سؤال بالنسبة لترخيص السيارات الجديدة

**mohamed_berlitz** · 26-07-2007 11:18 AM

السلام عليكم ورحمة اللة وبركاتة

يا جماعة انا انشاء اللة حستلم عربيتى خلال ايام وكنت سمعت من بعض الزملاء ان فى مشكلة عند الترخيص
انا تابع لمرور مدينة نصر وبصراحة خايف لما اروح ارخص يركبولى نمر قديمة او نمر معوجة يخلى منظر العربية وحش مع العلم ان العربية زيرو
واللة مش عارف اعمل اية وهل اى حد جرب الحكاية دية
ياريت يا جماعة اللى جرب يقولى اعمل اية لحسن انا الموضوع دة قلقنى ومخلينى ابص لاى عربية جديدة مع نمرها وبأمانة بلاقى فضايح

وشكرا لكل من سوف يهتم

**Nader** · 26-07-2007 11:31 AM

اولاً الف مبروك مقدماً على العربية.

ثانياً انا مسمعتش عن مشاكل لوح عن قريب في مرور مدينة نصر خاصاً، بس لو عاوز بمر جديدة يبقى مش هتاخدها غير بالفلوس للاسف "رشوة يعني" حتى العاملين مش بيطلعوا نمر جديدة لما يجي يعرض عليك النمر غير لو شاف في ايدك فلوس :shock:

**sokasoon** · 26-07-2007 07:00 PM

الف مبرووووووووك لاسيارة الجديدة

انا لما رخصت خدت النمر واحدة كانت سليمة وكويسة

والتانية كانت معجة مش ومظبطة فخدتهم الاتنين

لخطاط ظبطهم ودهنهم وركبتهم وبعدين النمر

مش بتزود ولا بتنقص من ثمن العربية

**sokasoon** · 26-07-2007 07:01 PM

حذف للتكرار

**hazem_khidr** · 26-07-2007 09:53 PM

هيا بتبقي حظوظ علي فكره و يمكن مفيش غير نمر قديمه بس ممكن تعمل زي ما نادر قالك كده و تدفع عشرين جنيه ولا حاجه و تخليه يشوفلك نمر مميزه شويه مش لازم تكون جديده و لو شكلها وحش تاخدها عند السمكري يستعدلها و لو فيها اخرام اقفلها بمعجون حديد و رشها من اول و جديد و حتبقي كويسه ان شاء الله.
انا بصراحه ببص علي الرقم المميز مش اللوحات الجديده.

**sokasoon** · 26-07-2007 10:13 PM

يا حازم انت مش هتشترى خط فودافون

النمر اهم حاجة ماتكونش سهلة باردة اختار رقم رزل

ملعبك كده ماحدش يعرف يلقطو بسرعه احسن

**hazem_khidr** · 26-07-2007 10:40 PM

و الله يا وليد كتير بيقولو كده بس انا ببقي مبسوط لما يبقي رقم عربيتي سهل.و لعلمك بيعرفو يلقطو اي رقم سهل او ملعبك الا بقي لو طامس رقم منهم بس دا يبقي حرام

**Ashraf A.Kader** · 27-07-2007 01:47 AM

استاذ محمد0
اولا الف مبروك علي العربية الجديدة
ثانيا انا سمعت عن موضوع نقص النمر في مدينة نصر من اكثر من صديق ولكن الموضوع اتحل
ثالثا انا لسه مرخص عربيتي الثلاثاء الماضي(منذ يومين) بس في شبرا واعطوني نمرتين (زبالة) ولكن ارسلتهم للخطاط ودفعت 10 جنيه عملي لوحتين زي الفل ولما ركبتهم للعربية كانوا تحفة فلا داعي للقلق من هذا الموضوع
ومبروك مرة ثانية

**mohamed_berlitz** · 27-07-2007 01:28 PM

بجد يا جماعة المنتدى دة احسن اكتشاف ليا فى حياتى لان فى المنتدى اكتشفت انى امتلك العديد من الاخوات اللى بيخافوا فعلا على بعضهم وبينصحوا بعض وبيطمنوا بعض وبيرسموا الابتسامة والسعادة على اى فرد يطلب المساعدة
يارب يخليكوا ليا فعلا ويزيد من خيرات هذا المنتدى الجميل

-

الموضوع: سؤال بالنسبة لترخيص السيارات الجديدة

LinkBack

أدوات الموضوع

عرض

-

-

-

-

المواضيع المتشابهه

اخر يوم لترخيص العربيه 6/25 وعندى سؤال بخصوص التلت ضريبه...

هل في مدة لترخيص السيارات ؟

سؤال بالنسبة لترخيص التريوس!

سؤال بانسبة لترخيص السيارات الجديدة

الكلمات الدلالية لهذا الموضوع

المفضلات

المفضلات

ضوابط المشاركة