مدرسة خاصة لغات وكمان إسلامية

**khaled607** · 15-03-2015 03:17 PM

لو حد بيدور علي مدرسة خاصة لغات وإسلامية انا بنتي في k g وقدمتلها السنة اللي فاتت في مدرسة جميلة جدا ومستواها التعليمي جيد جدا والتزام واسلوب تربية إسلامي من تحفيظ قرآن واحاديث معاملات واخلاق وسلوك ده غير ان المدرسين بجد كويسين جدا وعندهم خبرة كبيرة يعني مش خريجين جداد بيجربوا في الاولاد ، هي اسمها مدرسة طلائع الكمال الإسلامية لغات بأرض الجولف خلف سنترال ألماظة وطبعا في باصات ليها .
بس المشكلة اللي مواجهاني ان مفيش باص بيجي عندي عشان انا ساكن في منطقة مافيش منها اي طفل غير بنتي ، انا ساكن في مسطرد وبصراحة انا نفسي مانقلش بنتي منها اولا عشان مستواها كويس جدا وكمان المصاريف معقولة هي مصاريفها 4900 جنيه بالكتب والزي علي حسب انت عايز تشتري ايه منه .
انا حاليا بوديها بتاكسي خاص كل يوم وطبعا ده عامل عبء مادي عليا فلو حد ساكن قريب مني وعايز يقدم فيها ممكن نجيب عربية او نخلي باص المدرسة يجي المنطقة .
بس والله المدرسة كويسة جدا وبرده مصاريفها مناسبة جدا.

**Khaled_Nowaihy** · 15-03-2015 04:58 PM

حضرتك جربت تسأل شريف العريف صاحب شركة التوصيل ؟

**khaled607** · 16-03-2015 03:21 PM

المشاركة الأصلية كتبت بواسطة exelence

انا كده هاقع فى مشكلتك لانى ساكن جنبك لو حبيت ادخل ولادى فيها :(

هي مش مشكلة بالعكس ، لأن كان فيه باص للمدرسة السائق كان ساكن جانبي وكان بيعدي ياخدها الساعة 6.15 وكانت بترجع الساعة 4.45 فطبعا كده كتير علي اي طفل لكن حاليا بالتاكسي بتركب الصبح الساعة 7 وترجع الساعة 3.15 ، هي المشكلة لو فيه طفل او اتنين كمان التكلفة هاتتوزع علي الجميع وكده اريح واوفر في الوقت من باص المدرسة