حل ممتع للقضاء على الذباب وبـ 25 جنيه

اشتريت مضرب صاعق على شكل مضرب تنس منه تموت الذباب ومنه رياضة ممتعة زي متعة الـ wii ويمكن احسن كمان، يبعث فيك المرح وينمي لياقتك البدنية وغريزة الصيد ومهارة التصويب والتسديد :grin54: بصراحة بعد ما كنت قرفان من الناموس والذباب لقيت نفسي بدور عليه في كل حتة وببقي سعيد لما الاقي دبانتين ولا ناموستين اطرقع وانا مبسوط ادماااان بصراحة .. بعدما جربته انصحكم بيه وفعال جدا على فكرة مع الذباب والناموس والهاموش وكل ما يطير خاصة ونحن على ابواب الصيف والاهم انه صحي ورخيص ومش مكلف اطلاقا
http://i01.i.aliimg.com/wsphoto/v0/1...r-Electric.jpg

ههههههههههههههه
رياضة حلوة برده :)

بيبوظ بسرعة مع الأسف. ومش عملي زي ما انت متخيّل.

اقتباس:

---

المشاركة الأصلية كتبت بواسطة أبو آسر

ههههههههههههههه
رياضة حلوة برده :)

---

بصراحة ابو اسر هو ممتع جدا وبيدي حماسة غريبة للتنطيط والواحد بيبقى شكله مسخرة وهو ماسك المضرب وبيطوح يمين وشمال ويا سلام لو ناموسة عالية شوية لما تطرقع ياااااااااه نفس احساس مجدي عبد الغني لما جاب جون كاس العالم :)

اقتباس:

---

المشاركة الأصلية كتبت بواسطة anaslbda

بيبوظ بسرعة مع الأسف. ومش عملي زي ما انت متخيّل.

---

هو صيني فعلا بس خامته مش وحشة برضه واهو لو باظ ممكن نجيب واحد تاني
شكل حضرتك مجربه ..

وخلى بالك ممكن يكهربك

اقتباس:

---

المشاركة الأصلية كتبت بواسطة طارق _عبد السلام

وخلى بالك ممكن يكهربك

---

فعلا بيكهرب وساعات بهوش بيه اللي في البيت (نزعة الشر) :10D5C8w1107:

جهاز ممتاز جبت. منه تلاتة من كارفور بس اللي يشتري يجيب النوع. اللي بالشحن

ممتع فعلا للقتل النظيف green killing

كنت شغال في شركة فاتحة جديد من 8 سنين و المبنى كان مليان دبان صحراوي

واحد من المديرين اشترى 3 من البتاع ده و سابهم في المكتب

مش عايز اقول لك ...... كنا بنعمل مسابقات مين يموت اكتر ..... و ساعات نسيب الشغل و نقوم نجري زي المهابيل ورا الدبان ههههههههههههههههه


كانت ايام حلوة جدا ....... بس فعلا متفهم شعورك تماما لاني حسيته قبلك ههههههههههه

مشكلتة ان عمرة قصير ومعرض للتلف بسرعة

اقتباس:

---

المشاركة الأصلية كتبت بواسطة ahmedwagdy03

جهاز ممتاز جبت. منه تلاتة من كارفور بس اللي يشتري يجيب النوع. اللي بالشحن

ممتع فعلا للقتل النظيف green killing

---

صح هو بيتشحن كل يومين تقريبا بالكهرباء وعملي جدا

اقتباس:

---

المشاركة الأصلية كتبت بواسطة أحمد كمال

كنت شغال في شركة فاتحة جديد من 8 سنين و المبنى كان مليان دبان صحراوي

واحد من المديرين اشترى 3 من البتاع ده و سابهم في المكتب

مش عايز اقول لك ...... كنا بنعمل مسابقات مين يموت اكتر ..... و ساعات نسيب الشغل و نقوم نجري زي المهابيل ورا الدبان ههههههههههههههههه


كانت ايام حلوة جدا ....... بس فعلا متفهم شعورك تماما لاني حسيته قبلك ههههههههههه

---

متخيل المدير داخل عليكم وهو بيزعق ايه ده ايه الفوضى دي وفجأة ياخد مضرب ويطرقع معاكم هههههههه

اقتباس:

---

المشاركة الأصلية كتبت بواسطة zarif

مشكلتة ان عمرة قصير ومعرض للتلف بسرعة

---

هو الافضل يكون بعيد عن المياه والرطوبة عشان ميبوظش بس ميزته انه رخيص فحتى لو باظ مش مشكلة هو اصلا عمل بتمنه وموت شوية حلوين :)

اقتباس:

---

المشاركة الأصلية كتبت بواسطة ebb

متخيل المدير داخل عليكم وهو بيزعق ايه ده ايه الفوضى دي وفجأة ياخد مضرب ويطرقع معاكم هههههههه

---

و مين قال انها ما حصلتش هههههههههههههه

ههههههههه زي ما توقعت

ههههههههههه ... ضحكتنى والله