جيبت كيا عصفورة 1999 ومحتاج مساعدة معلش

**ahmedah** · 16-03-2015 12:02 PM

سلام عليكم....احسن جروب فى الدنيا...ازيكم

الحمد لله انا جيبت كيا برايد عصفورة 1999.....حالتها كويسة ودى أول عربية ليا فعشان كده معليش انا معنديش خبرة خالص...

عشان كده معلش استحملنى شوية عشان هسأل على حبة حاجاة كده ...

1- دلوقتى عداد السرعة مش ببشتغل....ايه الحل بقى
2- لمبة الصالون مش موجودة وموجود مكانها اسلاك كده
3-فى خبطة خفيفة كده من عربية نقل فى الاكصدام فعايز اعرف اعمل ايه فيها دى
4-لما عربية النقل خبطتنى....فى حتة من الباغة بتاعة الفانوس اتكسرت...عايز برضو ازبطها
5- مش عندى كلاكس...والكاسيت بيشتغل بس مش ثابت مكانه
6- محتاج 2 كاوتش وكوريك...اجيبهم منين وبكام

محتاج أعرف تكلفة كل حاجة من الحاجات دى....معلش اعذرونى لقلة خبرتى....انا حتى معرفش ميكانيكى او كهربائى كويسين قريبين منى...انا ساكن قريب من رمسيس...."وسط البلد بروحها فى 5-10 دقايق"....فياريت اللى يعرف اى ميكانيكى او كهربائى كويس يقولى

أخر حاجة بقى معلش.....انا دلوقتى الناس بتقولى انى اوديها لماكيانيكى وبعدين لكهربائى وبعدين مغسلة...الكلام ده صح؟

اسف جدا يا جماعة على اسئلتى الكتير.....جزاكم الله كل خير...

**pepo2011** · 16-03-2015 12:32 PM

بص يا فندم اولا مبروك ع العربية الجديدة وربنا يستر طريقك ويكفيك شرها
ثانيا كل اللي حضرتك بتقوله دا مش مشكلة خالص ويتحل في دقيقتين لكن في حاجات اهم من كل دا خصوصا ان العربية جديدة هل عملت الصيانات اللازمة للموتور والعفشة اهم؟؟
يفضل انك تروح الاول لميكانيكي وبعدين كهربائي بس لازم يكون حد معرفة او تروح مع حد معرفة او خبرة عشان انت لسه جديد ولو محتاج حاجة انا تحت امرك

**kar!m** · 16-03-2015 01:15 PM

متروحش لميكانيكي أو كهربائي لوحدك .. شوف حد بيفهم أوي و خليه يروح معاك .. و لو هتغير سيور أو أي قطعة غيار متشتريهاش من الميكانيكي أو الكهربائي .. اشتريها الأصلية من موزع معتمد.

و يفضل متخليش الميكانيكي يفك العربية الا لما تعرف هتغير ايه عشان متتزنقش و العربية مفكوكة و تجيب قطعة غيار من واحد جنبه و هي بنسبة 100 % مضروبة.

و ممكن تتفق مع اللي بتشتري من عنده قطع الغيار انك تاخد حاجات زيادة و لو مستخدمتهاش ترجعهاله.

**ahmedah** · 16-03-2015 01:54 PM

أولا....جزاكم الله كل خير على ردودكم...ربنا يكرمكم
ثانيا....أنا معملتش أى حاجة خالص....مجرد خدتها وروّحت...ومستنى أعرف هاعمل ايه.....عايز أعرف أول خطوة ايه.....يعنى ايه الصيانات اللازمة للموتور والعفشة.....أوك هروح للميكانيكى الاول....فى اى ميكانيكى كويس وثقة ويا ريت يكون قريب من البيت؟....لو الراجل الثقة ده بعيد....مفيش مشكلة برضو ان شاء الله :)...انا أغلبية صحابى مش بيفهموا فى ميكانيكة العربيات أوى.....عشان كده معلش محتاج حد ثقة

جزاكم الله كل خير

**exelence** · 16-03-2015 02:02 PM

فيه ميكانيكى اسمه رمضان تحت كوبرى القبة اسمع انه بيفهم كويس فى البرايد

**ahmedah** · 16-03-2015 02:33 PM

تمام.....ممكن تفاصيل أكتر طيب عن مكانه......يعنى فى اى حاجة مميزة جنبه ؟

**pepo2011** · 16-03-2015 04:10 PM

ياباشا ممكن تكلمني عالفون واظبطلك اادنيا دي كلها

**ahmedah** · 16-03-2015 05:48 PM

استاذ بيبو....معلش اكتب رقم التليفون هنا....عشان انا لسه مينفعش ابعت رسايل للاعضاء

**pepo2011** · 16-03-2015 07:40 PM

ياباشا بعتلك التليفون في رسالة عالخاص شوف التنبيهات

الموضوع: جيبت كيا عصفورة 1999 ومحتاج مساعدة معلش

LinkBack

أدوات الموضوع

عرض

-

-

-

-

المواضيع المتشابهه

معلش عندى كام سؤال ومحتاج الرد ضرورى

انا جيبت كاسيت سوني mex bt -4050 ومحتاج اجيب سماعات - أجيب إيه ؟؟؟؟

جيبت فيرنا 2011 ومحتاج رد على شوية استفسارات

محتاج مساعدة فى كيا برايد عصفورة

الكلمات الدلالية لهذا الموضوع

المفضلات

المفضلات

ضوابط المشاركة