بكرة ان شاء الله هروح اشيل واحدة من ال٣ سانديرو اوتوماتيك او صني ٢٠١٥ الشكل الجديد او نيسان الشكل القديم زيرو
التلاتة نفس السعر ولكن الفرق اعادة البيع والكماليات و قطع الغيار
بكرة ان شاء الله هروح اشيل واحدة من ال٣ سانديرو اوتوماتيك او صني ٢٠١٥ الشكل الجديد او نيسان الشكل القديم زيرو
التلاتة نفس السعر ولكن الفرق اعادة البيع والكماليات و قطع الغيار
يلا يا رجالة فين رد الخبراء ؟؟؟؟
لو مكانك هجيب رينو سانديرو
الرينو عربية فاشلة كانت معاية الميجان 2 وطلعط عينى فى قطع غيارها وصيانتها وبعتها بخسارة
اليابانى مفيش احسن منة هى الصنى الشكل الجديد الفرامل بتاعتها تعبانة شوية بس احسن من الرينو بكتير
http://im39.gulfup.com/MWqYb.png
مع كل الأحترام تجربة حضرتك مع الرينو ميجان 2 لا يقاس عليها اللوجان و الساندريو موجودين في السوق المصري بقالهم 4 سنين و أنشارهم إدي إلي توافر قطع غيارهم - مع الأعتراف أنهما أبسط من الميجان في الميكانيكا و التكنولوجيا - العربيات دة نجحت في أوروبا و امريكا الجنوبية و إيران و الهند
أما بالنسبة للمسماة نسان صني الشكل الجديد فهي عربية فاشلة أولا مكوناتها معظمها هندي ما عدا الموتور عربية ثبت أنها ردئية الصنع و مش بس التجميع المصري دا حتي التصميع الياباني فاشل و تقدر تتأكد من المعلومات دي من خلال موقع Car & Driver و أسمها في أمريكا الشمالية Nissan Versa
دا كفاية أن الشكل القديم كان موجود زيرو من شهر !!! شهادة علي فشل النسخة الجديدة
يا فندم كلام حضرتك ده أثري أوي وعفا عليه الزمان خلاص :)
ميجان زمان حاجة وكل عربيات رينو الجديدة دلوقتي حاجة تاني خالص وأساسا ميجان زمان مشكلتها مكنتش في العربية مشكلتها كانت في الأسطى بلية الميكانيكي اللي مكنش بيفهم في عربية نازلة بتكنولوجيا حديثة غير التكنولوجيا القديمة اللي طول عمره متعود عليها
اللوجان والفلوانس والسانديرو دلوقتي عربيات أثببت وجودها بقوة في السوق وبص لانتشارهم في الشوارع أما الصني الجديدة فحرام عليك تنسبها للياباني علشان كده هتبوظ سمعة اليابان
الأخ صاحب الموضوع ابعد عن الصني الجديدة كده يبقى عندك اختيارين الصني الشكل القديم والسانديرو الاتنين حلوين لكن أعتقد الصني في إعادة البيع هتبقى أفضل من السانديرو بفارق قليل مش كبير أوي فشوف انت حابب تركب هاتشباك ولا سيدان وعايز تركب حاجة اتهرت ركوب ولا حاجة شكلها جديد ومميز وعايز حاجة عالية عن الأرض وتاكل مطبات براحتك بدون قلق ولا مش فارقة معاك وبناء عليه تقدر تقرر
وبالتوفيق
نيو لوجان هاى لاين أحسن من التلاتة المذكورين أعلاه
سانديرو هاتش باك و الصني سيدان
ازاي بيتم المقارنه بينهم ؟؟؟
لو معظم مشاويرك داخل المدينه خليك ف سانديرو
لو خارج المدينه وسفر يبقى صنى قديم
رينو نيو سانديرو أوتو طبعاً
أو نيو لوجان أوتو
صني إيه
الصني تحت السنديرو بسلمتين تلاته في المقارنات
لو بتسألني صني ولا فيرنا ولا أفيو
أقلك صني
لكن بصيت فوق على السانديرو واللوجان
مينفعش تبص تحت تاني
ـ