محتاج نصيحه

**gbgeorge** · 17-03-2015 02:58 PM

انا لسه شارى a4 وبعدين مره كنت فى مركز صيانه المهندس المسئول قالى اسطوانه الفتيس عندك تعبانه و عايزه تتغير فرحت بعد كام يوم عند حد تانى وبسأله قالى الاسطوانه كويسه ومافيهاش حاجه
طبعا الموضوع بقى يلخبط واحد يقول عايز تغير الاسطوانه والتانى بيقولى كويسه اصدق مين؟
وازاى اتأكد انا بنفسى من الموضوع ده علشان اعرف مين الصح فيهم
مع العلم انى احيانا لما بكون واقف فى اشاره و بطلع بالعربيه بشيل رجلى من على الدبرياج من غير ما ازود بنزين و العربيه بتقوم عادى و بتتحرك لكن طبعا ده لو انا واقف على طريق مستوى مافيهوش مطلع

**mr_green** · 17-03-2015 03:28 PM

عشق تالت و إتحرك براحة و شوف هاترجرج ولا لأ

و بعدين طالما مش بتشتكى من حاجة فالو الإسطوانة مش قد كده مفيش منها ضرر مش هاتبوظ حاجة تانية

و ياريت تغير المركز الأولانى لأنه شكله بيعمل شغل و الله أعلم

**shake** · 17-03-2015 03:44 PM

متا بع

**gbgeorge** · 17-03-2015 03:44 PM

يعنى وهى العربيه واقفه اعشق التالت وابتدى اتحرك واشوف العربيه هاترجرج والا لا ؟
طيب لو رجرجت او طفت يبقى ايه ولو مشيت على طول يبقى ايه؟

**omaranes77** · 17-03-2015 06:39 PM

لو طفت يبقي طقم الدبرياج سليم

**Abo_Mazen** · 17-03-2015 07:41 PM

الديسك والإسطوانه من الحاجات اللي ما تتصلحش ..بتتغير ..ولما تبدأ تبوظ مش هتبوظ حاجه تانيه معاها ..ولما تيجي تغير لالالالازم تغير ديسك وإسطوانه وبليه ..حتى لو حاجه من التلاته بايظه والإثنين التانيين كويسين ..ما دام فتحت يبقى طقم الدبرياج كله بيتغير ..لما تشتكي من مشكله إبقى ساعتها إسأل وإفتح وغير ..غير كده سيبك بقى من الفتاوى ومن الناس اللي عايزه تفتح شغل