الموضوع: نداء الى كل راجل فى المنتدى

المشاركة الأصلية كتبت بواسطة yoyo.yasso

تمام
متشكرة اوى على ردودكم انا فعلا مسحت الكومنت بس مش مسامحاه والله على الغلط اللى غلطه
انا ماكنتش عايزة امسحه بصراحه لانى مؤمنه بحريه التعبير و مؤمنه ان ده غرض البعض بس كل ما يجيلى reply جديد دمى يتحرق لما اشوف الكومنت اياه فمسحته وخلاص

زي ما حضرتك مؤمنة بحرية التعبير في ناس كتير أوي مؤمنة بحرية قلة الأدب لأن دي هي حرية التعبير عندهم
أنا كذلك بطلت أعلق في أي صفحة أو موقع محتواه مخالف لآرائي لأن تعليقي إما مش هينشر من الأساس يا إما لو اتنشر لازم وحتما ولابد هيترد عليه بقلة أدب وسفالة تصل إلى قذف الأم وسب الأب
احنا وصلنا لمرحلة إن مش بس المواضيع السياسية هي اللي بيترد عليها بسفالة ، بل وصل الأمر حتى للمواضيع التقنية مثلا فتلاقي اتنين بيتبادلوا السباب بالأب والأم علشان واحد متعصب للآيفون والتاني متعصب لسامسونج !!
احنا وصلنا لوضع مزري ملوش مثيل وثورة يناير فعلا أظهرت أسوأ ما فينا اللي كان مستخبي ورا البطش الأمني والتدين المزعوم
الحل هو تجنب التعليق طالما المكان اللي هنعلق فيه مش بيعاقب المخطئ وبيحذف كلامه لذلك المكان الوحيد اللي بعلق فيه هو منتدى نايل موتورز لثقتي في رقابة المشرفين الحاسمة وعدم تحيزهم لحد دون حد غير كده مش بشارك حتى صفحتي على الفيس مش سايب فيها حد أصلا من المخالفين إلا قليل أوي بس عارف إن أخلاقهم مش هتسملحهم بقلة الأدب والتطاول