الموضوع: تعمل إيه لو إبنك خبط حد و إتحبس ؟

لأ الموضوع كله قائم علي الفرض يا جماعة يعني بعد الشر طبعاَ عن إبن أي حد من أعضاء المنتدي الكرام بس انا قصدي التصرف هتعمل إيه فرضياَ .. و بفرض برضه إن في إيدك الواسطة .

يعني بإختصار لو في إيدك تطلع إبنك و تقول للناس دول إخبطوا راسكوا في الحيط هتعمل كدة ؟

ولا هتسيب الحق ياخد مجراه ؟

هخلي إجابتي للأخر يا شهاب :)

المشاركة الأصلية كتبت بواسطة SS

اعتقد يا محمود انه زى ما الدكتور احمد قال كده.. ده هيبقى الخيار المتاح امام اغلب الناس....و بعدين مش كل الناس بتعرف تلاقى وسايط...و مش كل الناس بتعرف تبلطج...بس انت ماقلتش انت هاتعمل ايه؟:-?

ملكش حجة يا حج أحمد الناس كلها شايفاك دكتور شد حيلك بقي في الدراسات العليا دنتا بقيت دكتور رسمي بشهادة نايل موتورز

هههههههههه زي العسل يا شهاب باشا
و الله انا فكرت في الموضوع بعد الحادثة .. و لقيت إنه موقف صعب فعلاَ .. بس المشكلة إنه صعب التعاطف لأن إنت بتتعامل مع شخصية يجب تقويمها و هي فاسدة بالفعل .. فا أعتقد إني لو مكان أبوه للأسف هضطر أسيبه يتحبس و مش هلوم غير نفسي لأني مربتهوش و مخليتوش إنسان بجد مش شخصية هلامية من الموجودين في جيلنا بكثرة .. و علي فكرة مفيش أب إبنه بيكون بايظ من غير ما ياخد باله .. فيه أب بيطنش و فيه أب مش بيطنش .. لأن في مرحلة الشباب مش كل الشباب بيبقي جواهم نزعة الخير و حب الناس معظمهم بيجري ورا حب الجري و الحشيش و الذي منه .. بس بعد ما يتحبس دي تبقي نقطة فاصلة في حياة الأسرة و نبدأ بقي نقوم حياتنا ككل من الأول .. و يتابع مع إبنه .

الموضوع ده قوي جدا جدا

و الفكرة الأساسية فيه (أنا باخلف ليه)

ونفسي ابنى يكون ايه ؟؟

احنا بنخلف لسبب واحد يا سادة (ولد صالح يدعو له)

يعني الفايدة الحقيقية من الخلفة هي وجود ابن صالح يزود حسناتي بعد موتى

أو أخد ثواب في تربيته و أفعاله (الدال على الخير كفاعله)

و طبعا الولدان من خير الدنيا و نعمها و متعها التي تجعل لها طعما

ولكن ..

ان رزقني الله بولد فاجر فاسد عربيد

فما فائدته ؟؟


هم في الدنيا و حسرة في الأخرة

وهل يفسد الولد من تلقاء نفسه ؟؟؟

بل يفسده التدليل و إشعاره بأنه فوق الناس (في معاملته معهم) و افراط إشعاره بالأمان (حتى و إن أخطأ) و هذا الشعور قد يحول الشاب الى حيوان لا يرى للناس ثمنا ...

و قد تكون الظروف فعلت به هذا ...

أصدقاء سوء أو حتى أي ما خرج عن إرادة الوالد....


وهنا

يجب ان يترك هذا الولد ليلاقي ما يلاقيه المجرمون
لأن المجرم هو من استهان بحياة أو حق غيره
و تركه هو تكفير عن ذنب عدم تربيته
أو استعانه بالظروف لتعدل ما أفسدته الظروف في نفس الولد

أما تزوير و تلفيق و وساطة لينام في حضن أمه و هو يحمل اثم غيره
تذرعا بحبه -الذى لا ينكره أحد على والده- و الحرص على مستقبله فهو ليس الا حلقة جديدة في مسلسل افساده و تقوية شوكه الشيطان فيه .


سيتهمنى البعض بعدم المصداقية
و ان اللي ما جربش الضنى ما يتكلمش

ولكني أعلم ان هناك مواقف تكون على أعتاب الجنة و النار و هي أعتاب حادة ولا يعبرها للنجاة الا رجال عرفوا الله ..

كم دعوت الله أن يرزقني ولدا أدخل به الجنة
و رزقني الله ولدي حمزة
الذي حملته بيدي وهو لم يبلغ الأشهر التسعة بعد وواريته الثرى

و أظن بالله خيرا أنه هو من قصدته بالدعاء
و لم أحزن عليه بل سيكون يوما ما أحب أولادي
يوما ما