استاذي الفاضل أولا ربنا يوفقك إن شاء الله ولكن إمكانياتك هي اللي بتحدد مواصفات الشقة وبالنسبة للمقدم اللي معاك والقسط المتوقع فإنت كدة بتتكلم في شقة سعرها من 440000 إلي 450000 تقريبا ، وده سعر صعب لشقة كويسة حاليا في التجمع الخامس ،انا واخد شقة هناك وبتابع الأسعار أول بأول وأقل سعر ممكن تلاقيه لازم يكون في منطقة تحت الإنشاء وده مش موجود غير في اللوتس واقل سعر هناك من 4500 إلي 4800 للمتر يعني لو بتتكلم في شقة 125 متر هاتكون تقريبا في حدود 550000 ل 590000 وده هاتكون صافي 95 متر ل 100 متر في الحالة دي لازم يكون في دفعات اخري نصف سنوية او سنوية .
فيه شركات بصراحة بتكون كويسة في نظام السداد وبتريح العميل وشركات اخري بتقول انا ملتزم بنظام معين زماينفعش اغيره ، انا لفيت كتير علي شركات تقريبا معظم الشركات المعروفة في التجمع لغاية ما ربنا سهل ولقيت شركة وافقوا يمشو بالنظام المناسب ليا وهوه انا بدفع قسط شهري صغير نسبيا لكن بدفع دفعة سنوية تعوض ده بحيث الشقة تخلص في نفس المدة المحددة او اقل يعني مثلا الشقة هاتكون بالتقسيط علي اربع سنوات بيقولك شوف النظام اللي يعجبك المهم تخلص في اربع سنوات ، والشركة دي اسمها شركة العمران للبناء والتشييد ولو بحثت علي جوجل هاتكون اول نتيجة تطلع .
وكمان في معرض عقاري دائم في التجمع في شارع التسعين بجوار سيراميكا كليوباترا وفيه معظم الشركات العقارية وده اسهل انك تلاقي اللي انت عايزة من غير ما تلف كتير .
وربنا يوفقك إن شاء الله
المفضلات