الموضوع: افيدونا ، مشكله فتيس الفوكس اتحلت ولا لسه ، اشتريها ولا لأ

المشاركة الأصلية كتبت بواسطة janjon1978

التوكيل طبعا بيكذب
الفتيس البور شفيت موجود في النيو فوكس و النيو فيستا و انت و حظك
في ناس مشتكتش من حاجة و ناس عندها مشاكل
رايي ابعد عن فتيس البور شفيت

والله يا فندم قولتلهم نفس الكلام
قالولي المشكله مش ف الفتيس البورشيفت
ولكن بيعتمد علي طريقه السواقه
لكن كان ف مشكله ف حساس او كنترول الفتيس نفسه
و القطعه دي اتغيرت من اول 2014 و كل الموديلات الجديده

ف علشان كدا بسأل ، لان معايا تيدا وعاوز اغير ، و التيدا مريحاني جدا ف سحبها وصوتها و عزلها و بدون مشاكل تقريبا بنسبه 98 ف الميه
ف هزعل اوي لو ركبت فئه اعلي و يطلع فيها مشاكل

المشاركة الأصلية كتبت بواسطة m_love4me

والله يا فندم قولتلهم نفس الكلام
قالولي المشكله مش ف الفتيس البورشيفت
ولكن بيعتمد علي طريقه السواقه
لكن كان ف مشكله ف حساس او كنترول الفتيس نفسه
و القطعه دي اتغيرت من اول 2014 و كل الموديلات الجديده

ف علشان كدا بسأل ، لان معايا تيدا وعاوز اغير ، و التيدا مريحاني جدا ف سحبها وصوتها و عزلها و بدون مشاكل تقريبا بنسبه 98 ف الميه
ف هزعل اوي لو ركبت فئه اعلي و يطلع فيها مشاكل

هوا حضرتك متوقع من المبيعات هيقولك المشكله ما اتحلتش ؟!!
اكيد طبعا كل يوم هيقولك انها اتحلت من امبارح خلاص والا هيخسر عمولته و معاها وظيفته
بس يا باشا الفتيس ده من عيلة ال dsg لا يناسب الطرق المصريه نهائي و سيبك من كلام الشباب النظري اللي بيعجب بالحاجه لمجرد انها تكنولوجيا جديده و بتوفر عزم
و اكبر دليل ان اللي هيمشي باستمرار في زحمه هيشوف ايام سودا و اللي هتلقاه بيشكر فيه غالبا بيبقى سكنه او دراسته ناحية المدن الجديده على الدائري او 6 اكتوبر

المشاركة الأصلية كتبت بواسطة hany63

هوا حضرتك متوقع من المبيعات هيقولك المشكله ما اتحلتش ؟!!
اكيد طبعا كل يوم هيقولك انها اتحلت من امبارح خلاص والا هيخسر عمولته و معاها وظيفته
بس يا باشا الفتيس ده من عيلة ال dsg لا يناسب الطرق المصريه نهائي و سيبك من كلام الشباب النظري اللي بيعجب بالحاجه لمجرد انها تكنولوجيا جديده و بتوفر عزم
و اكبر دليل ان اللي هيمشي باستمرار في زحمه هيشوف ايام سودا و اللي هتلقاه بيشكر فيه غالبا بيبقى سكنه او دراسته ناحية المدن الجديده على الدائري او 6 اكتوبر

والله الواحد محتار جدا
العربيه داخله دماغي بشكل غير طبيعي
وقلبت الدنيا عليها
وقريت كل حاجه خاصه بيها بشكاوي الناس بكل حاجه

وفعلا الموضوع محيير بشكل كبير
المشكله ان ال مافيهاش مشكله الفيوجن اكيد لانها فتيس عادي
بس فرق السعر كبير جدا بينهم

المشاركة الأصلية كتبت بواسطة japrulez

مندوب مبيعات فورميولا نفسه قال ان الفتيس فيه مشكله ... و بيتحل ب software update مشيت و سبته طبعا
بس انت لو روحت من نيسان لفورد حتبقى نزلت فى الاعتماديه و البنزين و قطع الغيار و اعاده البيع

ازاي بقي الكلام دا فهمني الله يكرمك
مش المفروض الفوكس دي فئه اعلي من التيدا
التيدا عمر ما قابلني فيها اي مشكله
استهلاك بنزين رائع , قطع غيار غاليه لكن موجوده ومعمره
الموتور و الفتيس هادييين ورائعيين ف الاستجابه بشكل غير طبيعي
:(

اعمل ايه طيب
اجيب القاشقاي ؟
كان نفس اغير عتبه النيسان عموما