بخصوص مساعدات الزواج للفقراء والحالات الانسانية

**elpilot** · 19-03-2015 09:12 PM

السلام عليكم
دلوقتي يا جماعه فيه بنت غلبانه يتيمة من بلدنا وحالتهم المادية صعبه جدا هم بنتين وولد وامهم وملهمش اي مصدر دخل الا شغل اخوها
اخوها في الدبلوم وبيشتغل علي الخلاطه يعني تقريبا بيدخله 40جنية يوميا بيعيشوا منهم
المهم دلوقتي البنت دي اتخطبت من سنة ونص وفرحها في 30/5 ان شاء الله
دلوقتي انا عملت حملة تبرعات من كل اللي اعرفهم قرايبي او صحابي والحمد لله ربنا قدرنا اننا نجمع مبلغ كويس وجبنا بيه المطبخ ومشتملاته والفرش والملابس وحاجات كتير
بس فاضل شوية حاجات زي (البوتاجاز-الثلاجة-الغسالة-التليفزيون ) دول للأسف مقدرتش اجمع فلوس تجيبهم وكمان مقدرتش الم تبرعات تجيبهم لان الناس كلها اللي اعرفهم دفعت اللي تقدر عليه ومش عايز اضغط عليهم
ففكرت اعرض الموضوع ده هنا علشان سمعت انه فيه جمعيات انسانية بتقدر تساعد في الموضوعات دي ياريت اي حد عنده فكرة نقدر نساعد بيها الناس دي او اي طريق اقدر امشي فيه ياريت يفيدني بيها وربنا يكرم الجميع ان شاء الله

**elpilot** · 20-03-2015 12:15 AM

انا يا جماعه مش عامل الموضوع عشان تبرعات من حد
انا عايز اعرف ايه الاجراءات والاوراق المطلوبة علشان اجيبلهم اي مساعده من جمعية خيرية ليها نشاط في الموضوعات اللي زي دي علشان بس ضمان الشفافيه في الموضوع ومحدش يفتكر اني بطلب منه مساعده ويخاف يرد
ارجو الاهتمام لابداء في تخليص الاوراق لان اكيد الحاجات دي بتاخد وقت
وشكرا