عرض للطباعة
السلام عليكم
ارجو الرد سريعا
انا المفروض عندي انترفيو في العنوان دة وعاوز اعرف اروح ازاي خاصة اني مش من القاهرة والانترفيو بدري الساعة 10 فعاوز اقدر الوقت كمان
العنوان كالاتي
قطعة 1 على 2 منطقة المخازن الصناعية اخر المنطقة السادسة 6 اكتوبر
وشكرا مقدما
مواصلات
هتركب للاسعاف او عبد المنعم رياض
ميكروباص اكتوبر
لو لقيت ليلة القدر ياريت وده ميدان رئيسى قبل المنطقة الصناعية
ومن هناك بتاخد نصف نقل للعنوان اللى رايحه فى حدود 10 - 15 جنيه
وخد نمرة السواق علشان اما تخلص يرجعك لو ملقتش عربيات
لو ملقتش ليلة القدر اركب لميدان الحصرى ومنه ميكروباص لليلة القدر
ساعات بيكون فيه ميكروباصات من موقف العاشر بس مش ضامن توافرها
وانت راجع ممكن تلاقيها من الحصرى
لو عربية
خد الدائرى من اسماعيلية صحراوى او زراعى
اتجاه الاسكندرية الزراعى وشبرا الخيمة
يعنى المطلع اليمين
تكمل فيه لحد نزلة محور 26 يوليو
وامسك يمين اوى من اول ما تعرف انه قرب علشان فيه حاجز للمدخل قبله بمدة
هتنزل المحور اتجاه اكتوبر
تكمل وتخلصه
هتلاقى مسجد كبير شمالك ده مسجد الشرطة
هتكمل برده
هتلاقى ميدان كبير امامك ده ميدان جهينة
ثم بنزينة توتال او كالتكس
بعد كدة مطبين وفيه مدخل شارع يمين العربيات داخلة فيه سيبه وخد اللى وراه
وهتلاقى جهاز مدينة اكتوبر يمينك
وتدخل من جنبه طوالى
هتلاقى الجامعة يمينك
ميدان تانى ده الحصرى وعلى يمينك جامع الحصرى
تكمل طوالى بعد حوالى 2 او 3 ميدان
هتلاقى ميدان فودافون عليه اللوجو بتاعهم وشكله شكل معبد رومانى
تعديه وتكمل اول ميدان ليلة القدر
اسال على عنوانك
والرجوع شرحه
شكراااا جزيلا
وفرت علي كتير والله
بس بخصوص اني ممكن انزل في رمسيس
هل ممكن الاقي من رمسيس لميدان ليلية القدر مباشرة
اسال