الموضوع: الندم على عدم الرد

المشاركة الأصلية كتبت بواسطة dede_dodo88

الانسان الناجح هو اللي بيعرف امتى يتكلم و امتى يسكت, و لما يتكلم يقول ايه و يمتنع عن ايه..
لو انت سكاتك في موضوع ما سببلك شعور بالندم يبقى انت مش مقتنع ان تصرفك ده كان سليم..
في ناس بيبقوا دايماً واخدين الحياة قفش و كرامتهم بتنقح عليهم شويتين, الناس دي بتتعب اوي في تعاملهم في مواقف زي دي لانهم مبيعرفوش يمسكوا لسانهم, فغالباً ردودهم بتكون متهورة و بتزيد المشكلة سوءاً..
الحل الامثل انك تحط الامور في نطاقها السليم حسب اهميتها و متديش موقف معين اهتمام اكتر مما يستحقه,
في بعض المواقف هتتطلب تسيب فيها كرامتك على جنب و تتعامل بموضوعية, زي لو موقف مع مديرك مثلاً, مينفعش ابداً بأي حال من الاحوال انك تخلي نفسك في موقف راس براس معاه لانك هتكون انت اللي خسران في الاخر, إلا بقى لو مديرك عقليته مرنة فتقدر وقتها تكسبه بالحجة مش بالخناق..

ردك عجبنى بس لو فى موقف مثلا مع سواق ميكروباص او موتسيكل صينى رخم او زنق عليك او خبطك حاجة بسيطة او كاد انه يخبطك او زعق او اى حاجة من دى انت شايف التصرف الصح يبقى ايه

خللى النيه بتاعتك انك مش ح ترد لوجه الله علشان انت لو رديت و جيت على القدامك ده ح يبقى ليه حق عندك ح ياخده منك سواء فى الدنيا او فى الاخره

فيه اوقات كتيرة ببقى ساكت من بره لكن زى المجنون من جوه بفكر اخد حقى ازاى و بفكر فى اللى حرق دمى و نقط ضعفه و ازاى ممكن اوجعه و بحط خطط كتير و وسائل كتير بس فى الاخر مش بعمل حاجة و اقول ح يجى يوم ح اخد حقى منك و بالليل قبل ما انام بقول اللهم انى عفوت عمن ظلمنى فأعفوا عنى انا و امى يا رب العالمين