سؤال بانسبة لترخيص السيارات الجديدة

**mohamed_berlitz** · 26-07-2007 11:19 AM

السلام عليكم ورحمة اللة وبركاتة

يا جماعة انا انشاء اللة حستلم عربيتى خلال ايام وكنت سمعت من بعض الزملاء ان فى مشكلة عند الترخيص
انا تابع لمرور مدينة نصر وبصراحة خايف لما اروح ارخص يركبولى نمر قديمة او نمر معوجة يخلى منظر العربية وحش مع العلم ان العربية زيرو
واللة مش عارف اعمل اية وهل اى حد جرب الحكاية دية
ياريت يا جماعة اللى جرب يقولى اعمل اية لحسن انا الموضوع دة قلقنى ومخلينى ابص لاى عربية جديدة مع نمرها وبأمانة بلاقى فضايح

وشكرا لكل من سوف يهتم

**zorooo1986** · 26-07-2007 11:35 AM

انا مرخص من مرور مدينة نصر بص انا بردو كنت قلقان وانت بترخص هتلقى موظف قاعد على المكتب هيقولك تعالى اخلصك كل حاجة ممكن تغمزة بعشريناية ولا حاجة يجبلك نمرة زيرو لكن انا روحت لامين الشرطة الى فى الشباك قولتلة مليش بركة غيرك وكدة وادينة 10 ج ادانى نمرة لسة جاية من المصنع اية لوكس
وربنا معاك
طارق