أفيدوني أفادكم الله....لانسر شارك 2015 خليجي ولا رينو فلوانس الفئة الثانية 2015؟

السلام عليكم ورحمة الله وبركاته،

إلى خبراء السيارات الموجودين بالصفحة محتاج مساعدة من أهل الخبرة في إتخاذ قرار بشراء سيارة جديدة مع العلم أن أكثر ما يهمني في السيارة هو أولا: توافر مميزات الأمان من نظام الفرامل ووجود وسادات هوائية للسائق والراكب الأمامي وإتزان وثبات السيارة على الطرق السريعة ثانيا: موتور قوي وتكييف ثلاجة ثالثا: توافر قطع الغيار مع معقولية أسعارها رابعا: سعر إعادة البيع والشكل الجمالي للسيارة وتوافر كماليات معقولة بالسياة.
أكيد عمري ما حلاقي كل المميزات دي في سيارة واحدة ولكن أقرب سيارتين مقارنة كمان بميزانيتي المالية هما الميتسوبيشي لانسر الشارك الخليجي (بها abs - ebd -airbags-جنط 16 - سبويلر خلفي-فتحة سقف) عاملة 157000 عند المصرية مقارنة بالرينو فلوانس الفئة الثانية (بها abs - ebd -airbags-جنط 16 - فتحة سقف) وعاملة 156000....أيهما أفضل لو تكرمتم وشكرا مقدما :satelite:

متابع

174 مشاهدة و ولا رد واحد حتى؟؟ أروح اسأل في قسم المرسيدس طيب ولا أعمل ايه؟؟ فين الشركاوية وأصحاب الفلوانس؟!

ؤينو فلوانس فيها كل اللى انت عايزه وفى رأيى هى افضل من الشارك , انا كنت محتار بين الاتنين قبل ما اشترى بس استقريت على الفلوانس وهى ممتازة , روح اركب العربيتين وانت تحكم , الشارك عربية محترمة بس ماتوصلش للفلوانس , العربيتين ادائهم كويس اوى ووسائل الامان فى الفلوانس افضل والاوبشنز طبعا ووسع العربية وارتفاعها عن الارض و فتيسها ال 6 سرعات , بس الفئة التانية الاوتوماتيك فى الفلوانس مش ب 15600 , انت كده قصدك اول فئة اوتو

بص ياباشا انصحك تخلي مقارنتك مابين الكروز والفلوانس .. لو انت عايز تشتري عربيه في حدود 155 يبقي كروز ولو عايز اوبشنز اكتر وتعلي سقف الشراء شويه ل 170 يبقي فلوانس فول اوبشنز الفئه الثانيه اوتو .. او ممكن تجيب الكروز وتشتغل عليها ... انا معايا فلوانس والصراحه عربيه محترمه جدا بس انت اركب العربيتين وشوف راحتك فين

تحياتي،

اقتباس:

---

المشاركة الأصلية كتبت بواسطة hanyyacot

ؤينو فلوانس فيها كل اللى انت عايزه وفى رأيى هى افضل من الشارك , انا كنت محتار بين الاتنين قبل ما اشترى بس استقريت على الفلوانس وهى ممتازة , روح اركب العربيتين وانت تحكم , الشارك عربية محترمة بس ماتوصلش للفلوانس , العربيتين ادائهم كويس اوى ووسائل الامان فى الفلوانس افضل والاوبشنز طبعا ووسع العربية وارتفاعها عن الارض و فتيسها ال 6 سرعات , بس الفئة التانية الاوتوماتيك فى الفلوانس مش ب 15600 , انت كده قصدك اول فئة اوتو

---

انا قصدي فعلا على أول فئة أوتو في الفلوانس وأنا واثق انها إجمالا ركوبة أحلى من الشارك بس الفروق بينهم طفيفة لصالح الفلوانس بس اللي ممكن يكون قافلني من الفلوانس شوية سعر إعادة البيع مقارنة بالشارك...رأي حضرتك إيه؟

اقتباس:

---

المشاركة الأصلية كتبت بواسطة mohamedadel86

بص ياباشا انصحك تخلي مقارنتك مابين الكروز والفلوانس .. لو انت عايز تشتري عربيه في حدود 155 يبقي كروز ولو عايز اوبشنز اكتر وتعلي سقف الشراء شويه ل 170 يبقي فلوانس فول اوبشنز الفئه الثانيه اوتو .. او ممكن تجيب الكروز وتشتغل عليها ... انا معايا فلوانس والصراحه عربيه محترمه جدا بس انت اركب العربيتين وشوف راحتك فين

تحياتي،

---

شكرا على المشاركة بس انا أخري 160 وبالعافية كمان حضرتك عارف بقى إلتزامات الأولاد ومصاريف البيت والذي منه :) أنا الكروز مكانتش في حساباتي تماما لأن شكلها الصارحة مش عاجبني أوي زي الفلوانس والشارك وعموما أنا قلبي رايح للفلوانس بس عقلي في الشارك :)

اقتباس:

---

المشاركة الأصلية كتبت بواسطة baron hk

انا قصدي فعلا على أول فئة أوتو في الفلوانس وأنا واثق انها إجمالا ركوبة أحلى من الشارك بس الفروق بينهم طفيفة لصالح الفلوانس بس اللي ممكن يكون قافلني من الفلوانس شوية سعر إعادة البيع مقارنة بالشارك...رأي حضرتك إيه؟

---

ال 3 عربيات اللى انت مختارهم سعر اعادة بيعهم مش قوية , عموما كل ما تدخل فى فئات فوق ال 150 الف هتلاقى صعوبة شوية فى اعادة البيع , الفلوانس والشارك انتشارهم كويس و ليهم سوق دلوقتى عن الاول , ومادام هاتجيب زيرو يبقى مش هاتبيع قبل 5 سنين انشاءالله , لو هاتبيع قريب عن كده نصيحة ليك ماتشتريش زيرو

ليه يا باشا محطتش السيراتو معاهم

اللى ميزانيتة
-135 شارك ال فئة
-155 كروز فئة واحدة
-170 قلوانس تانى فئة
-190 كورولا