عرض للطباعة
السلام عليكم ورحمه الله
الحمد لله ربنا كرمنى بمقدم حلو وداخل جمعية قدرت اوفر منهم 65000 لشراء سيارة
المهم الحيرة ثم الحيرة دلوقت شوفت الزيرو التو ب62000 وشفت الجيلى بانديدو67000
وشايف كام واحدة فيرنا فوق 2010 وعداد كويس بتعمل ف حدود 67000 برضو
انا محتار جدا والفلوس مش جية بالساهل وارجو النصح والمشورة وجزاكم الله خيراً
سؤال مهم ومنتظر الردود
انا ماجربتش ولا واحدة في دول
بس لو الفيرنا اللي ادامك كويسة يباة اتكل على الله او شوف حاجة مستعملة نضيفة
السزوكي التو شوفتها امبارح في معرض اتوماك ب 59 الف مافيهاش غير تكييف و800 سي سي يعني لا هتسحب حلو ولا التكييف هيأثر كويس بس حلوة في المشاوير الصغيرة والشوارع النضيفة
اما الصيني كله حلو في اوله وبعد كدة بيصرف اكتر من تمنه صيانة لانها عربية من بره الله الله ومن جوه يعلم الله
الموضوع متوقف على احتياجك من العربيه محتاج حاجه هاتشباك صغيره ولاحاجه عائليه ولو قدامك فيرنا نظيفه ومضمونه تبقى افضل سياره اقتصاديه وقطع غيارها متوفره وتعتبر عائليه و بتستحمل
بص يا فندم احلى حاجه فى الحدود دى عربيتين
اولا يا نوبيرا اوروبى موديل ٩٩ فابريكا برة وجوة معاقين فكه حظر وفيها تابلوة ابنوس و اوتوماتيك و ١٥٠٠ سى سى و abs فرامل مانعه للانزلاق و تكييف تاتش وكاسيت تاتش و زجاج حرارى وقطع غيار رخيصه وهتعمل حاله مضيفه جدا جدا ٥٠ الف
او
ثانيا لانسر مكوة موديل ٢٠٠١ وهيا ١٣٠٠ كربراتير ١٣٠٠ سى سى وهتشحن بنزين ٨٠ وقطع غيار كويسه بس كدة
اختار يا الاوبشن كورى مواصفات اوروبيه يا يابانى من غير مواصفات
دول احلى عربيتين فى الرنج بتاعك والله اعلم
متشكر جدا على الاراء انا فعلا بحاول اقنع نفسى بالالتو بس الميزة الوحيدة هيا الزيرو فيها وركبتها ف المعرض مش حاسسها عربية هتشيلنى كده بس اراء الناس هنا ف قسم السوزوكى عنها وتقيمهم ليها ايجايبى جدا جدا جدا بس انا مش مقتنع بركوبتها تماماً
انا مركز فى الفيرنا تكون حاله نضيفة وموديل قريب من اول 2009 وان شاء الله ربنا يوفقنى والاقى حالة كويسة مع ان المدام مش راضية تماما وعايزة الالتو عشان زيرو والاعطال وقرف المستعمل ربنا يسهل وهوافيكم بالجديد حين حدوثة
ممكن نوبيرا او نيسان صنى. 2008. فرق كبير بينهم وبين الفرنا. ثبات ووسع. المبلغ ده يجيب نوبيرا حاله ممتازه
الفيرنااااااااا او اللانوس
الحمد لله ربنا كرمنى بسوزوكى التو بصراحة العربية دى ميتحكمش عليها غير لما تجربها بنفسك فعلاً وانا كل مشاويرى جوه اسكندرية وبسافر كل اسبوعين بتاع 200 كيلو سريع والحمد لله ربنا وفقنى فيها
مبروك وربنا يستر طريقك
الله امين والله يبارك فيك وربنا يستر طرقنا جميعاً
الف مبروك يااستاذ احمد وعقبالى
مبروك ياباشا ورينا يستر طريقك
ربنا يبارك فيكم وربنا يوسعها علينا كلنا ويرزقنا الخير ويكفينا الشر