استفسار عن افضل زيت محرك لــ نيسان صني 2015

**مهندس محمود** · 18-03-2015 06:23 PM

أولا: السلام عليكم جميعا

ثانيا: أحب اشكركم علي المنتدي الرائع دا واعترف اني اتعلمت شويه حاجات كتير عن العربيات

ثالثا: انا معنديش فكره عن العربيات اوي ومبفهمش في شغلها

رابعا: انا جبت نيسان صني 2015 في شهر 8 وعملت معايا لغاية دلوقتي 7000 كيلو وبستخدم زيت شيل لكن مش عاجبني صوت المحرك عالي ومفيش سحب مع العلم اني مبجريش فوق الــ90 وكل مشاويري داخل اسماعلية يعني مفيش زحمة كتير سفرياتي قليلة مرة او مرتين في الاسبوع واسابيع مبسافرش اصلا

خامسا واخيرا: بعد كل اللي عرفته في منتداكم الجميل بقيت محتار اغير زيت ايه

افـــــــــــيـــــدونـــ ـــــــــــــــي يـــــا اهـــــــــــ

ـــــــــل الــخــــــــــــبرة

**مهندس محمود** · 18-03-2015 07:52 PM

يا جبايب ساعدوني

**borio1704** · 18-03-2015 09:13 PM

أفضل زيت هو اللي مواصفاته زي الكتالوج أو أحسن

افتح كتالوج العربية في قسم الصيانة وتحديدا في صفحة الزيت.. هتلاقي مواصفات لدرجة اللزوجة المطلوبة ومستوى الجودة بتاع الزيت

اشتري "أي زيت" مواصفاته تكون ماشية مع المكتوب.. وفعليا.. مفيش فروق محسوسة بين ماركات الزيوت ... خصوصا إذا قارنت زيتين ليهم نفس المواصفات.

أنصحك تقرا الموضوع ده لو محتاج معلومات أكتر...

http://www.nilemotors.net/Nile/341680-a.html

ولو لسه المسألة صعبة.. ياريت ترفع لنا صورة صفحة الزيت من الكتالوج.. احنا هنساعدك بإذن الله.

**مهندس محمود** · 19-03-2015 09:16 AM

شكرا علي مجهودكم الرائع

**akmm** · 19-03-2015 09:54 AM

كل ردود الاخوه الاعضاء روعه .............. واحب اضيف ان لعربيتك دى افضل زيت من وجهه نظرى هو شل الترا التخليقى بالكامل درجه لزوجه 5w40 وخالص التحيه .

**مهندس محمود** · 19-03-2015 11:23 AM

السلام عليكم يا شباب

شكرا لاهتمامكم ..انا راجعت الدليل ووجدت ان افضل زيت استخدمة 10W-30 وفي جدول يوضح نوعية الزيت بناءا علي درجة الحرارة.
وانا شايف من وجهة نظري المتواضعة ان زيت 20W-40 او 20W-50 يكون افضل بناءا علي درجة الحرارة.... قصدي ان درجة الحرارة مبتوصلش لــــ صفر في مصر ودي الصورة من الدليل.

**akmm** · 19-03-2015 02:00 PM

مش هتلاقى درجه اللزوجه 10w30 والنوعين من اللزوجه اللى ذكرتهم بالتقرير بتاعك دول معدنى ....... يعنى حرام العربيه كده ...حط تخليقى .

**مهندس محمود** · 19-03-2015 04:04 PM

المشاركة الأصلية كتبت بواسطة akmm

مش هتلاقى درجه اللزوجه 10w30 والنوعين من اللزوجه اللى ذكرتهم بالتقرير بتاعك دول معدنى ....... يعنى حرام العربيه كده ...حط تخليقى .

تمام بس انا معرفش المعدني من التخليقي فياريت توضوحولي ازاي اعرفهم انا فهمت الفرق بينهم وعاوز اعرف ايه رايكم في موبيل ايسو جركن رصاصي 20w-40 ، لكن انا حاليا واضح اني هغير لــ شــل اللي قولت عليه.
لكن ايه رايكم في زيت ليكوي مولي و كاسترول.
سامحوني طولت عليكم وتعبتكم ومتنسوش تقولولي اعرف ازاي اعرف ان الزيت تخليقي وبيتغير علي كام كيلو متر

**borio1704** · 20-03-2015 08:42 AM

المشاركة الأصلية كتبت بواسطة مهندس محمود

السلام عليكم يا شباب

شكرا لاهتمامكم ..انا راجعت الدليل ووجدت ان افضل زيت استخدمة 10W-30 وفي جدول يوضح نوعية الزيت بناءا علي درجة الحرارة.
وانا شايف من وجهة نظري المتواضعة ان زيت 20W-40 او 20W-50 يكون افضل بناءا علي درجة الحرارة.... قصدي ان درجة الحرارة مبتوصلش لــــ صفر في مصر ودي الصورة من الدليل.

حضرتك رفعت صورة الكتالوج اللي فيها تحديد اللزوجة

اللزوجة لوحدها مش هي اللي بتحدد مواصفة الزيت

دور في الكتالوج تاني.. ممكن تلاقي صفحة تانية فيها "مستوى الخدمة" بتاع الزيت.. وأعتقد إنها مكتوية في جدول الصيانة.. والجدول ده مكتوب فيه المواعيد اللي المفروض تغير فيها أجزاء كتير في العربية .. بما فيها الزيت..

الكود اللي احنا بندور عليه هيكون تبع الAPI .. وممكن الACEA كمان.

نصيحة ليك وانت لسه جايب العربية جديد ما شاء الله... وعايز تحافظ عليها وتستخدمها صح .. اقرا الكتالوج

http://www.nilemotors.net/Nile/434256-a.html

الموضوع: استفسار عن افضل زيت محرك لــ نيسان صني 2015

LinkBack

أدوات الموضوع

عرض

-

-

-

-

المواضيع المتشابهه

ايهما افضل هيونداي النترا 2015 ام تويوتا كورلا 2015

ياريت حد يفيدنى اشترى بيرسونا 2015 وله نيسان صنى الشكل القديم 2015

ياريت حد يفيدنى اشترى بيرسونا 2015 وله نيسان صنى الشكل القديم 2015

استفسار عن نيسان قشقاى 2015

استفسار لزيت محرك نيسان صني

الكلمات الدلالية لهذا الموضوع

المفضلات

المفضلات

ضوابط المشاركة