سؤال هام لمالكي frv ضروري الله يكرمكوا
ا الحقيقه انا كنت بفكر اشتري بريليناس frv
طبعا مستعمله لان الفلوس اللي معايا مش هتكفي لجديد
وبالفعل اودامي عربيه عامله 92الف كيلو وموديل 2009 وحالتها الي حد كبير جميله ....وبعدين وانا بقلب كده هنا في المنتدى اتصدمت :) لاقيت ناس بتقول ان العربيه بعد ال100الف بتتحول وبيظهر عليها مشاكل كتير....ارجوكم افيدوني افادكم الله لاني مش حمل اني البس بعد ما اشتري ودي بعض العيوب اللي لاقيت ناس كاتبين عنها ...ارجو الافاده وهل وفعلا العيوب دي بتظهر؟؟ وايه رأيكم بكل اماانه في العربيه دي؟
- ابتدت الديسك والاسطوانة يبوظوا فاشتريت ديسك و اسطوانة من شارع دمشق والغريبة ان بعدها ب 30 الف كيلو غيرتهم تانى وبعدها ب 20 الف كنت حاسس انهم بدأوا يبوظوا وانا ببيع العربية
- حكايتى مع الكوبلن بقى دة ولا حكايتى مع الزمان بتاعت وردة..!! انا يا سادة قعدت بالكوبلن بتاع العربية الاصلى 100 الف كيلو - علشان محدش يقولى سواقتك وحشة- وبعديها من 100 الف كيلو لحد 150 الف كيلو غيرت عدد 3 طقم كوبلن...!!! لا لا اكيد غلطت وانت بتكتب الرقم يا استاذ... لا ولاهى يا كابتن هما فعلا 3 طقم فى 50 الف كيلو...!!!!!!!!!
المشكلة ان الكوبلن اللى كنت بشتريه رغم انه كان سعره غالى ومن واحد متخصص بريليانس فى دمشق اسمه زكى جرجس... كان دايما الميكانيكى اللى كان بيركبه يقولى الكوبلن فى حاجة مش مضبوطة
- جلب المقصات اللى كنت بغيرها بعد الاصلية دى كنت بشتريها زى كيلو اللب كدة... وكل ما اعدى على الميكانيكى... اقف اغير طقم...!!!!
- عوامة البنزين.... اكبر مشكلة قابلتنى فى ام العربية دى وهى تقريبا المشكلة الوحيدة اللى ملقتلهاش حل..
