مشكلة في كيا سيراتو كوب ٢٠١٢

**ahmed mostapha** · 18-03-2015 12:57 AM

السلام عليكم يا شباب....
انا من ٣ شهور اشتريت كيا سيراتو كوب ٢٠١٢ انا عايش في السعودية....المهم العربية كويسة و هي ٢٠٠٠ سي سي و جير ٦ نقلات...بعد فترة صغيرة و انا ماشي بيها علي الهادي بعد ما نقلت اول تاني تالت كنت مشعر رجلي علي دواسة البنزين و هي علي الرابع و فجأة دوست كيك داون فالعربية نتشت نتشة جامدة جدا كأن حد خبطني من ورا كدة ....قلقت طبعا قلت الجير فيه مشكلة خصوصا العربية ماشية ١٠٠ الف كيلو و مستعملة ...اخدتها فحص كمبيوتر قالي كهربه الجير مفيهاش مشكلة و الحساسات مفيش حاجة مش موصلة كهربا....رحت لميكانيكي قالي فيه تهريب زيت جير فصلح التهريب دة غير قطعة بيسموها صوفة جير بتمنع تهريب الزيت ...و غير الزيت طبعا ...و النتشة الجامدة دي لسة موجودة برضو....قلت اوديها لاخصائي جير شافها و جربها قالي الجير مفيهوش حاجة نقلاته منتظمة و معملتش معاه النتشة دي لانه سايقها بهداوة....قالولي غير البطارية يمكن كهربة العربية مش منتظمة غيرتها من ٤٥ امبير الي ٥٥ اميير و بردو المشكلة قائمة.....ارجوكم حد يساعدني و يفيدني المشكلة دي منين...لو حد حصل معاه قبل كدة و هل دي بدايه النهاية للجيربوكس يعني اعمل حسابي علي جير جديد علما بان المشكلة مش بتحصل الا في الكيك داون الفجائي فقط لما العربية تبقي ماشية هادي علي ٥٠ و تديلها كيك داون...اما اسرع من ٥٠ مش بتحصل ابدااااا....ارجو المساعدة يا شباب و اسف علي الاطالة.

**Dr_Smart** · 18-03-2015 01:29 AM

احتمال قواعد الفتيس

**hi_nmr** · 19-03-2015 01:09 AM

بصراحه النتشه اللي انت بتتكلم عنها دي مش واضحه فمش قادر احدد فين المشكله ياريت توضيح شويه
انت فين في السعودية

**ahmed mostapha** · 19-03-2015 12:15 PM

في الرياض يا باشا .... النتشة او العضة دي لما العربية تجيب غياراتها و تمشي بيها علي الهادي علي 40 و فجأة تفاجئها بكيك داون تروح نتشاك لورا كدة.

**walidzakzok** · 19-03-2015 06:52 PM

عندي الموضوع دة فى اللوجان من الزيرة وكل ما قولهم في التوكيل يقولوا عادي

**hi_nmr** · 20-03-2015 03:30 AM

للاسف انا في المنطقة الشرقية
وديها لحد متخصص وقبل ما توديها خلي حد معاه سيراتو يسوقها مكانك اكيد هيفيدك
بس انا معنديش نتشات سواء سرعات قليله او عاليه الحمد لله