شكرا لردودكم أفدتونى جدا بس لو حد يحط نفسه مكانى أنا معايا عربية صنى 2012 سوبر صالون فابريكة برة وجوه تساوى بسعر السوق حوالى 100 ألف تقريبا والانسيجنيا الفئة الثانية معروضة ب 255 آخدها وادفع الفرق ولا أخليها للهرى والسفر وأجيب كروز مثلا ب 155 ويبقى عندى عربيتين ياترى لو حد مكانى يعمل ايه؟؟ أخوكم محتار جدا
حضرتك تجيب كروز ويبقى عند حضرتك عربيتين أفضل
تقبل تحياتى
عربيتين أفضل
عربيتين افضل
بس مش الكروز في حاجات احسن منها في رنج السعر ده
عربيتين افضل الف مره بس نصيحه بلاش كروز اشتري كرولا او سيراتو مثلآ حاجه من اللي فيها جميع الكماليات عشان تحس بفرق ومتفرتش فى الصني انا بعتها والله وندمت عربيه مش هتتكرر تخيل بتتباع اغلي من الشكل الجديد ففكر كويس في عربيه مختلفه يعني حاجه للرفاهيه سيراتو اعلي فئه او ايلانترا اعلي فئه او جيب تريوس مثلآ او جوك وتبقى عامل تنوع حاجه كروس اوفر وسيدان وده انا شايفو اكثر منطقيه
الخلاصه.... انت اكتر واحد تحدد انت عايز ايه؟؟؟؟؟؟؟؟؟؟؟؟؟
يعني لو هتجيب مثلا عربيه تانيه ((وانا رايي في الحاله دي سيراتو بس يكون علي الاقل فيها abs and air bags)))
بس هل العربيتين انت اللي هتستخدمهم؟؟؟ يعني لو مشيت بواحده التانيه هتبقي مركونه؟؟؟ في الحاله دي انا مش شايف اي فايده من كده.. بل بالعكس هيبقي عندك مصارف دوريه علي العربيتين .. كاوتش . بطاريه. زيت ماتور . فلاتر . سيور. ومصاريف تجدييد . وضرائب هتزيد عليك خاصه لو العربيتين هيبقوا باسمك. .. ودي حاجات دوريه هتغيرها في معادها حتي لو العربيه مركونه
من الاخر نصيحتي ليك... لو انت بتحب الرفاهيه وساكن في منطقه راقيه وعندك جراج خاص للعربيه في ابيت والشغل وماعندكش مشكله في صاينه العربيه الغاليه يبقي تتكل علي الله وتجيب عربيه محترمه بس زيييييييييييييرو لانه حرام تدفع ربع مليون في عربيه مستعمله حتي لو كانت كسر زيرو... يعني تزود 20 الف ولا حاجه وتجيب الانسجنيا زيرو
لو انت النيسان مريحاك وعندك مشاكل في اركن وممكن تركن العربيه في الشارع ومتعرضه حد يخبطها او يريح عليها او يجرحها .. وهتزعل من بنزين 95 والتيل ابو 800 والفانوس ابو 4000 جنيه وده هياثر علي دخلك يبقي خليك في النيسان وتحط المبلغ اللي معاك في البنك وديعه
اسف علي الاطاله