المثلث العاكس صناعة المصانع الحربية المصرية ب 30ج فقط(بمعارض الجيش وبنها للإلكترونات)

**ahmed1981** · 08-11-2008 07:49 PM

المثلث العاكس صناعة المصانع الحربية المصرية ب 30ج فقط(بمعارض الجيش وبنها للإلكترونات) والصورة بالأسفل

لمن لم يشتري المثلث العاكس
المثلث الخاص بالمصانع الحربية
سعره 30 جنيه
خاماته متينة جداً
ووزنة جيد بحيث يثبت على الأرض

الأسعار الآن وصلت في السوق للمثلث النظيف ب 70 جنيه وممكن يكون صيني بخامات رخيصة ورديئة

بالصدفة كنت بفرع شركة بنها للإلكترونات بعمارات الضباط المتفرعة من جسر السويس
ولقيت المثلث عندهم
وأخبروني أنه يباع بجميع معارض منتجات المصانع الحربية وشركة بنها للإلكترونيات

وهذه صورته:

**شريف** · 08-11-2008 07:53 PM

شكرا على التنبية بس هو بيطوى
والعمارات دى عند التجنيد؟

**ahmed1981** · 08-11-2008 08:03 PM

المشاركة الأصلية كتبت بواسطة شريف

شكرا على التنبية بس هو بيطوى
والعمارات دى عند التجنيد؟

تقريبا هذا المثلث لا ينطوي رغم إني غير متأكد (هو أنا شوفته زي الصورة ولم أحاول التأكد من طيه)

هذه العمارات بجوار إدارة تجنيد الحلمية
تجعل التجنيد على يسارك في شارع جسر السويس وتنزل كبري التجنيد بإتجاه السلام وتسيب أول فتحة يمين بعد الكبري وتدخل في تاني فتحة (شارع الشيخ أبو العيون) وهتلاقي الشركة تقريباً خامس عمارة شمال

**yehia** · 08-11-2008 09:56 PM

هل تنطبق عليه المواصفات؟
لأن كانوا من حوالى شهر كده كتبوا مواصفات للمثلث غير المواصفات اللى اتقالت فى أوائل تطبيق القانون الجديد...
قالوا انه يكون مفرغ من الداخل.. ويكون الضلع لونين... وطول الضلع تقريبا 40 سم... ويحتمل رياح بسرعة حتى 60 كلم/س دون أن يتحرك (مش عارف حنتأكد منها ازاى دى :) )
لو فيه المواصفات ديه يبقى الواحد يجيبه وهو مغمض.. أنا أساسا من مشجعى منتجات المصانع الحربية وما بقى من مصانع محترمة لشركات قطاع الأعمال العام زى شركة بنها للالكترونيات

**hanystar** · 08-11-2008 11:45 PM

هذا المثلث غير مطابق للمواصفات
لأنهم أشترطوا وجود لونين فى المثلث
أضلاع المثلث من الخارج أحمر ومن الداخل أضلاعه برتقالى
بالإضافة إنهم أشترطوا وجود علامة على المثلث لم يحددوها بعد
تفيد إن المثلث مطابق للمواصفات القياسية

**ahmed1981** · 09-11-2008 01:08 PM

المشاركة الأصلية كتبت بواسطة hanystar

هذا المثلث غير مطابق للمواصفات
لأنهم أشترطوا وجود لونين فى المثلث
أضلاع المثلث من الخارج أحمر ومن الداخل أضلاعه برتقالى
بالإضافة إنهم أشترطوا وجود علامة على المثلث لم يحددوها بعد
تفيد إن المثلث مطابق للمواصفات القياسية

قالوا في الأهرام أن الشروط التي أعلن عنها سابقاً إتلغت