الشيرى a11 بتعمل كام تقريبا دلوقتى ؟؟ او رنج اسعارها كام ؟؟ وهل ليها عيب مشهور ؟؟ وقطع غيارها متوفرة ام لا ؟؟
عرض للطباعة
الشيرى a11 بتعمل كام تقريبا دلوقتى ؟؟ او رنج اسعارها كام ؟؟ وهل ليها عيب مشهور ؟؟ وقطع غيارها متوفرة ام لا ؟؟
اللي اعرفه ان مواتير وقطع غيار فورد اسكورت 1600 شغاله معاها طبق الاصل
كل الفترة دى ورد واحد فقط :)
تسلم يا هوجان بك . بس بسمع ان قطع الغيار لها نسخة من التوليدو والله أعلم
قربة المياه اللي بتضرب ..مع واحد اعرفه ومغيرها مرتين وماشي بواحده احتياطي ..اللي هي قربة المياه
أنا آسف بخصوص مشاركتي بتاعة قربة المياه اللي بتضرب ..واضح إني ما قريتش المشاركه كويس ..أنا كان قصدي على الاسبرانزا m11
اسف للتاخير
الاسعار من 27 لحد 38 حسب الحاله
ممكن عربيه فبريكة بره وجوه والمكنه تعبانه والa11 اغلى من a15 علشان قطع الغيار الصاج a11خصوصا نفس صاج التوليدو 97 ونفس التابلوه كمان
المانيوال اغلى من الاتوماتيك بسبب مشاكل كنترول الاتوماتيك كنترول المانيول جديد 1300 جنيه عند صقر الاتوماتيك مش موجود وبيوصل 3000 استيراد لو لقيته
قطع غيارها موجوده عند صقر وعند بتوع الصينى
قطع غيار العفشة جولف بس تاخد القديمة معاك وتجيب زيها
المكنه فورد اسكورت 1999
الصاج a11 سيات توليدو 1997 صاح الa15 موجود استيراد بس غالى
عيوبها
صوت المكنه عالى
قعدتها واطيه ممكن تكون ميزه وعيب
قطع الغيار الصينى في منها مضروب
فى واحد قال انها بتجيب قواعد موتور بسرعه ده للاسف علشان قطع الغيار الصينى بيركب لها قواعد جولف
ممكن تسقط مكن جولف لحد VR6 2800cc
زراير قفل الزجاج تحت مفاتيح التكييف
العفشة ناشفة مش طريه
مميزاتها
مكنه 94 حصان 8 صبابات 1 كامه 1600cc اللانوس 83 حصان 8صبابات 1 كامه 1500cc
ثبات كويس جدا (عفشة جولف
سحب جيد جدا
استهلاك بنزين جيد لو مش هتحرق على الغيارات
واسعه جدااا من جوه والشنطه بحر
ممكن تجرى بيها ل170 مش هتقول لا وهتلاقى ثبات محترم معاك
فرامل abs
2 airbags
فى النهاية هيه افضل من الاكسنت والاكسيل واللانوس كمان فى الفئة السعريه لكن الكورى انعم منها وصوت الماتور اهدى
اشكرك على الشرح المفصل
هى حلوة فعلا لكن قطع الغيار دوخة من موديلات متعددة
هل ممكن يركب لها كنترول الاسكورت ام لا ؟؟
وهل فيه عيب شائع فيها . مثلا بتعمر مواتير بسرعة , بتفتح شاسية و هكذا
تكيفها كذلك اخباره ايه من حيث التبريد و هل بيحتاج صيانة كتير
واخيرا الكورى انعم فى المكنة ام العفشة
خالص تحياتى