بيجو ٣٠١ هاى لاين كسر زيرو ب ١٢٠ الف جنيه عامله ٢٠ الف كيلو متى
والا
تويوتا كرولا كامله اوتوماتيك ب ١٢٠ الف جنيه كامله ١٠٠ الف كيلو متر
؟؟؟
عرض للطباعة
بيجو ٣٠١ هاى لاين كسر زيرو ب ١٢٠ الف جنيه عامله ٢٠ الف كيلو متى
والا
تويوتا كرولا كامله اوتوماتيك ب ١٢٠ الف جنيه كامله ١٠٠ الف كيلو متر
؟؟؟
تويوتا طبعا ولو عامله 100 الف
ال301ﻻ ترقي للمقارنه معها وﻻ حتي مع ياريس مش كوروﻻ
مشاكلها خطر علي حياه راكبيها
شوف حضرتك البيجو 301 فيها مشاكل فى الفرامل وكذا حادثة حصلت بسبب الفرامل وفى اخ كان كاتب انة عمل حادثة ب 301 بسبب الفرامل وبيقول ان الطنابير اتقسمت نصين وعمل حادثة وابنة الى لسة رضيع راح فيها والله يرحم الطفل دا والله اعلم على الكلام دا وكذا حد بردو كتب شكوى بسبب الفرامل بردو
وفى ناس كتبت مشاكلها مع العربية هنا فى المنتدى
مع العلم ان التوكيل فى المعاملة مع المشاكل مش بيحلها غير نادرا ومن تجربة مع توكيل بيجو بس الكلام دا فى 2003 2004 توكيل زبالة ولازم يكون صوتك عالى ولسانك طويل عشان تاخد حقك
نصيحة شوف حاجة تانية وشوف عربية تانية حتى غير التويوتا وزود شوية واركب حاجة كويسة لاننا فى مصر مش كل يوم هنجيب عربية دا هى عربية واحدة تعتبر فى العمر فا لو تزود وتجيب قسط يكون افضل عشان المبلغ الى معاك مش قليل ومش كتير وممكن ترفع شوية فية وتجيب حاجة كويسة
العربية التويوتا عاملة 20 الف كيلو فى السنة يبقى ليه طبعا وحضرتك ضد تصييت الماركات
معلومات لحضرتك :
5 Of The Largest Car Recalls In History - Slideshow | Investopedia
تويوتا بجدارة تحتل المركز الثانى على مدار التاريخ فى استدعاء السيارات
استدعت 9 مليون عربية بعد ما 30 واحد ماتو
المشكلة كانت فى تشكيلة موديلات على سبيل المثال و ليس الحصر لكزس - هيلاندر - كامرى - كورولا و الموديلاتها البايظة من 2004 لغاية 2010
فى مشكلة فرامل لعضو محترم مع ال301 لازم يتحرى عنها
ربنا يعافينا مع اى عربية
رغم اني مقدرش أفيد بظبط أي من الموديلين أفضل لكن... هقول تجربتي في السعودية إلي كنت موجود بها من حوالي 10 سنوات... السيارات الأوربية يمكن متمثلش نسبة 5% من إلي موجود - يسيطر على السوق هناك الامريكي، الياباني، الكوري... ليه يا جماعة؟ عشان الراحة و التكييف و قلت الاعطال. مرة ركبت مع حد هناك عربية تويوتا كامري و قالي أنا مش عارف في إيه تحت كبوت العربية دي؟ قلتلو خير - قالي عداد العربية معدي المليون كيلومتر و الموتور مفوتش و بخيره! التكييف، العفشة، كلو تمام!!! مفيش إلا السوائل و الزيوت، تيول الفرامل... يعني مستهلكات أي عربية في الطبيعي. كمان مننساش إن 301 دي مخصصة خارج فرنسا - يعني مش موجودة عندهم في بلدهم مع إن هما إلي منتيجنهة، مش عارف بصراحة ده ميزة و لا عيب. لو أنا إلي هختار هحاول أسأل أكتر، لكن بصراحة ميال أكتر بكتير للتويوتا.
طبعا كورولا لعدة اسباب من اهمها الاعتماديه في الكورولا وقلة استهلاك البنزين
كورولااااااااااااااا
الاوروبي افخم وتكنولوجي تصميم احسن
الياباني والكوري ميزته قلة الاعطال والريسيل
شوف انت محتاج ايه .
انا كان معايا كورولا 2007 في السعوديه
كنت بكرهها ثباتها زي الزفت ومفيش فيها اي حاجه مميزه
بعدها جبت جولف 4 ثباتها وكماليتها أعلي بكتييير
وأ عطالها برضه و تكلفة اصلاحها .
يا ريت يكون في حاجه فيها مميزات الاتنين ومن غير عيوبهم
الله ينور عليك
هو ده الرد العلمي و العملي
السائل عايز ايه من العربية او ايه نقاط المقارنة بالنسبة له و اﻷعضاء يردوا عليه
لكن سؤال مبهم بدون تفاصيل مش هيوصل ﻹجابة وافية
إعتمادية
إعادة بيع
سهولة صيانة و توفر قطع غيار
يبقى أي حاجة غير اﻷوروبي و الصيني
فخامة و شياكة و ثبات و جودة تقفيل و خامات يبقى اﻷوروبي
دي كده المقارنة العامة
بعد كده قارن بين أي عربيتين بالتفصيل عن طريق آراء الملاك و تعليفاتهم و شكواهم
أولا انا مش هاقدر افيدك عن التويوتا عشان مركبتهاش
أولا انا معايا ال 301 من شهر 1 -2014 وعمرى محسيت أن فيها مشكلة فى الفرامل بالعكس يمكن أنقذتنى كتير من كذا حادثة والعربية مع ناس كتير وعمرهم ماشتكوامن الفرامل وممكن فى حالات فردية ده مايخليناش نقول أنها مشكلة وعيب فى العربية
هو يمكن التيل بيتاكل بسرعة وده عشان المادة اللى بطول عمره أتشالت عشان السلامة والصحة فى أوروبا
وانا عامل بيها 30000 كم وعمرها مخذلتنى ولا اشتملت منها
ولو عايز تتأكد من كلامى أدخل على صفحة peugeot.301.fan والناس هناك هاتقدر تساعدك بكل امانة
صوتى للكورولا
تويوتا عملت سمعتها من عربيات التسعينات و اوائل الالفين بعد كده صناعتها فى النازل
فى السعودية لو عملوا تمثال لعربية هتكون تويوتا
و لم يزحزح تويوتا عن عرشها الا الهيونداى
سيارات اعتمادية يسهل اصلاحها قطع غيار متوفرة و الكل بيفهم فيها
بس رقم 100 الف كيلو يعتبر عالى بالنسبة لمصر
لو منك ابحث عن خيارات اخرى لكن بالنسبة للمقارنة صوتى لتويوتا(يمكن عشان انا فى السعودية)
لا دى و لا دى الأثنين عربيات وحشة جدا و سيئة جدا ممكن تجيب لك اوكافيا مستعملة أو رينو فلوانس أو أى حاجة تانى