عاوز اشترى سياره ملاكى مستعمله تنصحونى بايه

ياجماعه الخير ممكن سؤال عاوز اشترى سياره ملاكى مستعمله فى حدود من 50 الف الى 65 الف جنيه تنصحونى بايه لانى جاهل جدا فى مجال العربيات والانواع وغيرها انا عاوز اشتريها لشغلى هنقل فيها بضاعه واوزعها يعنى عاوز عربيه تستحمل ويكون قطع غيارها رخيصه وصيانتها رخيصه اصحابى بيقولولى افيو او فيرنا او دايو او لانوس او شفروليه وعاوز اعرف المصاريف اللى بتحتاجها السياره ايه يعنى مصاريفها زى الرخصه الكاوتش بيتغير كل اد ايه ومتوسط مصاريفه السياره الشهريه كام اسئله كتير بس انا فعلا جاهل فى الموضوع ده مع انى بعرف اسوق بس مكنتش بشغل بالى بالحاجات دى والف شكر

لوعاوز عربية جامدة وتستحمل الشغل الشاق وقطع غيار رخيصة جداً واى صنايعى يشتغل فيها ومصاريفها معقولة ورفاهيىة قليلة يبقى عليك والشاهين المكيفة ودى اخرها مويل 2008 تقريبا وثمنها فى حدود 40000جنية حسب الحالة والله اعلم

بصراحة لو بتفكر عليك وعلى اللانوس قطع غيار حلوة وحمالة اسية واسال مجرب بلاضافة لتصليحها فى اى مكان بسهولة ويسر لو بتفكر كلمنى على الخاص

اقتباس:

---

المشاركة الأصلية كتبت بواسطة adham_gouda

بصراحة لو بتفكر عليك وعلى اللانوس قطع غيار حلوة وحمالة اسية واسال مجرب بلاضافة لتصليحها فى اى مكان بسهولة ويسر لو بتفكر كلمنى على الخاص

---

http://www.nilemotors.net/Nile/image...s/satelite.gif هشوف ولو ربنا سهل هكلمك انت ادامك ايه بالظبط وسعرها ايه

اقتباس:

---

المشاركة الأصلية كتبت بواسطة bebo20

لوعاوز عربية جامدة وتستحمل الشغل الشاق وقطع غيار رخيصة جداً واى صنايعى يشتغل فيها ومصاريفها معقولة ورفاهيىة قليلة يبقى عليك والشاهين المكيفة ودى اخرها مويل 2008 تقريبا وثمنها فى حدود 40000جنية حسب الحالة والله اعلم

---

لا بصراحه عاوز عربيه كويسه برده تنفع لاسرتى فى نفس الوقت وحاجه موديل جديد