يعنى متزعلش منى من قال لا اعلم فقد افتى
انا معايا اكسنت ار بى مانيوال 2013 ونزله بايرباج للسائق
وحاليا بقى فيها سواء ايمبوليزر وايرباج بس الاي بى اس موش جميع الفئات على ما اعتقد
وفراملها مناسبة جدا ما شاء الله وده من واقع امتلاكى
عرض للطباعة
وبالنسبة للفيرنا كانت معايا ومكنش فيها والله العيوب دى اطلاقا وفضلت معايا من الزيرو لحد 100000كيلو مغيرتش غير الزيوت بس فبلاش التعميم
وموش معنى كلامى ان هيونداى عربيات خارقة لا عاديها وليها مميزاتها وعيوبها
بس احسن من عربيات اوربى اسم ع الفاضى وبتجيب فتيس فى اول الف كيلو تبقى حتى الفيرنا انضف منهم
كلنا معاك في موضوع الشكوي والقضية بس اعتقد ان غبور مبيصنعش الفيرنا تحت اشراف كوريا هو تقريباً سارق العلامة والتصميم
بس انا مستغرب من حاجة في ناس عارفة مشاكل العربية وبتروح تشتريها يعني بتوع الجيلي عارفين انها عربية مصدية رايحين يشتروا وبعد فترة يكتشفوا العيب علي اساس انهم متفاجئين ... بتوع الصني نفس الموضوع عارفين مشكلة الفرامل والطانبير والماستر وبردو يشتروا ويرجعوا يشتكوا بعد فترة
احنا اللي عملنا كدة في نفسنا للاسف احنا اللي حابين اللي يضحك علينا .. انا اسف لو كان كلامي جارح شوية بس انا بيصعب عليا اللي بيحط تحويشة العمر في عربية صيني او اياً كانت عربية مليانة عيوب علي امل ان عربيته هتبقي كويسة من غير عيوب ويفضل حاطط ايده علي قلبوا يدعي ان عربيته تبقي سليمة وكل ماتبقي العربية اغلي كل ماتنتشر اكتر وكل ماتبيع شوية تغلي شوية والمبيعات تكتر اكتر
حضرتك كل عربيه ليها مميزات وليها عيوب
وفي الاخر اللي بيحكم المميزات اكتر من العيوب وهل نستحملها ولا لأ
الفيرنا فيها عيوب بس مميزاتها اكتر وسعرها حلو جدا
فالناس بتشتري علي قد فلوسها
يعني اللي بيجيب فيرنا او جيلي اميجراند لو معاه فلوس اكتر كان هيجيب حاجه اعلى
حضرتك كلامك علي عيني وراسي بس اللي قاعد جمبك ده مينفعش يبقي مؤمن هو كمان ويبقاله ايرباج يا جماعه انتوا اكيد بتهرجوا هو دلوقتي الايرباج وانظمة الفرامل بقا فيها كلام ورفاهيه واوبشن دي حاجات بديهيه المفروض انها تكون موجوده بصفه اساسية في كل عربية حضرتك كنت تعالي اركب جمبي الفيرنا وانا علي الدائري وعربية بتقطع الطريق وبيني وبينها لا يقل عن 100 متر وماشي بسرعه 80 واضرب فرامل والعربية ماشيه بردك زحف لحد ما لبست فيه وكملت في الجزيرة بتاعت نازلة المحور احنا اللي بنخلي ناس امثال غبور ومنصور وابوغالي يستهتروا باروح الناس في البلد
مع احترامي ماروتي ايه الي احسن من فيرنا يا جماعه عدد سيارات فيرنا التاكسي قبل الملاكي توكد جوده العربيه مش لازم توصل لجوده الامريكاني والياباني بس علي الاقل بالنسبه لسعرها --- وعلي فكره انا معايا 2007 بقالها سته وشهرين عملت فيها حبت شغل اول مشترتها وبعد كده سنه محطتش ايدي فيها وما شاء الله عليها
حضرتك مش للدرجة هي حلوة يعني مغيرتش ولا تيل ولا فلاتراقتباس:
المشاركة الأصلية كتبت بواسطة crazy car
وبعدين حضرتم بتقارن اية باية حتي لو بتجيب فتيس احلي من الفيرنا
ممكن اعرف اية العربيات الي اسم علي فاضي
حضرتك انا مابشككش في العربية اطلاقا انا عارفهااقتباس:
المشاركة الأصلية كتبت بواسطة alpoka779
مينفعش تقارن مثلا الفيرنا مع سكودا اصلا