نيسان جوك vs رينو داستر (2015)

السلام عليكم ...


حبيت افتح الموضوع ده للنقاش وكل واحد يقول رأيه في العربيتين من حيث :

1- المميزات
2- العيوب
3- هتبقى احسن لو ....




( نيسان جوك vs رينو داستر )

بسم الله الرحمن الرحيم

أخى الفاضل Black gold

قبل أى شىء أود أن أخبرك أننى معجب بالموضوع الذى طرحته للنقاش و إن كنت لا أتوقع كثيرآ من الردود . . . لا شىء . . . و لكن لأنك إخترت سيارتين من أقل السيارات شعبيه و إنتشار . . . أنا واثق أن لن يبخل عليك أحد بمعلومه . . . فقط إن كانت لديه هذه المعلومه.

أنضم إليك منتظرآ أن أسمع آراء الأعضاء . . . فقط للتزود بالعلم.

أنا عن نفسى أبغض شكل النيسان الجيوك القبيح بغضآ شديدآ حتى لا أعيرها أى إهتمام مهما كانت مميزاتها . . . و يضاف إلى ذلك وكيلها الذى هو من أشهر الفشله و قد تأذيت بتجرته ما يربو من ثلاث سنوات. . . . . ولكن بصدق دقيق و عدل نزيه لا أعلم عن السياره شىء.

السلام عليكم و رحمة الله و بركاته

يحوطوا ماتور الجوك و الفتيس الاوتو فى الداستر حتوقف حال الجوك و ix و السبورتيج.
انا فعلا لولا الفتيس المانيوال كان زمانى خلصت فى الداستر من زمان

عيب الجوك الوحيد الكنبه ورا ضيقه وبس.....بس
يعني مش عائليه شبابيه
ماقدرش اقارن اوتوماتيك بمانيوال مهما حصل

بالنسبه للعربيتين عاوز اعرف مين اكثر اعتماديه وتحمل للسفر مشاوير طويله يعني وكمان العزل والأمان وارتفاع السياره عن الارض دي اهم حاجه بالنسبالي عاوز اعرفها لو ممكن حضراتكم تفيدوني

الجوك مع زميلى فى العمل الاوبشنز فيها كتير زائد الميزة الكبرى انها اوتوماتيك
air bags
فيها ABS EBD
مثبت و محدد سرعة و دى مريح فى السفر
start stop engine
key less entry مجرد ما تقرب من العربية الريموت يفتح لاسلكى و كل ما عليك تشد الباب

آخر أوبشن عرفناه و مش متفعل engine saver
يعنى لما العربية تقف فترة طويلة الموتور يبطل و بعين يرجع يدور لما تشغل اى حاجة و مش عارف ينفع التوكيل يحط الخاصية دى و لا ايه النظام

العيوب شكل المقدمة قبيح جدا بس الخلفية شكلها جديد و جميل و دى ازواق فى الآخر
الكنبة الخلفية زى ال 128 و مش متاكد ان كانت اضيق و لا لأ !!!
كرسى السائق ذات نفسه مش كبير
عفشة ناشفة
العزل الحرارى ردىء يعوضه شدة التكييف - فى الصيف حطيت ايدى على القايم الخلفى جوة العربية كانك مشغل سخان

الجوك فيها esp
بس خلاص كفايه كده فيها esp
ثبات خرافي طبعا واعلى امان في فئتها في كل دول اوروبا

طب بالنسبه للعزل في الجوك كويس ولا ﻷ ؟؟