كنت عايز اعرف ايه سعر دينمو كورولا 2009 يا ريت او اي سعر تقريبي
عرض للطباعة
كنت عايز اعرف ايه سعر دينمو كورولا 2009 يا ريت او اي سعر تقريبي
والله قلبي عندك انا كمان الدينامو باظ وسئلت علي الأصلي ب5000 جنيه وبصراحه العربيه عطلانه تحت البيت عندي ومعنديش وقت اصلحها بس في كهربائي جبته بص عليها وقالي الدينامو مش بيطلع كهرباء و قالي ممكه يفكه ويصلحه بس انا بفضل التوكيل وطبعا مش عارف احركها ومش عارف لو شحنت البطاريه علي تونجر هتوصلني للتوكيل ولا لأ لأن التوكيل علي بعد 11كلم من البيت لو حد يعرف ياريت يقولي.
السلام عليكم
التوكيل مش بيصلح بيغير بس والجديد فعلا فوق ال 5000 جنيه والتصليح مش بينفع لانى معظم الكهربائية معندهمش مفتاح فك الطمبورة بتاعة الديناتمو لانها مختلفة ولو فكهولك حيفكوا بالدق وغباوة وحيشتغل معاك يدوبك كام شهر وحيعملها معاك وممكن تكون على سفر او حتة مقطوعه وساعتها مش حتقدر تحرك العربية لانى الطمبورة مش بتركب كويس تانى علشان الدق وساعتها السير حيفلت او ينقطع وبالتالى مش حتقدر تحرك العربية علشان طرمبة المية مش حتتحرك والبتالى ممكن تبوظ المتور
الحل بقى
1- تشتريه من برة وسعره رخيص وحيكون جديد
2- تروح عند محمد على بتاع الحرفيين وتشوف واحد استيراد وانت وحظك وممكن يكون مستهلك
3- تغيره من التوكيل حيكون اصلى ويعيش معاك بس السعر خرافة
وربنا يعينكم
اشكرك علي الرد اولا انا ليا ملحوظه علي منتدي نايل متورز ان كثافه المناقشات قلت كتير مش عارف ده سببه ايه ثانيا بخصوص موضوع الدينامو انا قريت تجربه في منتدي مصر موترز ان التوكيل بيصلح عيب البكره في الدينمو فقط وذلك ب500 جنيه اتمني من الله انه فعلا يتصلح ولا يتم تغييره
هو فعلا ممكن يغيرلك طنبورة الدينامو وهى فعلا بحوالى 500 وشوية فكة كدة بس ده لو العيب فى طنبورة الدينامو وده بيكون لو العيب فى البلية اللى جوه الطنبورة فقط بس لسا فيه بليتين جوه الدينامو وفى الحالة ديه التوكيل بيغير فقط
والطنبورة الخارجية فى الغالب مش بتبوظ اللى بيبوظ البلى اللى جوه الدينامو ولو البلى الداخلى قفش ممكن الدينامو نفسه يتحرق والقصةكلها بتبدأ بصوت زى حكة او صريخ جاى من عند الدينامو ولازم تلحقها بسرعة قبل ما تقفش ومش حتعرف تتحرك ساعتها
وعلى فكرة الدينامو ممكن يتصلح بس بشرط كهربائى شاطر والمهم وجود مفتاح فك الطنبورة وهو على شكل نجكة بس كبير وللاسف مش موجود غير فى التوكيل واهم حاجة شغله نظيف وميدقش على الدينامو علشان يفكه(ميشغلش دماغه يعنى) لانى للاسف كل ما شغل دماعه انت الخسران هو كل همه انه يفك الدينامو ازاى ملوش دعوة وحتبص نلاقى نفسك كل كام شهر دخلت فى القصة ديه تانى
ولو صلحته بره (الدينامو اتقك) متجريش بالعربية فوق ال 120 لانى ساعتها الطمبورة مش بيبقى مقروص عليها لانى بيربط بالدق فقط وحتلاقى وانت ماشى الطمبورة طارت والدنيا وقفت وحتظطر ساعتها انك تشيل العربية
اشكرك علي الأهتمام والرد بس اللي حص معايا اني كنت راكن العربيه لمدة اربع ايام وجيت ادورها ما درتش جبت كهربائي كشف عيها وقالي الدينامو في مشكله وفك السير ولقي فعلا الطنبوره خفيفه وبعدين انا محستش بصوت خشونه ابدا لما كنت بسوقها انا ان شاء الله هروح التوكيل السبت القادم بس قبل ما اروح هشحن البطاريه علي تونجر وربنا يسهل وتوصلني للتوكيل بس انا بصراحه لو الدانمو محتاج يتغير انا مش هدفع 5000 جنيه كتير جدا وربنا ساعتها يسهل واشتري داينامو تيواني مثلا يكون ارخص لاني مش عاوز افك الدينامو عند كهربائي لان ده عك .
بس دزر الاول على دينامو واعرف موجود فين والسعر كام جديد او استيراد لانى الوضع عندكفى الغالب الدينامو ملفاته اتحرقت والتوكيل فى الحالة ديه بيغير بس وممكن بعد ما تروح هناك يقولولك تغغير تقول لا وهمن هناك فى الغالب مش بيشحنوا البطارية يعنى فى الغالب حترجع بالعربية متشالة وديه تكلفةتانية انت حضر نفسك ودور الاول قبل ما تروح التوكيل علشان لو مش حيتصلح تروح تجيب التانى وتركبه وتمشى بيها