاكل... يمكن على سبيل المنافسة في الأسواق ... وده شغل تسويق زي ما الأستاذ Mecha قال بردو.
وعلى عكس اليابانيين.. فالناس دي مش بتطلع العربيات اللي فيها تكنولوجيا عالية برا اليابان.. لإنهم شايفين أسواقهم برا اليابان فعلا متخلفة وما تستحملش التكنولوجيا العالية اللي هما بيعملوها.
دي حقيقة
عايزك تدخل على موقع أي صانع ياباني بس في الموقع الياباني.. مش العالمي... واتفرج على أشكال وتكنولوجيا السيارات اللي جاية من الفضاء... وقارن العربيات دي بالموجود في أسواق العالم.. مش في مصر بس.
دي حبة مواقع ياباني:
سوزوكي اليابان
دايهاتسو اليابان
هوندا اليابان
مازدا اليابان
نيسان اليابان
تويوتا اليابان
العقلية دي مش موجودة في صناع السيارات الأوروبية... هما عايزين يبهروا الأسواق بتاعتهم وعندهم تكنولوجيا عالية ومش واخدين بالهم إن الأسواق مش هتقدر تتعامل مع التكنولوجيا العالية والغالية كمان في نفس الوقت..
عموما.. أنا شايف إن صناعة السيارات الأوروبية قربت على نهايتها... أو بمعنى أصح.. بدؤوا في مشوار النهاية.
...
المفضلات