اسبرنزا 516

**توتى توتى** · 21-03-2015 04:40 AM

شكرا لرد حضرتك طمنتنى شويه انا عجبانى اسبرنزا516 وسعرها معقول بالنسبه ليا بس كنت هصرف نظر عنها بسبب موضوع تسقيط الموتور ده وانها ما بتنزلش اوتوماتيك وانا طلبى الاساسى اتو وياريت ياجماعه الى عنده فكره عن موضوع تسقيط الموتور ده يشاركنا الراى

**pepo2011** · 22-03-2015 01:23 PM

مفيش مشكلة من تسقيط الموتور دا لو حضرتك عندك وقت طبعا للكلام دا ولو عندك ميكانيكي كويس تثقي فيه لان الموضوع مش تسقيط مكنة ومكان مكنة وخلاص
يبقي اعتقد الافضل تكون حاجة اوتوماتيك من اساسها

**pepo2011** · 22-03-2015 01:29 PM

عشان حضرتك انا مهندس في توكيل سيارات وبتكلم من حيث الفنيات مش ينفع او لا
بس سؤال هو وزن اللانسر وي وزن الاسبرانزا؟؟؟

**توتى توتى** · 23-03-2015 12:59 PM

واالله يااستاذ بيبو انا معنديش قكره عن ميكانيكا السيارات وبالتالى مش هعرف اقولك وزت الاسبرنزا ايه ووزن الانسر ايه؟؟؟؟ انا واحده عايزه تشترى عربيه حالتها كويسه متجننيش وتكون اتوماتيك وسيدان وسعرها مناسب ليا من 40الى 50 الف ولقيت الموضوع صعب وزاددت حيرتى وموصلتش لقرار فى النهايه انا هكلم ميكانكى وافوض له الامر واقولى طلبى وهوا يتصرف ؟؟ وشكرااااااااااااااااااااا ا

**pepo2011** · 24-03-2015 09:15 AM

انا عارف طبعا ان حضرتك معندكيش فكرو عن الوزن لكن السؤال يحمل معني تاني ان وزن وحجم السيارة لازم يتحط في الاعتبار من ضمن معايير الحكم والسلامة والامان

**pepo2011** · 24-03-2015 09:19 AM

ياباشا انا ماقولتش ماينفعش تسقط انا بقول لا يفضل لان وزن وحجم وعزم الاسبرانزا غير الميتسوبيشي خالص اما بخصوص جبت الكلام دا منين فدي اساسيات دراسة 5 سنين هندسة و12 سنة عمل في توكيلات سيارات داخل مصر وخارجها وبخصوص تاكسيات مصر فلا تقارنها بالملاكي لان التاكسي عربية شغالة بتجيب فلوس فلو كل شهر هايروح لميكانيكي مفيش مشكلة لكن الملاكي صعبة شوية ؟؟

**توتى توتى** · 24-03-2015 10:29 AM

كلامك منطقى جدا

**abokoko** · 24-03-2015 10:39 AM

تسقيط الموتور لو علي نفس القراعد وبدون لحمات او تعديل في اجزا نقل الحركه بدون عمل تعديل في جسم السياره من اسفل لتركيب الفتيس الاتوماتيك
لو كده يبقي التسقيط ممتاز من وجهه نظري
غير كده يبقي مرفوض

**hugan** · 24-03-2015 09:46 PM

المشاركة الأصلية كتبت بواسطة pepo2011

ياباشا انا ماقولتش ماينفعش تسقط انا بقول لا يفضل لان وزن وحجم وعزم الاسبرانزا غير الميتسوبيشي خالص اما بخصوص جبت الكلام دا منين فدي اساسيات دراسة 5 سنين هندسة و12 سنة عمل في توكيلات سيارات داخل مصر وخارجها وبخصوص تاكسيات مصر فلا تقارنها بالملاكي لان التاكسي عربية شغالة بتجيب فلوس فلو كل شهر هايروح لميكانيكي مفيش مشكلة لكن الملاكي صعبة شوية ؟؟

كلام جميل
حضرتك قولت
لاء صيني ماينفعش في التسقيط
وما وضحتش ايه اللي ماينفعش
انت حكمت بالفشل علشان صيني وخلاص
ايه الاسباب ما نعرفش علشان صيني ماينفعش
جربت تسقط ماتور علي اسبرانزا قبل كده وفشل
لاء طبعا
المهم
بخصوص العزم حضرتك ماوضحتش مين الاثقل ومين الاخف في الوزن
ايه اللي هايخلي اللي يسقط موتور يروح كل شهر للميكانكي
طبعا ومع احترامي لدراسه وعلم حضرتك وبدون زعل
اجابتك غير مقنعه وغير منطقيه
التسقيط بيتم بدون اي تعديل اطلاقا في القواعد
تسقيط علي نفس القواعد
اللي بيتغير الكبالن طبيعي طبعا
ردياتير طبيعي طبعا
الضفيره والكنترول بيجو مع الموتور
الموتور 2000 سي سي مناسب تماما لحجم ووزن الاسبرنزا

-

الموضوع: اسبرنزا 516

LinkBack

أدوات الموضوع

عرض

-

-

بخصوص السيارة -

-

-

-

المواضيع المتشابهه

اسبرنزا 516

اسبرنزا a113

اسبرنزا 516

هيونداي i 10 و لا اسبرنزا a 113

اسبرنزا a5

الكلمات الدلالية لهذا الموضوع

المفضلات

المفضلات

ضوابط المشاركة